Roving Journalist
JF Roving Journalist
- Apr 18, 2017
- 5,352
- 15,876
Shigongo alianza mchango wake kwa kumshukuru Rais Samia Suluhu Hassan kwa ujenzi wa vituo vya afya na zahanati katika jimbo lake, huku akiendelea kuiomba serikali kuwapatia gari la wagonjwa la majini (boat ambulance) ili kuhudumia wananchi wa visiwani. Pia, amempongeza Waziri wa Afya, Mhe. Mchengerwa, Naibu Waziri, na Katibu Mkuu wa Wizara hiyo kwa utendaji wao kazi mzuri.
Maendeleo ya Sekta ya Afya Tangu Uhuru, Shigongo alibainisha mafanikio makubwa ambayo taifa limeyapata katika sekta ya afya kwa kulinganisha takwimu za Mwaka 1961 na sasa:
- Idadi ya vituo vya afya imeongezeka kutoka vituo 22 pekee mwaka 1961 hadi kufikia 1,361 hivi sasa.
- Zahanati zimeongezeka kutoka 700 mwaka 1961 hadi 8,714.
- Idadi ya madaktari wa Kitanzania imepanda kutoka madaktari 13 mwaka 1961 hadi kufikia 12,000.
- Umri wa kuishi wa Mtanzania umeongezeka kutoka miaka 37 mwaka 1961 hadi miaka 67, kiwango ambacho ni cha juu ukilinganisha na nchi jirani ambazo umri wao wa kuishi ni miaka 66 na 65.
- Amekumbusha kuwa misingi iliyowekwa na Rais wa Kwanza, Mwalimu Julius Nyerere, na Waziri wa Afya wa kwanza, Derek Bryceson, baada ya kupata uhuru ilitilia mkazo mambo matatu: kuwekeza kwenye kinga, kufundisha wataalam, na kupanua miundombinu.
- Amemuomba Waziri Mchengerwa kurekebisha bajeti hiyo ili kuelekeza fedha nyingi zaidi kwenye kinga kwa sababu "bila kinga taifa haliweszi kuwa taifa bora."
- Vilevile, aliishauri serikali kuongeza bajeti ya afya ili kufikia asilimia 15 inayopendekezwa na Azimio la Abuja, akibainisha kuwa kwa sasa Tanzania inatenga takriban asilimia 7 pekee.
- Ili kulinda taifa, asilimia 90 ya watu (ambao ni takriban milioni 58 kati ya Watanzania milioni 65) wanapaswa kupata kinga.
- Kutokana na uamuzi wa Rais wa Awamu ya Tatu, Benjamin Mkapa wa mwaka 2002 kuanzisha chanjo kwa watoto, takriban asilimia 70 ya kundi lengwa (vijana wa chini ya miaka 25) tayari wana kinga.
- Amesema mzigo uliobaki kwa serikali ni kuwachanja Watanzania milioni 18 pekee ambao hawana kinga.
- Ameshauri serikali kutafuta ruzuku kutoka taasisi kama GAVI au Center for Disease Analysis Foundation (CDAF) ambazo zinaweza kushusha bei ya chanjo hiyo kwa ununuzi wa jumla hadi TZS 1,350 kwa dozi, hivyo kufanya dozi zote tatu kugharimu TZS 4,030 pekee kwa mtu mmoja.
- Ameeleza kuwa chanjo ya 'Pentavalent' inayotolewa sasa hufanyika mtoto akiwa na wiki sita, jambo linalomuweka mtoto kwenye hatari ya kuambukizwa na mama mwenye ugonjwa huo tangu siku ya kwanza anapozaliwa hadi kufikia hizo wiki sita.
- Akibainisha kuwa nchi nyingine za Afrika kama Misri na Ethiopia tayari zinatoa chanjo hiyo mara tu mtoto anapozaliwa, Shigongo alimtaka Waziri kuja na majibu ya kuridhisha kuhusu utengaji wa bajeti ya chanjo hiyo (Birth Dose).
- Akitamatisha, aliweka wazi nia yake ya "kukamata shilingi" endapo Waziri hatoeleza ni kiasi gani kimetengwa kwa ajili ya chanjo hiyo kwa watoto wachanga.
