Serikali Kujenga Daraja la Mitomoni - Ruvuma

Stephano Mgendanyi · 2024-04-16T19:30:02+00:00

Serikali ya Awamu ya Sita, Chini ya Wizara ya Ujenzi ipo mbioni kujenga Daraja la Kisasa na la Kudumu kwenye mto wa Mitomoni, kijiji cha mapotopoto ambalo litaunganisha Wilaya ya Songea Vijijini na Nyasa Mkoani Ruvuma. Hayo yamesemwa na Waziri wa Ujenzi, Innocent Bashungwa leo tarehe 16 Aprili 2024 wakati akijibu swali la Mbunge wa Viti Maalum Jackiline Ngonyani, Bungeni Dodoma “Maandalizi ya nyaraka kwa ajili ya kutangaza zabuni kwa mara ya pili kwa ajili ya ujenzi wa daraja la mitomoni yapo katika hatua za mwisho na zabuni zinatarajiwa kutangazwa kabla ya mwisho wa mwezi Juni wa mwaka huu 2024”, amesema Waziri Bashungwa Amesema zabuni za mara ya kwanza zilikamilika mwezi wa machi 2023 zilikosa ushindani kwani Mkandarasi mmoja tu ndiye aliyerudisha zabuni na bei yake ilikuwa juu hivyo wakaona watangaze upya. Vilevile, Waziri Bashungwa, amesema Serikali ya Awamu ya Sita inayoongozwa na Mheshimiwa Dkt. Samia Suluhu Hassan, ipo pamoja na wananchi wa Wilaya ya Nyasa pamoja na Songea Vijijini, na ndio maana wanafanya juhudi ili kuweza kukamilisha manunuzi ili kumpata mkandarasi kuanza kujenga daraja la kudumu. Aidha, Bashungwa amemhakikishia Mbunge huyo kuwa kufika mwezi wa sita hatua za manunuzi zitakuwa zimekamilika ili hatua za ujenzi wa daraja hilo ziweze kuanza.

Thread starter Stephano Mgendanyi
Start date Apr 16, 2024
Tags

daraja kujenga ruvuma serikali

Stephano Mgendanyi

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Serikali Kujenga Daraja la Mitomoni - Ruvuma

Stephano Mgendanyi

JF-Expert Member

Our Community

Regional Communities