Rais Ruto amteua Meja Jenerali David Ketter kuwa Kamanda wa Jeshi la Nchi Kavu

[DuaZaMama]

Rais wa Jamhuri ya Kenya na Amiri Jeshi Mkuu wa Majeshi ya Ulinzi, Mheshimiwa Dkt. William Samoei Ruto, amemteua Meja Jenerali David Kipkemboi Ketter kuwa Kamanda wa Jeshi la Nchi Kavu (Kenya Army), baada ya kumpandisha cheo hadi kuwa Luteni Jenerali (Lieutenant General).

Uteuzi huu umetangazwa rasmi na Wizara ya Ulinzi na kufanyika kwa mujibu wa mamlaka ya kikatiba aliyo nayo Rais kama Amiri Jeshi Mkuu, na kwa ushauri wa Baraza la Ulinzi la Taifa.

Kabla ya uteuzi huu, Luteni Jenerali Ketter alikuwa akihudumu kama Msaidizi wa Mkuu wa Majeshi ya Ulinzi anayesimamia rasilimali watu na vifaa (Assistant Chief of Defence Forces – Personnel and Logistics). Ana tajriba kubwa katika masuala ya kijeshi na amehudumu katika nyadhifa mbalimbali za juu ndani ya Jeshi la Ulinzi la Kenya (KDF).

Luteni Jenerali Ketter anachukua nafasi ya Luteni Jenerali David Tarus ambaye ameteuliwa kuwa Naibu Kansela wa Chuo Kikuu cha Ulinzi cha Taifa (National Defence University – Kenya).

Katika mabadiliko hayo, Rais Ruto pia alifanya uteuzi na uhamisho wa makamanda wengine wakuu wa majeshi, ikiwa ni sehemu ya maboresho ya kiutendaji ndani ya Jeshi la Ulinzi la Kenya.

Chanzo: Citizen Digital​

 

[mihapase]

AKOMESHE MAANDAMANO SASA AWAFINYE MPAKA WAKOME

 

[Numbisa]

Sawa sawa