Mkuu TumainiEl, sitaki kamwe kukusuta kwa yaliyopita, ngoja tugange yaliyopo na yajayo.
Kichwa cha Mada yako kinajitosheleza kabisa kwa msomaji, hata bila kusoma uliyoandika ndani.
Ngoja na mimi nizame huko, nione kuna nini ulichoandika.
-------------------
Nimerudi baada ya kukusoma mkuu TumainEl, na ninajiuliza sana.
Hivi akili zote hizi na uwezo mkubwa unaoonekana wazi katika bandiko lako hili; vyote hivi wakati ule ulipokuwa unashangilia mambo ya ajabu sana, ulikuwa umezikabidhi kwa nani?
Kuna watu chungu nzima kwenye jukwaa hili waliokuwa timu yako, hivi kati yao bado kuna wanaoweza kurudi na kuzirudia akili zao za kawaida kama ulivyofanya wewe?
Ngoja nami nisiondoke bila kutoa mchango wa kisayansi aliotoa Magufuli kwa upotoshaji mkubwa kama hajawahi kuingia darasa la sayansi.
Anasema, ule mvuke wa kujifukizia una jto la nyuzi 100 sentigredi!
Kwanza itawezekana vipi? Maji yanayochemka ndiyo yanayoweza kuwa na nyuzi kiasi hicho katika hali ya kawaida. Mvuke unaomfikia mtu anayejifukiza kamwe hauwezi kuwa nyuzi 100 sentigredi!
Mara nyingi itakuwa ni pungufu ya hapo, lakini bado utakuwa ni juu zaidi ya nyuzi 37 sentigredi ambazo ndio kawaida ya mwiliu. Utando wote wa puani na mdomoni vingebabuka vingekutana na joto la aina ile..
Na licha ya hayo yote, coronavirus hakai hapo juu ya utando wa mdomo au puani akisubiri ababuliwe na joto la kujifukiza. Crona yumo ndani ya sel mwilini akiamrisha seli hizo zizalishe kwa wingi corona wengine, huku seli hizo zikiharibiwa.
Sayansi inaeleza kwamba mwili wa binaadam una njia za kujikinga. Joto lililojuu kidogo, litarekebishwa ili mwili upate kulihimiri (homeostasis), kama sio joto kali sana.
Kwa hiyo, hata kama ule mvuke ungeingia hadi ndani ya mwili, ndani kabisa (hata sijui utapenyeza vipi), ujoto ule ungerekebishwa uwe karibu na nyuzi 37 sentigredi. Corona angeendelea kutamba.
Kuwa Rais aliye na Ph.D. katika somo la sayansi, hakimwongezei mhusika ufahamu zaidi wa sayansi kuwazidi waliosomea eneo husika. Hili anakosa kulifahamu na kutaka kuwaaminisha wananchi wasiokuwa na ufahamu wowote na mambo haya kuwa asemalo rais ndilo sahihi. Na yeye kwa bahati mbaya anapenda sana sifa hizi za hovyo kabisa.