Damaso
JF-Expert Member
- Jul 18, 2018
- 6,236
- 10,774
Kama kuna siku vijana wamejisikia kama wako kwenye onyesho la futuhi—lakini lisilo na kicheko chochote—basi ni siku ya usahili wa ajira wa Air Tanzania leo pale DUCE. Kilichotarajiwa kuwa zoezi la kitaalamu, la haki na la kutoa matumaini, kimegeuka kuwa kilio chenye maswali mengi kuliko majibu, na dhihaka nyingi kuliko haki.
Hebu tuanze na hoja ya kwanza: sifa. Inadaiwa kuwa mhitimu wa Bachelor of Science in Accountancy and Finance hana sifa za kufanya mtihani wa kada ya Accountancy upo hapo?
Kwa mantiki hiyo hiyo, mhitimu wa Bachelor of Computer Science anaambiwa hana uhusiano wowote na Information Technology. Kwa maneno mengine, Computer Science haina uhusiano wowote na “computer” wala “technology”. Hapa mtu anaweza kujiuliza: je, waliopanga zoezi hili walitazama mitaala au walitupa tu karata mezani? Kama wanabet?
Kama hilo halitoshi, kuna vijana waliorejeshwa nyumbani kwa sababu kitambulisho cha Mpiga Kura hakifanani kwa asilimia 100 na Kitambulisho cha Taifa, licha ya majina ya vyeti na NIDA kuwa yale yale.
Inaonekana hapa si ajira, ni shindano la “Tafuta tofauti tano kwenye picha”. Ukikosea, rudi nyumbani—hata kama umetoka Tunduma, Mtwara au Mwanza.
Na ndipo tunafika kwenye safari za mateso. Vijana wametoka Iringa, Mbeya, Mwanza, Mtwara—wengine kwa nauli ya kukopa, wengine kwa kuuza ndizi au simu.
Wanapowasili Dar es Salaam, wanakaa kwenye foleni ndefu, halafu wanapewa majibu mepesi kama SMS ya salio: “Huna sifa”, yaani unapewa taarifa kirahisi kabsa. Hapo hakuna hata “samahani kwa usumbufu”, wala maji ya kunywa. Ni kama umefika airport, ukaambiwa ndege imeondoka jana asubuhi.
Cha kushangaza zaidi ni mazingira ya usalama. Vijana wakianza kuuliza maswali ya msingi, ghafla polisi wanaonekana kusogea na kufoka utadhani vijana wanataka kuandamana. Swali linabaki: je, usahili huu ulikuwa dhidi ya majambazi au wahitimu wa vyuo vikuu? Kwani tangu lini kuuliza haki yako imekuwa tishio la usalama wa taifa? Serious
Kuna kipengele kingine kinachotia shaka: idadi ya waombaji. Kuna kada zinahitaji mtu mmoja, lakini wanaoingia kwenye mtihani ni zaidi ya 100. Hapa mtu anaweza kudhani labda wanatafuta mtu wa ziada wa kushika foleni. Au pengine shughuli ilikuwa kama sherehe ya harusi—watu wengi, lakini bwana harusi ni mmoja na mke mmoja.
Hebu tuanze na hoja ya kwanza: sifa. Inadaiwa kuwa mhitimu wa Bachelor of Science in Accountancy and Finance hana sifa za kufanya mtihani wa kada ya Accountancy upo hapo?
Kwa mantiki hiyo hiyo, mhitimu wa Bachelor of Computer Science anaambiwa hana uhusiano wowote na Information Technology. Kwa maneno mengine, Computer Science haina uhusiano wowote na “computer” wala “technology”. Hapa mtu anaweza kujiuliza: je, waliopanga zoezi hili walitazama mitaala au walitupa tu karata mezani? Kama wanabet?
Kama hilo halitoshi, kuna vijana waliorejeshwa nyumbani kwa sababu kitambulisho cha Mpiga Kura hakifanani kwa asilimia 100 na Kitambulisho cha Taifa, licha ya majina ya vyeti na NIDA kuwa yale yale.
Inaonekana hapa si ajira, ni shindano la “Tafuta tofauti tano kwenye picha”. Ukikosea, rudi nyumbani—hata kama umetoka Tunduma, Mtwara au Mwanza.
Na ndipo tunafika kwenye safari za mateso. Vijana wametoka Iringa, Mbeya, Mwanza, Mtwara—wengine kwa nauli ya kukopa, wengine kwa kuuza ndizi au simu.
Wanapowasili Dar es Salaam, wanakaa kwenye foleni ndefu, halafu wanapewa majibu mepesi kama SMS ya salio: “Huna sifa”, yaani unapewa taarifa kirahisi kabsa. Hapo hakuna hata “samahani kwa usumbufu”, wala maji ya kunywa. Ni kama umefika airport, ukaambiwa ndege imeondoka jana asubuhi.
Cha kushangaza zaidi ni mazingira ya usalama. Vijana wakianza kuuliza maswali ya msingi, ghafla polisi wanaonekana kusogea na kufoka utadhani vijana wanataka kuandamana. Swali linabaki: je, usahili huu ulikuwa dhidi ya majambazi au wahitimu wa vyuo vikuu? Kwani tangu lini kuuliza haki yako imekuwa tishio la usalama wa taifa? Serious
Kuna kipengele kingine kinachotia shaka: idadi ya waombaji. Kuna kada zinahitaji mtu mmoja, lakini wanaoingia kwenye mtihani ni zaidi ya 100. Hapa mtu anaweza kudhani labda wanatafuta mtu wa ziada wa kushika foleni. Au pengine shughuli ilikuwa kama sherehe ya harusi—watu wengi, lakini bwana harusi ni mmoja na mke mmoja.
