Sasa tunaishi kwa ndoto!!!!!

Wakuletwa · 2011-03-28T11:18:24+00:00

Ndoto, ndoto, babu anatibu kwa sababu kaoteshwa! Yes ameoteshwa kuponya magojnwa matano sugu! Hii ni kwa mujibu ya wenzetu walioenda huko kupata tiba. Siwalaumu hata kidogo wagonjwa kukimbilia huko hebu jiulize ingekuwa wewe unaumwa gonjwa lisilo dawa halafu unasikia kuna mtu anatibu ugonjwa huo ungefanyaje? Ila nawalaumu sana watu wanaowatoa wagonjwa hospitali kuwapeleka huko na matokeo yake kuwasababishia hayo. Kikombe cha babu ni uthibitisho tosha ni aina gani ya taifa ambalo tunalo. Hatuamini tena katika utafiti na uchunguzi bali katika ndoto na imani. Hii ni hatari na ndio maana kuna wajanja wachache kwa kugundua udhaifu huo wamegeuka mamilionea. Hujawaona wachungaji wakitembelea magari ya thamani kubwa kwa sadaka za waumini wao? Mashekh wakimiliki majumba makubwa makubwa kwa sadaka za waumini wao? Hao wametumia udhaifu wetu wa imani. Siku chache zilizopita gazeti la The citizen liliorodhesha nchi ambazo watu wake wanapenda sana ushirikina katika Afrika Tanzania tupo kwenye tano za juu na leo kikombe cha babu kimethibitisha. Vyovyote itakavyokuwa iwe ni tiba kweli au au vinginevyo, madhara yake yatakuwa ni makubwa kuliko faida. Hebu tujifunze kufanya tafiti kwanza halafu tuhangaike na matokeo ya hizo tafiti, itakuwa heri sana ikibainika dawa ile inatibu barabara. Lakini ikiwa kinyume chake sijui itakuwaje? Ndugu zangu hakuna asietaka tiba na nina hakika ni familia chache sana kama zipo ambazo hazina mgonjwa wa magojwa hayo 5 ambayo babu anatibu lakini tuvute subira, maana waswahili wanasema subira yavuta heri. Ni mtazamo tu.

Thread starter Wakuletwa
Start date Mar 28, 2011

Wakuletwa

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Sasa tunaishi kwa ndoto!!!!!

Wakuletwa

Senior Member

Our Community

Regional Communities