Naomba nitumie jukwaa hili kuwaonya wazazi na wahititimu wanaotarajia kujiunga na vyuo vya ngazi ya kati kwa program ya famasia.
Kwanza niwaeleze kwa nini ninaandika kutoa tahadhari hii.
Kwa muda mrefu sasa kumekuwa na mfumuko wa ongezeko la vyuo vinavyodahili wanafunzi wengi wa famasi na kutoa wahitimu wengi pia ingawa ni karibu asilimia 50 huwa hawamalizi diploma ukilinganisha na walivyoanza.
Lakini kibaya zaidi ni kwamba hao waliobahatika kumaliza diploma,ni asilimia isiyozidi 30 ndio hufanikiwa kufaulu mitihani ya leseni katika miaka mitatu baada ya kumaliza chuo.
Nasema katika miaka mitatu kwa sababu wengi hufeli mitihani ya leseni na kurudia katika hiyo miaka kabla hawajafaulu.Wanaofaulu mitihani yote kwa mkao mmoja ni asilimia isiyozidi 20!
Sasa naomba niwatahadharishe kwamba;
1. Usikubali kupeleka chuo mwanao chenye wanafunzi zaidi ya 100 kwenye darasa moja.
Vyuo vinafanya uhuni sana ili mwanao afaulu tu lakini atakutana na kigingi sio cha kawaida wakati wa mitihani ya leseni
2. Mzazi omba kujua iwapo chuo kina wakufunzi wa kutosha ikibidi uliza baraza la wafamasia.
Iwapo chuo hakina wakufunzi wa kutosha kwa uwiano wa mkufunzi mmoja kwa wanafunzi 15 achana na chuo hicho bora umpeleke mwanao VETA utanishukuru baadae.
3. Iwapo chuo hakina mpango mzuri wa kupeleka wanafunzi kwenye mafunzo kwa vitendo,yaani mwanafunzi anatafuta mwenyewe afanyie wapi na hakuna usimamizi wa walimu wao,achana na hicho chuo utakuwa unapoteza pesa bure
4. Kama utaweza,uliza chuo unachotaka kujiunga wakwambie idadi ya wahitimu wao wa miaka mitatu tu nyuma walio na leseni.
Kama hawana majibu hiyo itoshe kukuonesha kuwa hawajali na wanachojali ni pesa yako tu unapokuwa hapo chuoni.
Mwisho nihitimishe kwa kusema mafunzo ya famasi yanahitaji ujitume kujifunza mambo mengi bila kumtegemea mkufunzi pekee kwani watunga mitihani hawajali kile unachojua bali kile wao wanachojua na kutaka uwe kama wao Pambana sana ili uwe kama wao.
Alamsiki
Kwanza niwaeleze kwa nini ninaandika kutoa tahadhari hii.
Kwa muda mrefu sasa kumekuwa na mfumuko wa ongezeko la vyuo vinavyodahili wanafunzi wengi wa famasi na kutoa wahitimu wengi pia ingawa ni karibu asilimia 50 huwa hawamalizi diploma ukilinganisha na walivyoanza.
Lakini kibaya zaidi ni kwamba hao waliobahatika kumaliza diploma,ni asilimia isiyozidi 30 ndio hufanikiwa kufaulu mitihani ya leseni katika miaka mitatu baada ya kumaliza chuo.
Nasema katika miaka mitatu kwa sababu wengi hufeli mitihani ya leseni na kurudia katika hiyo miaka kabla hawajafaulu.Wanaofaulu mitihani yote kwa mkao mmoja ni asilimia isiyozidi 20!
Sasa naomba niwatahadharishe kwamba;
1. Usikubali kupeleka chuo mwanao chenye wanafunzi zaidi ya 100 kwenye darasa moja.
Vyuo vinafanya uhuni sana ili mwanao afaulu tu lakini atakutana na kigingi sio cha kawaida wakati wa mitihani ya leseni
2. Mzazi omba kujua iwapo chuo kina wakufunzi wa kutosha ikibidi uliza baraza la wafamasia.
Iwapo chuo hakina wakufunzi wa kutosha kwa uwiano wa mkufunzi mmoja kwa wanafunzi 15 achana na chuo hicho bora umpeleke mwanao VETA utanishukuru baadae.
3. Iwapo chuo hakina mpango mzuri wa kupeleka wanafunzi kwenye mafunzo kwa vitendo,yaani mwanafunzi anatafuta mwenyewe afanyie wapi na hakuna usimamizi wa walimu wao,achana na hicho chuo utakuwa unapoteza pesa bure
4. Kama utaweza,uliza chuo unachotaka kujiunga wakwambie idadi ya wahitimu wao wa miaka mitatu tu nyuma walio na leseni.
Kama hawana majibu hiyo itoshe kukuonesha kuwa hawajali na wanachojali ni pesa yako tu unapokuwa hapo chuoni.
Mwisho nihitimishe kwa kusema mafunzo ya famasi yanahitaji ujitume kujifunza mambo mengi bila kumtegemea mkufunzi pekee kwani watunga mitihani hawajali kile unachojua bali kile wao wanachojua na kutaka uwe kama wao Pambana sana ili uwe kama wao.
Alamsiki
