GE2025 Sheikh Ibrahim Kaniki: Hakuna utengano kati ya dini na siasa

[Mkalukungone Mwamba]

Sheikh Ibrahim Kaniki amesema hakuna utengano kati ya dini na siasa, akisisitiza kuwa masuala ya kisiasa huathiri moja kwa moja maisha ya waumini wa dini, hivyo ni muhimu viongozi wa dini kushiriki katika kuombea amani, haki na viongozi wanaokumbwa na changamoto.

Akizungumza siku ya Jumamosi baada ya kuongoza dua maalum kwa ajili ya kumuombea heri na ulinzi Mwenyekiti wa CHADEMA Taifa, Tundu Lissu, aliyeko rumande kwa tuhuma za uhaini na uchochezi, Sheikh Kaniki amesema:

“Ukisema siasa haihusiani na dini unakosea sana… ni sawa na kusema kwa sababu mimi ni mtu wa dini sitanunua, sitauza, sitakwenda hospitali, nitakuwepo tu – hiyo itakuwa balaa”.

Kwa upande wake, Mwenyekiti wa CHADEMA Tawi la Gongo la Mboto, Deus Kato, amesema ni siku 100 sasa tangu Tundu Lissu awekwe rumande kwa makosa aliyoyaita ya ‘mchongo’ huku akisema kuwa kilio cha wanachama wa CHADEMA na Watanzania kwa ujumla kimefikishwa kwa Mwenyezi Mungu kupitia dua hiyo, akibainisha kuwa kilio hicho hakiwezi kufumbiwa macho.

Nao Baraza la Vijana la CHADEMA (BAVICHA), kupitia Mwenyekiti wake Wakili Deogratius Mahinyila, walishiriki ibada hiyo ya Kiislamu, wakisisitiza kuwa dua ni silaha halali kwa wanyonge wanaotafuta haki.

Dua hiyo imefanyika katika kata ya Gongo la Mboto, wilayani Ilala, mkoani Dar es Salaam ikiongozwa na masheikh mbalimbali na kuhudhuriwa na wanachama wa CHADEMA, wafuasi wa dini ya Kiislamu, na wananchi wa kawaida.

 

[Superbug]

Mungu awabariki hao mashehe wanaojitambua.

 

[Hamatan]

Dini ya kweli na kiongozi wa kweli wa kiroho, siyo jina la dini au dhehebu, bali ni kauli na matendo yenye kumpendeza Mungu.

Yeyote ambaye atatamka umuhimu wa watu kuitumikia haki na upendo, kuichukia dhuluma, chuki na kisasi, hata kama hatamtaja Roho Mtakatifu, ndani yake atakuwa na Roho wa Mungu.

Hawa Mashekhe na viongozi wa dini zote wanaokemea dhuluma na kuililia haki, Mungu amewateua kuyafikisha maagizo yake kwa wanadamu wa Tanzania. Ole wake ajengaye kiburi, ataishuhudia hasira ya YEYE ALIYE MKUU.

 

[Bush Dokta]

Sheikh Ibrahim Kaniki amesema hakuna utengano kati ya dini na siasa, akisisitiza kuwa masuala ya kisiasa huathiri moja kwa moja maisha ya waumini wa dini, hivyo ni muhimu viongozi wa dini kushiriki katika kuombea amani, haki na viongozi wanaokumbwa na changamoto.

Akizungumza siku ya Jumamosi baada ya kuongoza dua maalum kwa ajili ya kumuombea heri na ulinzi Mwenyekiti wa CHADEMA Taifa, Tundu Lissu, aliyeko rumande kwa tuhuma za uhaini na uchochezi, Sheikh Kaniki amesema:

“Ukisema siasa haihusiani na dini unakosea sana… ni sawa na kusema kwa sababu mimi ni mtu wa dini sitanunua, sitauza, sitakwenda hospitali, nitakuwepo tu – hiyo itakuwa balaa”.

Kwa upande wake, Mwenyekiti wa CHADEMA Tawi la Gongo la Mboto, Deus Kato, amesema ni siku 100 sasa tangu Tundu Lissu awekwe rumande kwa makosa aliyoyaita ya ‘mchongo’ huku akisema kuwa kilio cha wanachama wa CHADEMA na Watanzania kwa ujumla kimefikishwa kwa Mwenyezi Mungu kupitia dua hiyo, akibainisha kuwa kilio hicho hakiwezi kufumbiwa macho.

Nao Baraza la Vijana la CHADEMA (BAVICHA), kupitia Mwenyekiti wake Wakili Deogratius Mahinyila, walishiriki ibada hiyo ya Kiislamu, wakisisitiza kuwa dua ni silaha halali kwa wanyonge wanaotafuta haki.

Dua hiyo imefanyika katika kata ya Gongo la Mboto, wilayani Ilala, mkoani Dar es Salaam ikiongozwa na masheikh mbalimbali na kuhudhuriwa na wanachama wa CHADEMA, wafuasi wa dini ya Kiislamu, na wananchi wa kawaida.

Na huo ndio ukweli

 

[Bush Dokta]

Hawa Mashekhe na viongozi wa dini zote wanaokemea dhuluma na kuililia haki, Mungu amewateua kuyafikisha maagizo yake kwa wanadamu wa Tanzania.

Amiin! Allahuakbar

 

[Sultan MackJoe Khalifa]

Shehe gani hana kanzu huyo?.

 

[Sultan MackJoe Khalifa]

Shehe kavaa jeans modo kichupa,CCM hatumtambui🤣