Shirika la Bima Ya Afya Tanzania (NHIF) linafilisika. Nini kimesababisha haya yote na hatua zipi zichukuliwe kutatua changamoto hii?

[mtzmweusi]

Lile ni kwa ajili ya walimu tu na kada za chini walikosea kuinvolve taasisi kubwa zenye package kubwa mfano bot bunge nssf nmb nk

 

[Tajiri Kichwa]

Siasa zinaongoza aya mashirika ndio inafata taaluma. Hapo shirika limeshindwa accommodate scope ya watu million 4. Nauliza tukiongezeka tukafika million 10.

Serikali wanadhani kua kuongeza wigo wa watu kutasaidia wao kupata fedha, nadhani dhana yao ni kuwa watanzania wengi hawaumwi.

Watanzania wengi wanaumwa sema wanachofanya ni kumaliza vipimo na dawa kwenye pharmacy. Gharama zitabaki pale pale ata wakifanya bima lazima kwa watu wote.

Serikali ijitathimini, unakuta nhif inashiriki hadi kwenye miradi ya ujenzi, nje kabisa mlengo wa kuanzishwa mfuko huo.

 

[Dr Matola PhD]

Mfuko bado uko imara kuendelea kutekeleza majukumu yake ikiwemo kufanya malipo kwa wanufaika wake.
Hatua zinazotakiwa kuchukuliwa kwa sasa ni wananchi wengi zaidi kujiunga ili kuimarisha zaidi uhai wake.

Mfuko uko imara vipi kama Dispensary hata pain killer tu kama framer haipo kwenye bima? Tube kama volin Dukani ni 2500 lakini dispensary unaambiwa NHIF imeziondowa kwenye orodha, kipimo cha Typhoid hakipo inabidi ulipe cash hivi kazi ya bima ni nini? hivi huko maofisini MNA akili timamu?

Hamjui Dispensary ndio ziko mitaani Kwa wananchi zipewe access kubwa kupunguza mlundikano kwenye mahospitali makubwa?

NHIFTZ usikimbie, tunaomba majibu.

 

[ORCA ACE]

Trust me, kwa jinsi nchi hii tulivyo na viongozi majizi, huu mfuko unapigwa vibaya sana na hakuna hatua zozote zinachukuliwa na ndio matokeo ya sekeseke lote hili

 

[Suleman Jr]

Nina shaka unachanganya- unazungumzia NHIF au NSSF?

Hata kama nimechanganya mkuu, lkn usilolijua mashirika yote ya bima magu alikomba ela akafanyia yake waliokua wanafanya miradi yao kayasimamisha

 

[Suleman Jr]

NHIF Ina mradi gan? Au hujui NHIF Ni nn? Taja mradi mmoja wa NHIF waliokuwa nao.

Au unachanganya na NSSF?

Mwisho lakini si kwa umuhimu, HII ID mpya ulifungua kwa sababu hii?

Lakini ela zilichukuliwa au hazikuchukuliwa?

 

[Inanambo]

Wanabodi,

Serikali inatumia jitihada kubwa sana kujenga vituo vya afya na kuhakikisha kwamba huduma hizi zinawafikia wananchi katika sehemu tofauti tofauti. Nakubali kwamba kuna umuhimu wa kuwa na miundombinu nchini lakini hilo ni jambo la kwanza tu. kinacho fuata ni kuhakikisha kwamba wananchi wana mudu gharama za matibabu na kupata afya bora.

Kwa muda mrefu sasa, kumekuwa na sinto fahamu kuhusu uwezo wa serikali kutoa huduma za afya bila gharama yoyote kwa wananchi au wananchi wote kuwa na bima ya afya bila kulipia michango yoyote. Ahadi hizi zote zinaonekana kuwa za uwongo haswa katika kipindi hiki ambacho shirika la bima ya afya Tanzania (NHIF) lina filisika.

Tujaribu kuangazia mapato ya NHIF ya kawaida na malipo yanayofanywa na shirika hili ili kuhakikisha kwamba walio jiunga na mpango huu wana nufaika. Njia kuu ya mapato kwa NHIF ni michango kutoka kwa wanachama wote walio chagua vifurushi tofauti tofauti kwenye mpango huu. Kama ilivyo bima zingine, malipo hufanywa bila ya mchangiaji kufahamu kama ataugua au la.

Ikitokea umechangia kwa muda hata wa miaka kumi bila kuugua basi fedha yako itakuwa kama faida kwa NHIF. Ila ikitokea kwamba umeugua, bima yako itaku gharamikia matibabu kulingana na kifurushi ulicholipia. Vilevile NHIF hulipia matibabu baada ya kuhakikisha kwamba kweli unaumwa. Hili hufanyika baada ya aliyeugua kutembelea hospitali inayopokea bima ya NHIF na kumuona daktari.

