Sensei Jerome, Willy Ringo kuongoza Karate Tanzania

Daniel Mbega · 2016-04-02T13:50:41+00:00

Jerome Sensei (kushoto) akiwa na Naka Tatsuya Shihan kwenye makao makuu ya JKA/WF jijini Tokyo, Japan mwaka 2014 Jerome Sensei akionyesha kwa vitendo namna ya kujihami na kushambulia. Walimu wa siku nyingi wa karate nchini Tanzania, Willy Ringo Rwezaura Sensei na Jerome George Mhagama Sensei, leo wamechaguliwa kuongoza Karate katika chama cha Tanzania Shotokan Karate (Tashoka), uchaguzi uliofanyika kwenye Uwanja wa Ndani wa Taifa jijini Dar es Salaam. Willy Ringo Sensei amerejea tena kwenye nafasi ya uenyekiti wa chama hicho baada ya kumshinda mpinzani wake wa karibu Yahaya Mgeni Sensei. Ringo Sensei ambaye pia ni mwenyekiti wa chama cha West Coast Shotokan Karate (WCSKA), alijitoa kwenye uongozi wa chama hicho tangu mwaka 2008, lakini sasa ameamua kurejea tena. Aliyechaguliwa kushika nafasi ya Makamu Mwenyekiti ni Kambi Sensei, ambaye alikosa mpinzani kwenye nafasi hiyo. Jerome Mhagama Sensei (5th dan black belt), alichaguliwa kwa kura 60 kushika nafasi ya Katibu Mkuu akimbwaga mpinzani wake aliyeambulia kura mbili huku kura tatu zikiharibika. Jerome Sensei (35), ambaye ni mkufunzi mkuu wa Japan Karate Association/World Federation tawi la Tanzania (JKA/WF-Tanzania) ni miongoni mwa wacheza karate mahiri kabisa nchini Tanzania ambaye siyo tu kwamba anajulikana kimataifa, bali ameweka rekodi nyingi katika mchezo huo kiasi cha kutambuliwa na Wajapani wenyewe. Miaka minne iliyopita aliweka rekodi ya kuwa mwalimu mdogo kabisa katika historia ya JKA/WF kutunukiwa cheti cha ukufunzi pamoja na uamuzi wakati aliposhiriki semina na mashindano kwenye makao makuu cha chama hicho jijini Tokyo, Japan. Aidha, mwaka 2014 aliweka rekodi nyingi kwa kuwa mwalimu mdogo zaidi kuwa mwamuzi katika mashindano ya dunia yaliyofanyika pia Tokyo, Japan. Kutokana na hali hiyo, kuna kila dalili kwamba uongozi mpya unaohusisha wakongwe na vijana, utaleta mabadiliko na maendeleo ya mchezo huo wa kujihami nchini Tanzania.

Thread starter Daniel Mbega
Start date Apr 2, 2016

Daniel Mbega

JF-Expert Member

Apr 2, 2016

No Escape

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts