Habari ndugu zangu,
Wakati nipo Mkoa X, nilikutana na huyu kijana nikiwa nimemaliza kidato cha sita kwenye mafunzo fulani fulani huko yeye akiwa tayari ameshaajiriwa ana kama miaka 5 kazini.
Nakumbuka tulikutana ofisini wakati mimi napeleka barua za kuomba ajira na yeye amefika kuripoti maana alikuja likizo. Yeye ndo alinikuta ofisini nikiwa namalizia malizia kupewa maelekezo, hatukusemeshana tuliangaliana tu kisha nikatoka nikamuacha ofisini na mimi kurudi home
Usiku wa siku hiyo nikapokea simu ni namba ngeni sauti ya kiume
“Samahani kwa kuiba namba yako bila Idhini yako, mimi ni yule kaka tulieonana ofisini nilikukuta ukiwa unaongea na mkuu”
“Mmh mbona sikukumbuki “ nilijifanya Kama simkumbuki lakini ukweli nilikuwa namkumbuka sana tu kwasababu alipoingia nilimuona na namna alivovaa alikuwa smart wa kuvutia kumtazama hivyo nilizuga tu
Basi alijielezea kwamba alivutiwa na mimi na kwakuwa nilikuwa nimeshaondoka hajui pa kunipata aliiba namba yangu kwenye daily ya mkuu wa ofisini maana niliambiwa niiandike kama kutatokea shida anijulishe
Kuanzia siku hiyo tulikuwa tunawasiliana sana na yule kaka (Tumwite Salim). Salim hakuwai kunitongoza mpk anaondoka likizo yake ilipoisha
Bahati nzuri tulikuwa tunakaa mkoa mmoja yeye alitangulia mimi nikafuata baadae na nakumbuka yeye ndo alinitumia nauli ya kurudi
Nilifika nyumbani mkoa aliopo yeye tukawa tunaendelea kuwasiliana akanitongoza akaniomba niwe mpenzi wake nikamwambia anipe muda wa kutafakari
Ukweli jibu nilikuwa nalo moyoni nilikuwa nimemkubalia ila kusema nikawa naogopa ,,unajua sababu ilikuwa ni nini??
DINI hii ndio sababu ambayo iliniumiza akili sana kijana alikuwa muislam na mimi mkristo tena wale wenye msimamo mkali (Mama yangu ni mlokolee) baba ni muislam ila alishatangulia mbele za haki lakini sisi kwetu wote ni wakristo ukiachia upande wa baba
Mama yangu ni mtu mwenye msimamo sana anaweza hata kunilaani akisikia hivi
Turudi kwenye jibu nililompa
Nilikubali nikamwambia sawa lakini vipi kuhusu dini akasema tuache kwanza tutajua mbeleni basi nimekaa nae kama wiki hivi nikaona hapa haiwezekani hii dini itakuja kuharibu mbeleni huko nikamwambia naomba tuachane maana mimi siwezi kubaildili dini na wewe najua huwezi siwezi kumuumiza mama kwasababu ya mapenzi mama atanitenga.
Salim Alinambia ameumia sana na nimemkosea sana basi tukabaki marafiki wakuchart, tukaja kupotezana karibia miezi 9 nakumbuka siku amenitafuta akanambia “Mama mzungu naomba nikuoe hata ndoa ya serikali ama bomani nakupenda na naamini wewe unanifaa“
Kusema ukweli nilikataa na kipindi hiko nilikuwa bado msichana mdogo miaka kama 23 hivi
Wakati ananiambia hivo mimi nilikuwa nawaza harusi kubwa washiriki ndugu zangu wote na marafiki zangu niolewe kanisani kiufupi nilikuwa natamani ndoa ya kanisani yakuvaa shela
Salim alinikaushia tena akajaga kunitafuta baada ya miezi kama 5 akanikumbushia nikamwambia hapana nahisi alikuwa ananitega maana baadae akanambia mimi nimeamua kuoa kwasababu umri unaenda na kazi inayoifanya inabidi aoe ili apate mambo furani furani. Nikamwambia tu poa Mungu akutangulie kwenye ndoa yako upate mke mwema
Sauti ya mwisho nilioisikia kwake ni “daaah” Akakata simu
Salim nilipomjibu hivo nahisi alisusa ama kukasirika maana hakupatikana tena kwa namba zake zote nilizokuwa nazo.
Nakumbuka mambo yote yanaendelea alishawahi kunipeleka kwa baadhi ya ndugu zake mama ake mdogo dada na mdogo wake walikuwa wananifahamu ila sikuwa na namba zao japo walipokuwa wanaishi nilipajua ila sikutaka kwenda.
Miaka ikapita kama mitatu mwaka huu ndio nikashangaa namba ngeni Mimi Salim nimekukumbuka Leo ikabidi niweke lini yangu ya zamani nichukue namba yako nikutafute.
Kwakweli nilifurahi maana nilimmis sana sanaa. Nikamuuliza kwanini Salim umenifanyia hivo miaka mingi sana unajua nilivokumis,, akanijibu niliona unanizingua sana nikaamua nisikutafute mpk ukue kwanza kiakili ndo nirudii maana unautoto mwingi sana.
Basi tukaongea vizuri tukawa tunachart nikakumbuaka alinambiaga anataka kuoa nikamuuliza kama ameoa
Salim akanambia ameoa 2020 na ana Mtoto mmoja
Kusema ukweli sikuamini alinitumia mpk picha na Mtoto wake ni mzuri Mtoto wake Sanaa,, niliumia kwasababu
Salim, nilikuwa nampenda kweli sana sema nilikuwa sina maamuzi niseme na utoto ulichangia hiyo kitu imeniuma sanaa.
Salim amenambia ameumia sana kwa kunikosa alitamani niwe mke wake anasema anaishi na mwingine na moyo wake upo kwingine.
Salim anasema anataka anioe mke wa pili maana dini inaruhusu , ananipenda sana hatamani kunikosa.
Mimi mama mzungu Salim nampenda na ningetamani awe Mume wangu lakini kuwa mke wa pili roho inasita sana naogopa sana hasa swala la ushirikina nasikia wanarogana sana.
Mimi sijazeeka hivyo mpk niolewe mke wa pili hata sijafika miaka 28 nawaza sana je mke wake atanikubali
Salim amesema Kama itashindikana ndoa ya kidin ipo ya serikali na kimila ilimradi nitambulike kuwa mimi ni mke wake.
Ushauri wenu
Huyu jamaa vigezo anavyo vyote yaani kama angekuwa mkristo ningekuwa sina haja ya kumfikiria wala kumkataa miaka hiyo nyuma.
Maana ni kijana ambae anajiheshimu mstaarabu ana huruma sio kwangu tu nimeonaa hata tulipokuwa mafunzoni ni mtu anaeguswa sanaa juu ya wengine wale mnaosoma biblia mnamfahamu Korinerio basi Salim anafanana kabisa na huyo mwamba kwenye bible.
Je, nijitose tu kuwa mke wa pili ama nikomae na mkristo tufunge pingu za maisha Japo sijawahi kupata wa dini yangu ambae yupo seriously [emoji19]
Kuhusu hela anayo nyingi tu ya kututosha mimi na mke wake [emoji38]
NB: Mimi na Salim mpk leo hii Hatujawahi kufanya mchezo Mchafu yaani Salim hajaninyandua wala mimi sijanyanduliwa na Salim.
Najua kuna watakao uliza umri wako sipo chini ya miaka 25 wala sipo juu ya miaka 28 nipo katikati hapo
Mnisamehe kwa uandishi