RC Mwanamvua Mrindoko azindua basi la Watumishi wa Hospitali ya Rufaa ya Mkoa wa Katavi

Mkuu wa Mkoa wa Katavi, Mwanamvua Mrindoko, Mei 20, 2026 amezindua rasmi Basi la Watumishi wa Hospitali ya Rufaa ya Mkoa wa Katavi.

Akizungumza mbele ya Watumishi, Mrindoko amesema Basi hilo litasaidia sana Watumishi kupunguza gharama za maisha kwa kuwarahisishia usafiri.

Pia soma ~ Milioni 100+ zinatumika kununua gari la ‘staff’ Hospitali ya Rufaa ya Mkoa wa Katavi wakati hospitali haina mochwari

Kwa upande mwingine, Mrindoko amewapongeza Watumishi wote wa Katavi RRH kwa kazi nzuri ya kutoa Huduma bora ya Kuwahudumia Wananchi.
"Mimi tangu hii Hospitali ianzishwe hapa Katavi sijawahi kutoka nje ya Mkoa kwenda kutibiwa, Huwa nakuja hapa kupata matibabu kwasababu huduma ni nzuri na kuna kila aina ya matibabu hapa. Niwapongeze sana KRRH," amesema Mrindoko.

Naye, Mganga Mfawidhi wa Hospitali ya Rufaa ya Mkoa wa Katavi, Dr. Deogratias Banuba amesema wazo la kununua Basi hilo Dogo aina ya TATA alilipata tangu mwaka jana 2025 na lengo lilikuwa kuwarahisishia usafiri Watumishi ili kuwahi kazini na pia kutumiwa kwenye matukio ya kijamii.

Pia soma ~ Madai ya kukosekana Mochwari Hospitali ya Rufaa ya Mkoa wa Katavi, uongozi wasema fedha imetengwa kujenga jengo hilo

Wajengewe hostel wakae jirani na hospital.

Tunapenda uzinduzi

Jambo zuri. Zamani hospitali nyingi kubwa zilikuwa na usafiri kwa watumishi.