Polisi Zanzibar: Msongo wa mawazo ndiyo chanzo cha kujinyoga kwa Ashley Robinson na kupelekea kifo chake

Polisi Zanzibar: Msongo wa mawazo ndiyo chanzo cha kujinyoga kwa Ashley Robinson na kupelekea kifo chake

Mkalukungone Mwamba

JF-Expert Member
Joined
Aug 29, 2022
Posts
3,141
Reaction score
7,205
Jeshi la Polisi Kamisheni ya Zanzibar kupitia Idara ya Upelelezi wa Makosa ya Jinai Zanzibar, ilikuwa inafanya Uchunguzi wa Shauri la KUJARIBU KUJINYONGA linalomhusu Raia wa Kigeni ajulikanae kwa jina la ASHLEY JENNAE ROBINSON, Raia wa Marekani, mwenye umri wa miaka 31. Tukio lililotokea tarehe 08/04/2026 majira ya saa 20:55hrs katika hoteli ya ZURI iliyopo NUNGWI, Mkoa wa Kaskazini Unguja.

Marehemu ASHLEY JENNAE ROBINSON, aliingia hoteli ya ZURI tarehe 06/04/2026 akiwa na mchumba wake aitwae JOSEPH ISAACK MCCANN na kupangishwa Nyumba/Villa namba 25.

Siku ya tukio, tarehe 08/04/2026 majira ya saa 12 jioni kulitokea hali ya kutokuelewana baina ya marehemu na mchumba wake, ambapo walikuwa na mizozo isiyoeleweka ina muktadha gani.
Taarifa ya kutokuelewana kwao ilifika kwa Uongozi wa hoteli, Uongozi wa hoteli uliamua kumhamisha mchumba wake na kumpangia Nyumba/Villa namba 65 kwa muda wakati suala lao la kutoelewana likiendelea kushughulikiwa na Uongozi wa hoteli ambapo marehemu ASHLEY JENNAE ROBINSON alibaki kwenye Nyumba/villa namba 25.

Soma Pia:
Mnamo majira ya saa 20:55hrs mmoja kati ya wahudumu wa hoteli hiyo akiwa katika shughuli zake za kawaida za kutoa huduma za Jioni ikiwemo kupuliza dawa za wadudu, kuteremsha neti na kufanya usafi kwenye Nyumba/Villa hizo, alipofika Nyumba namba 25, akakuta kuna kiza na mlango umefungwa, aligonga ili kupata kufunguliwa lakini hakupata majibu, hakuna mtu aliyeitikia, hivyo akaamua kutumia ufunguo wa Akiba aliokuwa nao, alifungua na kuwasha taa na ghafla upande wa kushoto wa mlango akaskia kishindo cha mtu kama anajigonga ndipo alipogeuka akamkuta marehemu ananing’inia kwenye kabati, kwenye chuma cha kueka henga za nguo akitumia mkanda wa nguo ambazo wateja huzitumia wakiwa vyumbani

SnapInsta-Ai_3912155434251734938.webp
SnapInsta-Ai_3912155453864458290.webp
SnapInsta-Ai_3912155472034091154.webp
 
Back
Top Bottom