Prof. Shemdoe: Serikali inaandaa Mradi wa kukarabati Shule zote kongwe Nchini

[Roving Journalist]

Waziri wa Nchi, Ofisi ya Waziri Mkuu - TAMISEMI, Prof. Riziki Shemdoe, amesema Serikali kupitia Ofisi ya Waziri Mkuu - TAMISEMI imeandaa andiko la mradi unaoitwa SIFA yaani (School Infrastructure Facelifting Programme) na kuliwasilisha Wizara ya Mipango, ili kuwezesha upatikanaji wa fedha za kufanyia ukarabati wa shule zote kongwe za awali, msingi na sekondari nchini.

Prof. Shemdoe amesema hayo Aprili 15, 2026 wakati akijibu hoja za Waheshimiwa Wabunge walizoziwasilisha wakati wa kujadili Hotuba ya Makadirio ya Mapato na Matumizi ya Ofisi ya Waziri Mkuu kwa Mwaka 2026/27.

“Namshukuru Mheshimiwa Prof. Kitila Mkumbo na timu yake ya Wizara ya Mipango kwa kulipokea andiko tulilowasilisha ili tupate fedha za kutekeleza mradi wa ukarabati wa shule kongwe nchi nzima,” amesema Prof. Shemdoe.

Prof. Shemdoe amefafanua kuwa, tathmini iliyofanyika imebaini ukarabati unahitajika kwenye shule za msingi ikihusisha vyumba vya madarasa ni 42,716 na nyumba za walimu 31,813 na kwa upande wa shule za sekondari inajumuisha vyumba vya madarasa 6,889, nyumba za walimu 3,518, maktaba 91 na mabweni 309.

Prof. Shemdoe ameanisha kuwa, Serikali imekuwa ikitoa fedha kwa ajili ya kufanya ukarabati kwa awamu ambapo kati ya mwaka 2021/22 hadi 2025/26, Serikali imetumia shilingi bilioni 237.9 kwa ajili ya ukarabati na ujenzi wa miundombinu mipya ya shule za msingi na Sekondari kongwe na chakavu nchini.

 

[KINGSLEE]

Vizuri sana ila nashauri siyo Shule Kongwe tuh Pia Serikali iangaliye na zile shule ambazo zipo katika mazingira magumu sana kwa wanafunzi kuweza kupata huduma ya Elimu.
Ziboreshwe majengo yake, Vyoo nk.

 

[King Kong III]

Weezy Weezy.

 

[LOTH HEMA]

Zitakarabatiwa kwa ufadhili wa nchi gani? Zamani kulikuwa na wafadhili kama DANIDA na SIDA, hawa walifadhili sana miradi ya elimu ikiwemo kukarabati shule

 

[Tate Mkuu]

Nasikia harufu ya ankara 💰

 

[Monomer]

Pia ufatiliaji uongezeke mana hapo ndiko wakuu wa shule na wale watakaopewa kusimamia hiyo moradi watakapopatia nafuu,nikweli shule kongwe nchini majengo yake mengi yamechoka ambapo ni nyumba za waalimu, madarasa na vyoo Kuna vyoo vingine vilishaota Hadi vichuguu, nyumba zingine hasa zile zilizoezekwa na vigae vimetoboka, yaani vurugu tupu. So kama serikali imeliona Hilo basi mkazo na ufuatiliaji WA kina ufanyike

 

[cocastic]

Shule zilisha karabatiwa, huu ni wizi sasa, khaah