Maafisa wa upelelezi wamewaokoa wanawake 48 katika operesheni mbili zilizofanyika Ongata Rongai na Kiserian, Kaunti ya Kajiado, kufuatia taarifa kutoka kwa wananchi kuhusu madai ya unyanyasaji wa kingono na utengenezaji wa maudhui ya ngono kwa biashara.
Katika operesheni ya kwanza iliyofanyika eneo la Rimpa, Ongata Rongai, polisi walivamia nyumba iliyokuwa ikishukiwa kutumika kurekodi maudhui hayo na kuwakuta wanawake 30 wenye umri wa kati ya miaka 19 na 27.
Maafisa walikamata vifaa mbalimbali ikiwemo kompyuta mpakato saba zenye kamera pamoja na vifaa vingine vinavyoaminika kutumika katika shughuli hizo. Waliohusishwa wanazuiliwa katika Kituo cha Polisi cha Ongata Rongai huku uchunguzi ukiendelea.
Katika operesheni nyingine Kiserian, wanawake 18 waliokolewa baada ya taarifa za kiintelijensia kuonyesha kuwa walikuwa wamelaghaiwa kwa ahadi za kazi za nyumbani lakini baadaye kudaiwa kulazimishwa kuingia katika unyanyasaji wa kingono na ukahaba wa kibiashara. Polisi walipata simu za mkononi, kompyuta mpakato na vifaa vingine vinavyoaminika kutumika kuratibu shughuli hizo.
Mshukiwa mkuu katika tukio la Kiserian bado anatafutwa. Polisi wamesema wanawake waliookolewa watahamishiwa sehemu salama na kupatiwa huduma za ushauri wa kisaikolojia, matibabu na msaada mwingine ili kusaidia kurejea katika maisha ya kawaida huku uchunguzi ukiendelea kubaini mtandao mzima wa uhalifu huo.
Katika operesheni ya kwanza iliyofanyika eneo la Rimpa, Ongata Rongai, polisi walivamia nyumba iliyokuwa ikishukiwa kutumika kurekodi maudhui hayo na kuwakuta wanawake 30 wenye umri wa kati ya miaka 19 na 27.
Maafisa walikamata vifaa mbalimbali ikiwemo kompyuta mpakato saba zenye kamera pamoja na vifaa vingine vinavyoaminika kutumika katika shughuli hizo. Waliohusishwa wanazuiliwa katika Kituo cha Polisi cha Ongata Rongai huku uchunguzi ukiendelea.
Katika operesheni nyingine Kiserian, wanawake 18 waliokolewa baada ya taarifa za kiintelijensia kuonyesha kuwa walikuwa wamelaghaiwa kwa ahadi za kazi za nyumbani lakini baadaye kudaiwa kulazimishwa kuingia katika unyanyasaji wa kingono na ukahaba wa kibiashara. Polisi walipata simu za mkononi, kompyuta mpakato na vifaa vingine vinavyoaminika kutumika kuratibu shughuli hizo.
Mshukiwa mkuu katika tukio la Kiserian bado anatafutwa. Polisi wamesema wanawake waliookolewa watahamishiwa sehemu salama na kupatiwa huduma za ushauri wa kisaikolojia, matibabu na msaada mwingine ili kusaidia kurejea katika maisha ya kawaida huku uchunguzi ukiendelea kubaini mtandao mzima wa uhalifu huo.