- Tunachokijua
- Kulingana na Mamlaka ya Usalama wa Chakula ya Ireland (FSAI), kuna aina nyingi za uyoga wa asili unaokua Ireland, kati yake aina 13 ni hatari na zinaweza kusababisha sumu kwenye ini na figo na, hatimaye, zinaweza kuwa hatari kwa maisha.
Amanita phalloides ukijulikana zaidi kwa jina la 'death cap' ni chanzo cha kawaida na hatari zaidi cha sumu kutokana na uyoga. Amanita phalloides hutoa Amanitins, sumu zenye nguvu zinazolenga ini kwa kuzuia RNA polymerase II, kuvuruga usanisi wa protini, na kusababisha kifo cha seli (necrosis).
Idara ya Afya ya Umma ya California (CDPH) katika taarifa yake ya Desemba 05, 2025 ilitoa tahadhari ya dharura kufuatia mlipuko wa sumu ya 'amatoxin' uliohusishwa na ulaji wa uyoga wa porini.
Idara hiyo inabainisha kuwa kesi zilizothibitishwa zilisababisha uharibifu mkubwa wa ini kwa wagonjwa watoto na watu wazima ikiwemo kifo cha mtu mzima mmoja. Kufikia tarehe 5 Desemba 2025, kesi 21 zilitambuliwa na Mfumo wa Udhibiti wa Sumu wa California (CPCS).
Daktari Erica Pan mkurugenzi wa CDPH na Afisa Mkuu wa Afya ya Umma wa Jimbo alinukuliwa akisema “Uyoga wa death cap una sumu hatari sana ambayo inaweza kusababisha ini kushindwa kufanya kazi. Kwa sababu death cap inaweza kuchanganywa kwa urahisi na uyoga unaoliwa kwa usalama, tunashauri umma kutochuma uyoga wa porini kabisa katika msimu huu wa hatari kubwa.”
Uyoga wenye sumu, kama vile uyoga wa death cap (Amanita phalloides), unaweza kuchanganywa kwa urahisi na uyoga ambao ni salama kutokana na kufanana kwa muonekano na ladha. Kula uyoga huu kunaweza kusababisha sumu kali. Kupika, kuchemsha, kukaushwa, au kugandishwa kwa uyoga huu hakufanyi kuwa salama kuliwa.
Je, unawezaje kutambua uyoga huu wenye sumu?
Tovuti ya Mushroom appreciation inaweka bayana sifa za uyoga huo ambazo mtu anaweza kuutambua kama ifuatavyo.
Vinyama au magamba juu ya kofia ya uyoga. Angalia “mabaka” yenye rangi tofauti juu ya kofia. Mabaka haya ni mabaki ya universal veil iliyokuwa inauzunguka uyoga ukiwa mchanga. Wakati mwingine mabaka haya huonekana zaidi kama mistari ya nukta zilizoinuka.
Kofia yenye umbo la parasoli au mwavuli. Kila moja ya picha hizi ni mfano mzuri wa umbo la kofia ya uyoga aina ya Amanita huwa na umbo la mbonyeo, kama herufi U kubwa iliyogeuzwa chini.
Uwepo wa kikombe au mfuko wenye umbo la duara chini ya shina. Kikombe hiki cha mviringo huitwa “volva”, na ni mabaki mengine ya universal veil. Mara nyingi volva huwa chini ya ardhi, hivyo huenda ukalazimika kuchimba kwa upole uyoga ili kuiona.
Uwepo wa umbo la pete kuzunguka shina. Pete hii huitwa “annulus”, na ni sehemu iliyokuwa imeunganishwa na partial veil kwenye shina kabla haijachanika uyoga ulipokua.
Inaelezwa uyoga wa Amanita kwa kawaida huanza kuonekana katika nusu ya pili ya msimu wakati wa kiangazi na vuli na huonekana zaidi kwenye maeneo ya misitu.
KWELI Picha ya uyoga unaosadikika kuwa na sumu
KWELI Picha ya uyoga unaosadikika kuwa na sumu
- Thread starter stabilityman
- Start date
Taarifa hii imethibitika kuwa ya kweli baada ya kufanya tathmini ya kina
jerryempire
JF-Expert Member
- Jan 4, 2017
- 5,877
- 10,214
Mpaka leo sinaga ujuaji na uyoga japo naupenda mnoo
