Points 10 za ujenzi: Uchaguzi wa rangi

[greater than]

MAKALA YA 10​

Karibuni katika Makala pendwa ambapo tunajadili mambo mbalimbali kuhusiana na ujenzi.

Leo tuangazie kwenye kipengele cha Uchaguzi wa rangi(Colour) ya matilio ya kumalizia/finishing jengo Lako.

1.RANGI : ni ule ubainifu au ujuaji wa miale ya mwangaza inapoingia katika kitu fulani.
Kila matilio lazima iwe na rangi,ambazo husaidia kutifautisha matilio moja kutoka nyingine.

• Aina kuu za Rangi : Bluu,Nyekundu na Njano
• Rangi Upili: Zambarau,Machungwa,Kijani
• Rangi nyinginezo : Khaki,Kahawia,Damu ya Mzee,Samawati n.k

Jengo laweza kuwa imara sana kwa jinsi lilivyojengwa,ila uzuri wa muonekano wa jengo utaamuliwa na uchaguzi wa Rangi ya matilio za finishing.

2. Mambo makuu ya kuzingatia katika uchaguzi wa Rangi.

A. MTINDO WA USANIFU(MUONEAKNO WA JENGO)

• Mtindo wa Kiislam (Islamic Architecture) hupendelea zaidi finishing za rangi Nyeupe,Bluu,Dhahabu au Kijani
  

Mtindo wa Kiislam umetumika katika sanifu ya hilo jengo

• Mtindo wa Mediterranean hupendelea rangi ; Nyeupe ,Tan,Njano yenye udhahabu, Damu ya mzee,Machungwa na Kijani yenye uweusi
  

Mtindo wa Mediterranean katika Sanifu ya hilo jengo

• Mtindo wa Kisasa (Modern),hupendelea rangi Nyeupe,Kijivu,Bluu,Khaki na
  

Jengo lenye sanifu ya mtindo wa kisasa
3.
B: MWANGA ASILI
Kiwango cha mwanga kinachopiga jengo, na upande ambao mwanga huo unatoka husaidia katika uchaguzi wa aina ya rangi...

• Upande wenye kupata mwanga kidogo,utafaa kwa rangi zenye kung'aa /kali.
• Upande wenye mwanga mwingi, uwe na rangi zilizopo.

4.
C: MANDHARI YA JENGO
Mandhari ya jengo husaidia katika kuamua aina ya rangi katika Jengo lako

• Rangi yenye kufanya jengo lionekane zaidi kuliko mandhari
• Rangi yenye kujificha jengo
• Rangi yenye kufanya jengo liendane na mandhari
• Mandhari hizo huweza kuwa :Nyumba jirani,Miti,Miinuko,Fensi,Ardhi
  

Hilo Kanisa lina rangi yenye kulifanya lionekane zaidi kuliko mazingira yake,lakini siyo rangi kali sana...imejikita kwenye rangi ya ardhi ya eneo zaidi.
5.
D: MATUMIZI YA NJENGO
Kuna mda matumizi ya Jengo husika huamua rangi zitakazo faa kutumika.

• Kanisa + Msikiti = Rangi nyeupe
• Hospital = Samawati
• Nursery = Njano,Zambarau,Machungwa
• Mahakama = Khaki, Nyeupe
• Polisi = Bluu iliyo kolea.

6.
E: MWANGA WA TAA
Mwanga wa taa pia unaweza ukawa muamuzi wa pendekezo la rangi....

• Taa nyingi huwa za rangi ya Unjano,Bluu au mwanga mweupe
• Taa za njano hubadili rangi ya Bluu kuwa Kijani na mwekundu kuwa machungwa.
• Ndani ukiweka rangi ya Bluu,jua zikipiga Rangi nyekundu inaonekana ya Zambarau.

7.
F: PAA
Wengi huja kufkiria rangi ya jengo, baada ya kuwa tayari ameshaweka rangi ya paa.
Hakikisha rangi ya Jengo lako ,zirandane na rangi ya paa.

• Paa la rangi jekundu, litaendana na jengo lenye rangi ;Ukijani,Orange,Pink

8.
F : LADHA YAKO.
Lakini mwisho wa siku,rangi ya Jengo lako huweza kuamuliwa na ladha ya mmiliki,
Kama mmiliki ni mpenzi wa rangi fulani anaweza kuchagua hiyo rangi.
Mwengine hupenda rangi ya Jengo ifanane na gari yake...

9.Katika uchaguzi wa rangi

• Usifanye uchaguzi wa Rangi kwa kuangalia vikaratasi vilivyo printiwa pindi uendapo duka la vifaa vya Ujenzi.
• Jaribisha muonekano wa rangi kwa kupaka kwenye kipande kikubwa cha boksi/mbao na kuweka usawa wa ukuta
• Angalia muonekano wa rangi katika nyakati za siku.

10.Ni muhimu kupata ushauri wa kitaalam,kabla ya kuchagua tu rangi matilio.

Idadi ya rangi na muingiliano wa rangi nayo ni kitu muhimu kukiweka akilini, usije kuwa na jengo lina rangi kama Discolight

Nakaribisha Maoni na Maswali

 

[FaizaFoxy]

 

[greater than]

View attachment 2998671

Kuna michanganuo mingi hapo
UCHAGUZI

• Upande wa kulia unaonekana kung'aa mpaka kukera kwakua rangi kali zimepakwa kwenye upande wenye kupigwa sana na jua
• Upande wa kulia una uangalia kwa Amani kwakuwa haupigwi sana na mwanga,macho yanapata urahisi wa kuziona rangi.

URAHISI WA UTAMBUZI

• Kuta zenye rangi kali unazitambua kwa wepesi na kuzihesabu hata zilizo mbali : Nyekundu,Machungwa na njano

MPANGILIO WA RANGI

• Ukuta wa njano kuwa pembeni na njano,unaona kabisa kuna kitu hakipo sawa,,hizo rangi hazina combination nzuri.
• Ukuta wa Njano kuwa pembeni ya mwekundu ,unaona imekaa sawa,kwakuwa hizo rangi zina karibiana wavelengths
• Unapotaka rangi zaidi ya 4 katika usawa mmoja,basi fuata mpangilio wa rangi wa kwenye upinde wa mvua,hawakufuata hivyo kwa upande wa kulia mpaka unakera

KUDANGANYA MACHO

• Ukiangalia usawa wa sakafu na Ngazi,njia yaonekana kubwa sana,ila ukiangalia usawa wa Milango,njia yawa ndogo,
• Kisa juu kuna rangi kali,na sakafu na ngazi kuna rangi hafifu