Doctor Mama Amon
Platinum Member
- Mar 30, 2018
- 2,311
- 3,513
RC Chalamila akipiga marufuku mikutano ya kisiasa eneo la Kariakoo pasipokuwa na mamlaka ya kisheria kufanya hivyo
Uovu binafsi hutendwa na mtu mmoja mmoja kutokana na maamuzi ya mtu mmoja huyo.
Lakini, uovu wa kimfumo hutendwa na watumishi wa taasisi kutokana na maamuzi ya vikao vya ndani ya taasisi husika.
Mifano ya uovu ya kimfumo nchini Tanzania hii hapa:
- Jeshi la Polisi Mkoani Iringa linaamua kumwua Mwandishi wa Habari, Daud Mwangosi, kwa kutumia bomu la machozi, pasipo mamlaka ya kisheria ya kufanya hivyo, na hakuna hatua yoyote dhidi ya wahusika.
- Jeshi la Polisi Mkoani Ruvuma wanaamua kufanya kitendo cha “mwangosification” dhidi ya Lissu, pasipo mamlaka ya kisheria ya kufanya hivyo, lakini walinzi wa Lissu kwa umahiri mkubwa wanafanikisha “neutralization” kwa kutumia mbinu za kikomandoo, na hakuna hatua yoyote dhidi ya wahusika..
- Kamati ya Ulinzi na Usalama Mkoani Dar, chini ya Chalamila, wanaamua kumzuia Makamu Mwenyekiti wa Chadema kufanya mkutano Kariakoo, pasipo mamlaka ya kisheria ya kufanya hivyo, na hakuna hatua yoyote dhidi ya wahusika.
- Jeshi la Polisi Dar wanaamua kuzunguka na Makamu Mwenyekiti wa Chadema kwa masaa Matano, kisha wanamtelekeza, pasipo mamlaka ya kisheria ya kufanya hivyo, na hakuna hatua yoyote dhidi ya wahusika.
- Tume ya Taifa ya Uchaguzi inaamua kuizuia Chadema kushiriki uchaguzi, pasipo mamlaka ya kisheria ya kufanya hivyo, na hakuna hatua yoyote dhidi ya wahusika.
- Wakurugenzi wa Halmashauri wanaamua kukata majina ya wagombea wa upinzani, pasipo mamlaka ya kisheria ya kufanya hivyo, na hakuna hatua yoyote dhidi ya wahusika.
Takukuru wanayo mamlaka ya kuchunguza matukio haya na kuchukua hatua stahiki, lakini hawawezi.
Tume ya haki za binadamu na utawala bora wanayo mamlaka ya kuchunguza matukio haya na kuchukua hatua stahiki, lakini hawawezi.
Rais aliyekula kiapo cha kulinda, kuhifadhi na kutunza Katiba ya nchi yuko kimya.
Leo nimemsikia Rais Samia, wakati wa uzinduzi wa toleo la 2023 la sheria zote 446, akisema kwamba: "sheria ni kioo cha ustaarabu wa Taifa."
Majuzi nimeona mtandaoni Rais Samia akinukuliwa kusema kwamba, "haki ikivunjwa amani hutoweka."
Lakini je, anaongelea haki gani hizo, kama sio haki zote zilizo kwenye katiba aliyoahidi kuitetea?
Mbona kioo anachokiongelea hawakitumii kina Chalamila ili waweze kuona makovu yaliyoko kwenye mapaji ya nyuso zao na kujisahihisha?
Je, wahusika wa uovu wa kimfumo ni kikundi cha watu walioamua kujiweka juu ya sheria kwa ajili ya kutafuta maslahi binafsi, kwa sababu hawagusiki wala kukamatika?
Kama hivyo ndivyo, tunakwenda wapi baada ya hapa?
John Heche, Makamu Mwenyekiti Chadema, akieleza ukatili waliofanyiwa na Jeshi la Polisi jana
Wanaelekeza nguvu zao katika mifumo ya kisiasa, kiuchumi na kijamii inayokumbatia dhambi za kimfumo, kama vile ukosefu wa usawa, ukandamizaji, na dhuluma, wakitaka mifumo hiyo ibomolewe na kujengwa upya. Mfano mzuri ni Prof Gustavo Gutierez (pichani) wa Amerika ya Kusini.
Prof Gustavo Gutierez, mwandishi wa kitabu, A Theology of Liberation ()--Attached
Mfano mwingine mzuri wa wanateolojia wa ukombozi ni Prof Leonard Boff (pichani) wa Amerika ya Kusini pia.
Mfano mwingine mzuri wa wanateolojia wa ukombozi ni Prof Leonard Boff (pichani) wa Amerika ya Kusini pia.
Prof Leonard Boff
Mawazo ya wanateolojia hawa hayana tofauti sana na fikra za wataalam wa falsafa ya ukombozi wanaoongelea uovu wa kimfumo badala ya kutumia maneno dhambi ya kimfumo. Mfano mzuri ni Profesa Enrique Dussel (pichani) wa huko Amerika ya Kusini.
Prof Enrique Dussel, ni mwandishi wa kitabu, Philosophy of liberation (New York: Maryknoll, 1985)--Attached
Wako wapi wataalam wa teolojia ya ukombozi wa Tanzania?
Wako wapi wataalam wa falsafa ya ukombozi wa Tanzania?