Mwanamwana
Platinum Member
- Aug 1, 2011
- 9,604
- 22,722
Sheikh Mkuu wa Baraza Kuu la Waislamu Tanzania (BAKWATA) Mkoa wa Mwanza, Sheikh Hassan Kabeke, amesema kuwa kumeanza kutokea viashiria vya lugha mbaya zinazotoka kwa viongozi wa kisiasa nchini, ambazo zinaweza kusababisha amani ya nchi kupotea.
Sheikh Kabeke amesema hayo wakati wa mashindano ya kuhifadhi Qur’an katika Mkoa wa Simiyu, yaliyofanyika mjini Bariadi, na kushirikisha vijana takriban 30 ambao wamechuana kuhifadhi Qur’an.
Amewataka waumini wa dini hiyo nchini kuwa wa kwanza kukataa kauli hizo na pia kuzilaani, kwani zinaweza kuhatarisha amani ya nchi, ambayo imedumu kwa kipindi kirefu na imewezesha Watanzania kufanya kazi kwa utulivu.