Sekta ya kahawa Tanzania yaimarisha utayari wa kuzingatia kanuni ya EUDR

[Ndagullachrles]

Bodi ya Kahawa Tanzania (TCB), kwa kushirikiana na Taasisi ya Misitu ya Ulaya (EFI) na kampuni ya sheria ya NexLaw Advocates mapema aeptemba 15 mwaka huu iliandaa warsha ya pili ya wadau.

Warsha hiyo ilikuwa sehemu ya jitihada zinazoendelea za kuimarisha utayari wa sekta ya kahawa nchini Tanzania katika kukidhi matakwa ya Kanuni ya Umoja wa Ulaya dhidi ya ukataji miti (EUDR).

Warsha hiyo ilijikita katika kujadili matakwa ya kisheria yanayosimamia uzalishaji na biashara ya kahawa nchini Tanzania, hali halisi ya utekelezaji wa matakwa hayo, pamoja na hatua zinazoweza kuchukuliwa ili kuhakikisha utiifu na kushughulikia maeneo ambayo yanaweza kusababisha kutokidhi vigezo vilivyowekwa.

Warsha hiyo ilijenga juu ya kikao cha kwanza cha wadau kilichofanyika mwezi Juni 2026, ambapo matakwa husika ya kisheria ya kitaifa yalipitiwa na kuidhinishwa.

Washiriki kutoka taasisi za serikali na sekta ya kahawa walishiriki uzoefu wao na kutoa maoni kuhusu hali ya utekelezaji wa matakwa hayo ya kisheria pamoja na uhalisia wa utekelezaji wa hatua zilizopendekezwa za kuhakikisha utiifu (due diligence).

Matokeo ya warsha hiyo yatachangia katika kuandaa Mfumo wa Utiifu wa Kisheria kwa Sekta ya Kahawa Tanzania, wenye lengo la kuwasaidia wadau kukidhi matakwa ya EUDR kuhusu uhalali wa bidhaa na uwezo wa kufuatilia asili yake (traceability)