Prof. Kitila: Watu wafanye kazi zao. Msimamo wa Rais Samia ndiyo msimamo wangu

Waziri wa Nchi, Ofisi ya Rais, Mipango na Uwekezaji, Prof. Kitila Mkumbo, wakati akizungumza katka mahojiano yaliyorushwa Julai 8, 2026 na M & S Podcast


"Kwa hiyo watu wafanye kazi zao, na usimlaumu mtu kwa kufanya kazi yake. Sasa mtu anamlaumu Kitila chuo kikuu... sasa mimi sipo chuo kikuu sasa hivi. Siyo? Mimi sasa hivi ni waziri.

Kazi yangu ya msingi ni mbili; wananchi wangu jimbo la Ubungo, pili mimi ni msemaji wa serikali ya Dkt. Samia Suluhu Hassan. Kwa hiyo msimamo wa Dkt. Samia Suluhu Hassan ndiyo msimamo wangu mimi.

Na tatu, mimi sasa ni mwanachama wa Chama cha Mapinduzi na siyo tu mwanachama, ni mjumbe wa kamati ya siasa ya wilaya, alafu nilipata heshima ya kuwa mwenyekiti wa kuandika ilani. Kwa hiyo mimi sasa hivi sasa, lazima nitetee msimamo wa Chama cha Mapinduzi. Sasa unataka mimi niwe naongea kama wa CHADEMA hapa? Sasa kwenye ngoja tuyaelewe muktadha, nataka Salma aelewe muktadha. Kwa hiyo nikiwa chuoni mimi nilikuwa mwanachama wa CHADEMA, kwa hiyo unataka sasa hivi nikae CHADEMA. Mimi hapa nakaa CCM, nakaa kiwaziri, nakaa mbunge wa jimbo la Ubungo, ndiyo kazi yangu niliyonayo kwa sasa."

---