Ni jambo la kusikitisha kuona nafasi za polisi zinagawiwa kwa watoto wa watu wenye uwezo wa fedha na walio karibu na Dar, Pemba na Unguja! Kwa watoto walio mbali na miji hiyo na wazazi wasio na uwezo ni vigumu kupata nafasi hizo!
IGP Wambura mwenyewe asingekuwa katika nafasi hiyo kama usaili wake ungefanyika kwa namna hii kwani asingeweza kusafiri kutoka Kanda ya Ziwa hadi Kurasini Dar.
Hali hiyo pia ingewakumba wengi wa maofisa waandamizi waliopo hivi sasa kwa sababu wengi wanatoka familia za kawaida.
Kwa nini usaili wa awali usingefanyika katika mikoa yao? Watakaofaulu usaili wa awali wapelekwe chuoni Kurasini kwa usaili zaidi na gharama zibebwe na serikali. Hii ingewasaidia sana watoto wanaotoka katika familia za kawaida!
Waziri wa Mambo ya Ndani fikiria kwa makini jambo hili. Wapemba na Waunguja watafanya usaili kwao iweje na kwa sababu zipi Watanganyika wote waende Dar?