Nyongo: Wanaojiamulia sheria mkononi sitawavumilia, hakuna wa kuinunua Serikali

[carbohydates]

Mkuu wa Mkoa wa Pwani, Stanslaus Nyongo, amemuagiza Mkuu wa Wilaya ya Bagamoyo, Shaibu Ndemanga, kuhakikisha zinaundwa kamati za usuluhishi na utatuzi wa migogoro baina ya wakulima na wafugaji ili kuimarisha mahusiano na kudumisha amani.

Nyongo alitoa agizo hilo Novemba 2, 2026, katika mkutano wa hadhara na wananchi wa Kijiji cha Mtakuja, Kata ya Fukayosi, ulioitishwa kufuatia migogoro baina ya wakulima na wafugaji wa jamii ya Wamang’ati.

Amesema kamati hizo zitakuwa na jukumu la kusikiliza pande zote, kusuluhisha migogoro na kutafuta ufumbuzi wa kudumu, huku akiwataka wafugaji kuacha kuingiza mifugo kwenye mashamba ya wakulima na kuheshimu maeneo yaliyotengwa kwa shughuli zao.

Aidha, amewataka wakulima kuacha kujichukulia sheria mkononi kwa kuwadhuru wafugaji au mifugo yao, akisisitiza kuwa hakuna mtu au kundi linaloweza kuinunua Serikali ya Dkt. Samia Suluhu Hassan wala kuwa juu ya sheria.

“Naomba niwashukuru kwa taarifa mlizonipatia, Nitazifuatilia moja baada ya nyingine, na nikibaini kuna kiongozi yeyote anayehusika na vitendo hivyo, nitamshughulikia ipasavyo, Ninachotaka ni wananchi waishi kwa amani,” alisema Nyongo.
Chanzo: Jamhuri Media

 

[Daniil_T]

Kwanini kadhia hii imekuwa endelevu? changamoto kati ya wafugaji na wakulima imekuwa kero kila itwapo leo, je ni mamlaka zimeshindwa kutatua kero hi au ni viongozi waliopewa mamlaka kuegamia upande mmoja mbona kila siku migogoro kati ya wafugaji na wakulima haiishi?