Kampuni ya Vivo Energy Kenya, inayosambaza mafuta ya Shell nchini, imelaani kitendo cha mwanamume mmoja aliyenaswa kwenye video akimwaga petroli kwenye gari lake katika kituo cha mafuta cha Shell Westview jijini Nairobi, huku ikionya kuwa kitendo hicho kingeweza kusababisha moto na kuhatarisha maisha ya watu.
Tukio hilo lilitokea usiku wa Jumatano, Oktoba 28, 2026, ambapo video iliyosambaa kwenye mitandao ya kijamii ilimuonyesha mwanamume huyo akiwa ameshika bomba la kujazia mafuta na kunyunyizia petroli sehemu ya nje ya gari lake badala ya kuiweka kwenye tanki.
Katika video hiyo, mwanamume mwingine anaonekana akiwa karibu akitazama tukio hilo, huku mhudumu wa kituo cha mafuta akionekana kusimama pembeni.
Video hiyo, iliyokuwa na ujumbe unaodokeza kuwa barabara zina vumbi, ilizua mjadala mkubwa mitandaoni, huku baadhi ya Wakenya wakishangaa jinsi mtu angeweza kutumia petroli kana kwamba ni maji ya kuosha gari.
Katika taarifa ya Alhamisi, Oktoba 29, Vivo Energy ilisema kitendo hicho kilikuwa cha uzembe mkubwa na hakikuzingatia viwango vya usalama vinavyotakiwa katika vituo vya mafuta.
Kampuni hiyo ilieleza kuwa usalama wa wateja, wafanyakazi na wananchi ni kipaumbele chake, na kwamba tabia iliyoonekana kwenye video haikubaliki katika vituo vyake.
Aidha, Vivo Energy ilithibitisha kuwa msimamizi wa kituo hicho tayari amewasilisha taarifa kwa mamlaka husika ili tukio hilo lichunguzwe na hatua zinazofaa zichukuliwe.
Kampuni hiyo pia imeanza kuchunguza mazingira ya tukio hilo na kuimarisha utekelezaji wa masharti ya usalama katika vituo vyake.
Hata hivyo, haijathibitishwa iwapo mwanamume aliyeonekana kwenye video ametambuliwa au kukamatwa na polisi.
Tukio hilo lilitokea usiku wa Jumatano, Oktoba 28, 2026, ambapo video iliyosambaa kwenye mitandao ya kijamii ilimuonyesha mwanamume huyo akiwa ameshika bomba la kujazia mafuta na kunyunyizia petroli sehemu ya nje ya gari lake badala ya kuiweka kwenye tanki.
Katika video hiyo, mwanamume mwingine anaonekana akiwa karibu akitazama tukio hilo, huku mhudumu wa kituo cha mafuta akionekana kusimama pembeni.
Video hiyo, iliyokuwa na ujumbe unaodokeza kuwa barabara zina vumbi, ilizua mjadala mkubwa mitandaoni, huku baadhi ya Wakenya wakishangaa jinsi mtu angeweza kutumia petroli kana kwamba ni maji ya kuosha gari.
Katika taarifa ya Alhamisi, Oktoba 29, Vivo Energy ilisema kitendo hicho kilikuwa cha uzembe mkubwa na hakikuzingatia viwango vya usalama vinavyotakiwa katika vituo vya mafuta.
Kampuni hiyo ilieleza kuwa usalama wa wateja, wafanyakazi na wananchi ni kipaumbele chake, na kwamba tabia iliyoonekana kwenye video haikubaliki katika vituo vyake.
Aidha, Vivo Energy ilithibitisha kuwa msimamizi wa kituo hicho tayari amewasilisha taarifa kwa mamlaka husika ili tukio hilo lichunguzwe na hatua zinazofaa zichukuliwe.
Kampuni hiyo pia imeanza kuchunguza mazingira ya tukio hilo na kuimarisha utekelezaji wa masharti ya usalama katika vituo vyake.
Hata hivyo, haijathibitishwa iwapo mwanamume aliyeonekana kwenye video ametambuliwa au kukamatwa na polisi.