myplusbee kwa "Exchange rate" ya dola kwa shilingi yetu kwa sasa nadhani hicho kiwanja ni sawa na shilingi bilioni mbili na milioni mia tatu (2,300,000,000).
Nisichokielewa ni kama kumbe bado kwenye fukwe ya Msasani kuna kiwanja chenye ukubwa wa 70* 70. Maana hiyo ni heka na kuwa na heka nzima msasani ambayo haijajengwa ni kazi kweli kweli.
Kwa mtazamo wangu bei ya nyumba na viwanja duniani kote hutegemea mambo mengi sana. Kwanza kabisa hali ya uchumi ya watu wa nchi husika, kuna suala la huhitaji kwa mnunuzi, umaarufu wa eneo linauzwa ama kupangishwa.
Umaarufu wa eneo una mambo mengine ndani mwake, kama vile urahisi ama ukaribu wa eneo, utulivu, mpangilio wa makazi na ukaaji wa eneo na jiorafia yake na hapa ni kutia ndani kama eneo liko karibu na bahari, mlima maarufu, eneo lisilopata mafuriko kiurahisi ama na uwepo wa huduma za kijami karibu.
Kwa vyovyote vile yale mambo ya "Majimatitu" yanafikirisha sana. Hivi kwa jiji kama la Darisalama ni lazima kweli watu wote watoke watokako waje Kariakoo ama Posta kwa ajili ya kufuata huduma za kijamii ama shughuli za kuwaingizia riziki?
Kuna uzembe mkubwa sana ulifanyika wa kutokupanga miji yetu hasa baada ya miaka ya themanini. Nakumbuka wakati Kijitonyama na Sinza zinapimwa na kuanza kujengwa, ilidhaniwa kwamba ni zoezi endelevu lakini halikuendelea.
Miaka ya tisini pia wakati Tabata Kimanga inapimwa wengine tukaona kama ni mwanzo mzuri wa kujenga mji mpya, lakini leo nenda tabata ukaone yale maeneo yaliyopimwa kwa matumizi ya umma yanatumikaje!!
Hivi inawezekanaje kuwa na miji midogo midogo ambayo haina huduma za kijamii na maeneo ya kuwafanya watu wapate riziki zao? Ndiyo maana kuna baa hadi kwenye makazi ya watu.
