Ongezeko la wafanyabiashara wa vipodozi vya kung'arisha haraka: Uko wapi udhibiti wa Serikali?

[realMamy]

Ongezeko la wafanya biashara wa vipodozi vya kung'arisha limekuwa la kutisha. Kila siku akaunti mpya Instagram, TikTok live kila saa. Bei sh 3,000 - sh 10,000. Ahadi ni "Dada, siku 3 tu unakuwa mweupe kama umepigwa filter". Watu wengi wananunua bila kuuliza kuhusu usalama wa Ngozi.

Biashara inaenda, lakini afya yetu?

Ukweli mchungu: Ngozi ya binadamu haibadiliki kwa siku 3. Kama cream inakufanya uwe mweupe haraka hivyo, ndani yake kuna kemikali kali zilizopigwa marufuku kama Hydroquinone na Mercury.

Kazi yake ni kuchoma tabaka la ngozi ili ionekane kung'aa kwa muda. Baada ya miezi kadhaa, ndio madhara yanaanza: madoa meusi, ngozi nyembamba kama karatasi, chunusi na kadhalika.

TFDA wameshasema wazi: "Vipodozi vyote lazima viwe na namba ya usajili. Vipodozi vya kung'arisha vilivyo na hydroquinone zaidi ya 2% ni kinyume cha sheria".

Polisi wamekuwa wakikamata mizigo bandari. Lakini wauza mitandaoni bado wanaendelea. Je, sheria zetu zimedunda? Au watendaji hawana nguvu za kufuatilia mauzo ya online? Au sisi wanunuzi ndio tunawapa nguvu?

Tujadiliane:
1. Kwanini wauza vipodozi hatari wameongezeka hivi sasa?
2. Serikali kupitia TFDA inapaswa kuchukua hatua gani zaidi kudhibiti hili?
3. Wewe kama mnunuzi una wajibu gani kabla ya kupaka kitu usoni?

Lengo ni kuelimishana. Ngozi ni moja tu ndugu, tukiharibu hatuna spare.

 

[Mtoto halali na hela]

Tatizo hawasikii

 

[mwaibile]

Hapo shida watumiaji kutokujali afya ya miili yao

 

[Tutu kalundji]

Free market economy imekuwa changamoto Africa,nchi zetu zimekuwa damping site

 

[secretarybird]

🤔

 

[mwehu ndama]

Watu wakiwa weupe wew unaumia nin? Tumechoka kula nyuchi nyeusi

 

[Kingfisher]

Acha wang’ae nchi yenyewe hii kila mtu hajali

 

[Mtili wandu]

Na uswahilini ili uonekane mambo yako mazuri uwe umejichubua. Yaani rangi ya shingo na sura iwe tofauti.

 

[Mwangazza]

Hapo shida watumiaji kutokujali afya ya miili yao

HIVI INASABABISHWA NA NINI
HADI MTU ANAAMUA KUJICHUBUA NGOZI
KUNA DADA NILIKUWA NAFANYA
NAYE KAZI, BAADA YA MIAKA 4
NGOZI YAKE IMEBADILIKA COMPLETELY
KUTOKA DARK SKIN TO MAUCHAFU CHAFU
HADI NIKIMWANGALIA NAMUONEA HURUMA

 

[Bushmamy]

Watajijua wenyewe huko hawataki kuishi naturally. Sie tunawacheki tu

 

[Mwangazza]

Watu wakiwa weupe wew unaumia nin? Tumechoka kula nyuchi nyeusi

MWEHU NDAMA ON THE BEAT

 

[Mwananchi B]

Wenyewe wanakwambia Mambo ya ku Glow hayo.

 

[King Kong III]

WOte wapo 18+ ,wana uelewa wa madhara ya hivyo vipodozi ,hawalazimishwi kutumia.

Ni kama sigara /pombe wametoa tahadhari ni hatari kwa afya yako ,kwahiyo ukitumia ni kwa your own risks.

Kuhusu hivyo vipodozi vyenye mercury na Hydroquinone kuingia nchini hapo tatizo ni la sirikali wenyewe ,ni kama Cocain na Heroin zinavyoingia ,kuna vitengo vya kuzuia bidhaa kuingia kimagendo.

 

[Nus]

Si mmeambiwa kila mtu atakula kwa urefu wa kwamba yake.

 

[Mwangazza]

Si Mmeambiwa Kila mtu atakula kwa urefu wa kwamba yake.

MEANING KILA MTU ATAPATA MADHARA KWA UREFU WA KAMBA YAKE

 

[Alvajumaa]

Sasa itakuaje

 

[Hulda-Tamarri]

Watumiaji wamekuwa wengi mno ndio maana na wauzaji wameongozeka kwa sababu ya soko.

Umbumbumbu wa watu kwenye vipodozi ndio unafanya wauzaji wengi wa take advantage.

Mamlaka ziingilie kati maana kuna baadhi ya wauzaji sasa hivi wamevuka mipaka wanachukua majukumu ya kidaktari na kuwauzia the so called supplements, wanawaelekeza mividonge basi watu nao wanaenda kujinywea tu.

Ni huzuni

 

[realMamy]

Tatizo hawasikii

Nini kifanyike Sasa jamani

 

[realMamy]

Watumiaji wamekuwa wengi mno ndio maana na wauzaji wameongozeka kwa sababu ya soko.
Umbumbumbu wa watu kwenye vipodozi ndio unafanya wauzaji wengi wa take advantage. Mamlaka ziingilie kati maana kuna baadhi ya wauzaji sasa hivi wamevuka mipaka wanachukua majukumu ya kidaktari na kuwauzia the so called supplements, wanawaelekeza mividonge basi watu nao wanaenda kujinywea tu.
Ni huzuni

Sijui ndo tunasubiri watu wajae hospital ndo hatua za haraka zichukuliwe

 

[Mwangazza]

Nini kifanyike Sasa jamani

Waachwe na maisha yao