Waufukweni
JF-Expert Member
- May 16, 2024
- 5,383
- 18,776
Baada ya mvutano kati ya Polisi na CHADEMA, hatimaye imekubalika kuwa mkutano wa chama utafanyika katika eneo lililokusudiwa. Awali, Polisi walifika na kuzuia maandalizi yaliyokuwa yakiendelea kwa maelezo kwamba eneo hilo limebadilishwa, licha ya kuwa jukwaa na mfumo wa sauti (PA System) vilikuwa tayari vimefungwa. Maamuzi ya kuruhusu mkutano huo kufanyika yalifikiwa baada ya mabishano kati ya viongozi wa chama, Polisi na Mkurugenzi wa Halmashauri ya Kahama.
Awali ilinadaiwa kuwa Jeshi la Polisi Wilaya ya Kahama leo tarehe 17 Mei 2025 limeingilia maandalizi ya mkutano wa CHADEMA uliotarajiwa kufanyika jioni ya leo, likizuia shughuli zote zilizokuwa zinaendelea katika eneo la mkutano.
Kwa mujibu wa taarifa iliyotolewa na Gwamaka Mbughi kupitia ukurasa wake wa X (zamani Twitter), Polisi walifika katika eneo ambalo maandalizi ya mkutano yalikuwa yamekamilika, likiwemo jukwaa na mfumo wa sauti (PA System), na kutoa agizo la kusitisha shughuli hizo kwa maelezo kuwa eneo hilo limebadilishwa.