DuaZaMama
JF-Expert Member
- Jun 2, 2025
- 1,882
- 4,153
Mgombea Urais wa Jamhuri ya Muungano wa Tanzania kupitia Chama Cha Mapinduzi (CCM), Dkt. Samia Suluhu Hassan, amesema tofauti na vyama vingine vya siasa, CCM ndicho chama pekee chenye rekodi ya kutekeleza ahadi zake na kueleza wazi namna ya utekelezaji wake.
Akihutubia maelfu ya wananchi mjini Songea leo Jumatatu, Septemba 22, 2025, katika mkutano wa kampeni uliofanyika Viwanja vya VETA, Dkt. Samia amesema vyama vingi vimekuwa vikiahidi mambo yaliyoandikwa tayari kwenye Ilani ya CCM, lakini tofauti kubwa ipo kwenye namna ya utekelezaji.
“Nimekuwa nikiwasikiliza ndugu zangu wanaozunguka kama mimi na yale wanayoyasema kwenye sera zao. Kila nikisikiliza ni yale yale yaliyomo kwenye Ilani ya CCM, lakini sisi tukiandika tunajua tutatekeleza kwa njia gani, fedha itatoka wapi na namna ya kukamilisha tunayoyasema. Suala sio tu kusema, suala kubwa ni namna ya kufanya. CCM tunasimama kwa ujasiri kuomba kura kwa sababu tumefanya mmeona, na tunaamini tutafanya na mtaona,” amesema Dkt. Samia.
Katika hotuba hiyo, ameeleza pia mafanikio yaliyopatikana kwenye sekta za afya, maji, elimu na umeme, akisema serikali ya awamu ya sita imevuka malengo ya Ilani ya Uchaguzi Mkuu wa mwaka 2020, huku miradi mingine mingi ikiendelea kutekelezwa nchi nzima.
Akihutubia maelfu ya wananchi mjini Songea leo Jumatatu, Septemba 22, 2025, katika mkutano wa kampeni uliofanyika Viwanja vya VETA, Dkt. Samia amesema vyama vingi vimekuwa vikiahidi mambo yaliyoandikwa tayari kwenye Ilani ya CCM, lakini tofauti kubwa ipo kwenye namna ya utekelezaji.
“Nimekuwa nikiwasikiliza ndugu zangu wanaozunguka kama mimi na yale wanayoyasema kwenye sera zao. Kila nikisikiliza ni yale yale yaliyomo kwenye Ilani ya CCM, lakini sisi tukiandika tunajua tutatekeleza kwa njia gani, fedha itatoka wapi na namna ya kukamilisha tunayoyasema. Suala sio tu kusema, suala kubwa ni namna ya kufanya. CCM tunasimama kwa ujasiri kuomba kura kwa sababu tumefanya mmeona, na tunaamini tutafanya na mtaona,” amesema Dkt. Samia.
Katika hotuba hiyo, ameeleza pia mafanikio yaliyopatikana kwenye sekta za afya, maji, elimu na umeme, akisema serikali ya awamu ya sita imevuka malengo ya Ilani ya Uchaguzi Mkuu wa mwaka 2020, huku miradi mingine mingi ikiendelea kutekelezwa nchi nzima.
Aidha, Dkt. Samia ametumia nafasi hiyo kuwaombea marehemu watatu na mjeruhi mmoja waliopata ajali wakati wa shughuli za uchimbaji madini mkoani Ruvuma, akiwafariji familia zao na jamii kwa ujumla.
