Polisi Mbeya yaonya walevi Krismasi

kilimasera · 2010-12-23T19:59:18+00:00

POLISI mkoani Mbeya imeonya tabia ya baadhi ya madereva kuendesha vyombo vya usafiri huku wakiwa wamelewa siku za sikukuu za Krismasi na Mwaka Mpya. Onyo hilo lilitolewa jana na Kamanda wa Polisi wa Mkoa, Advocate Nyombi aliyesema jeshi hilo halitasita kuwachukulia hatua za kisheria madereva wa namna hiyo. Kamanda Nyombi alisema kuendesha chombo cha moto huku ukiwa umelewa pombe, si hatari kwa dereva pekee, bali pia kunahatarisha maisha ya watumiaji wengine wa barabara, jambo lisiloweza kufumbiwa macho na jeshi hilo. Wapo madereva ambao kwa makusudi, siku za sikukuu hulewa pombe na kisha kuendesha vyombo vya moto. Nataka kuwaonya kwa ye yote atakayebainika, itakuwa zamu yake kuona mkono wa sheria ni mfupi ama mrefu, alisisitiza Kamanda Nyombi. Alitoa pia mwito kwa wakazi mkoani hapa kuimarisha ulinzi jirani kwa kila mmoja kuona ana jukumu la kulinda mali za jirani yake huku pia akisisitiza wananchi kutoacha nyumba zao pasipo walinzi. Alisema ni jambo la busara kwao kutoa taarifa katika kituo cha polisi chochote kilicho jirani nao hususani pale wanapoona kuna uvunjifu wa amani na jeshi hilo litahakikisha linafika eneo la tukio mara moja kwa kuwa limejipanga kuhakikisha watu wanasherehekea sikukuu hizo za mwisho wa mwaka kwa amani na utulivu. Kamanda Nyombi aliwaasa wazazi kutowaacha watoto kwenda matembezini pasipo mwangalizi wa karibu na kuwasihi mabinti kutozurura ovyo na kupita vichochoroni hususani nyakati za usiku, kwani ni hatari.

Thread starter kilimasera
Start date Dec 23, 2010

kilimasera

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Polisi Mbeya yaonya walevi Krismasi

kilimasera

JF-Expert Member

Our Community

Regional Communities