Rais Samia Kuwa Mgeni Rasmi Kongamano la Kiswahili Nchini Cuba

Stephano Mgendanyi · 2024-10-30T15:28:57+00:00

Rais wa Jamhuri ya Muungano wa Tanzania, Dkt. Samia Suluhu Hassan, anatarajiwa kuwa mgeni rasmi katika Kongamano la Kwanza la Kiswahili la Kimataifa litakalofanyika jijini Havana, nchini Cuba, kuanzia Novemba 7 hadi 10, 2024. Kongamano hilo linatarajiwa kuhudhuriwa na washiriki takriban 600 kutoka nchi mbalimbali duniani. Waziri wa Utamaduni, Sanaa na Michezo, Dkt. Damas Ndumbaro, ameeleza hayo leo Oktoba 30, 2024, katika mkutano wake na waandishi wa habari jijini Dar es Salaam. Amesema kuwa kongamano hilo litahudhuriwa pia na Rais wa Cuba, Miguel Diaz-Canel. Dkt. Ndumbaro ameongeza kuwa kutakuwa na semina mbalimbali pamoja na uzinduzi wa Kamusi ya Kiswahili na Kispaniola iliyotayarishwa na Chuo Kikuu cha Dar es Salaam. "Lugha ya Kiswahili imefanikiwa kutambuliwa na UNESCO kama lugha ya saba ya kimataifa, ikiwa na wazungumzaji zaidi ya milioni 500 duniani, hivyo ni wakati wa kukipeleka katika mataifa mbalimbali kwa ajili ya kukibidhaisha," amesema Dkt. Ndumbaro. Amefafanua kuwa uamuzi wa kufanyia kongamano hilo nchini Cuba unatokana na umuhimu wa Kiswahili kufikia hadhira ya wazungumzaji wa Kispaniola, hatua ambayo itaendeleza Kiswahili katika mataifa mengine. Amesema washiriki 600 wa kongamano hilo wanatarajiwa kutoka taasisi binafsi, vyuo vikuu, na vyama vya Kiswahili, huku vikundi mbalimbali vya burudani vikitarajia kupamba kongamano hilo.

Thread starter Stephano Mgendanyi
Start date Oct 30, 2024
Tags

cuba kiswahili kongamano mgeni rasmi rais samia

Stephano Mgendanyi

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Rais Samia Kuwa Mgeni Rasmi Kongamano la Kiswahili Nchini Cuba

Stephano Mgendanyi

JF-Expert Member

Attachments

Our Community

Regional Communities