Je shirika la NHIF huwalipia wagonjwa matibabu kwa njia ipi?: Hospitali zinazopokea bima ya NHIF hupeleka fomu za matibabu na dawa kwenye shirika la NHIF kila baada ya kuwa hudumia wagonjwa walio lipia bima hii. Malipo hufanywa moja kwa moja kwa hospitali husika kulingana na huduma ambazo wagonjwa hupata. Hii ina maanisha kwamba fomu zikipotea basi hospitali husika haziwezi kupata malipo kamili kutoka NHIF na vilevile udangayifu kwenye ujazaji wa fomu hizi husababisha hasara kwa shirika la NHIF.

Hospitali hugharamikia matibabu ya wagonjwa kwa kuhakikisha kwamba wanawalipa watumishi wa afya wote wano hudumia wagonjwa wa NHIF, kuhakikisha kwamba vipimo vyote vinafanya kazi na kuhakikisha kwamba dawa zote zinapatikana kwenye famasi zote zinazo hudumia wagonjwa wa bima ya afya.

Ikitokea kwamba dawa hazijapatikana hospitalini, wagonjwa huandikiwa fomu ambazo huwa wezesha kupata dawa hizi kwenye famasi ambazo hazipo hospitalini. Kwasababu hiyo, NHIF hufanya malipo kwa hospitali zote na famasi zote zinazo wahudumia wagonjwa wenye bima hiyo.

Shirika la NHIF kufilisika ina maanisha kwamba watu wote walio jiunga na bima hii hawataweza kupata huduma za matibabu kwenye hospitali husika na kwenye famasi zilizopo nje ya hospitali. Kama miezi miwili au mitatu iliyopita, NHIF walisitisha huduma ya kupata dawa kwenye famasi zilizo nje ya hospitali kwa tuhuma za kwamba kila mgonjwa lazima apate dawa zote hospitalini. Labda hii haikuwa sababu ya msingi na badala yake ni kupungukiwa kwa uwezo wa shirika hili kulipa famasi zilizo nje ya hospitali.

Nini kinaweza kufanya shirika hili kuweza kumudu kuwa hudumia watanzania kama kawaida?: Kwanza kabisa ni muhimu kuelewa kwamba hospitali zote zinatakiwa ziweze kuhudimia wagonjwa wote wa NHIF bila kutegemea mafungu kutoka serikalini kila mwaka. Malipo kutoka NHIF yanatakiwa kuziwezesha hospitali zote kuendesha mfumo huu vizuri.

Vilevile, udanganyifu kwenye ujazaji wa fomu hospitalini na kwenye famasi zote zilizo nje ya hospitali lazima utokomezwe. Kwa haraka haraka inawezekana kwamba shirika la NHIF linadaiwa fedha nyingi sana na hospitali mbalimbali pamoja na famasi binafsi. Kufilisika kwa NHIF kunaweza kumaanisha kwamba shirika hilo halina uwezo kulipa madeni haya na kwasababu hiyo lazima serikali iingilie kati ili kuhakikisha kwamba wananchi wanaendelea kupata huduma hii.

Ama kweli, bima ya afya kwa watanzania wote bado ni ndoto ya Abunuwasi.

NHIF yatupiwa mzigo wa dawa

Baada ya Mfuko wa Taifa wa Bima ya Afya (NHIF) kusitisha maboresho yaliyolalamikiwa na wanachama wake, kero kadhaa zimetajwa kuhusu mfuko huo, ikiwamo baadhi ya vituo vya afya kudai mfuko umekuwa...

www.mwananchi.co.tz

Aliyekuwa mhasibu NHIF kortini, asomewa mashtaka 30

Aliyekuwa mhasibu msaidizi wa Mfuko wa Taifa wa Bima ya Afya (NHIF) mkoa wa Mara, Francis Mchaki (37) amefikishwa mahakamani na kusomewa mashtaka 30 likiwemo shtaka la uhujumu uchumi na...

www.mwananchi.co.tz

Nakisi yatishia uhai wa NHIF

Kamati ya Bunge ya Uwekezaji na Mitaji ya Umma (PIC) imesema imebaini Mfuko wa Taifa wa Bima ya Afya (NHIF) unatengeneza nakisi katika mapato na matumizi, jambo ambalo linatishia uhai wa mfuko.

www.mwananchi.co.tz

Magonjwa yasiyoambukiza yaikamua NHIF

Mfuko wa Taifa wa Bima ya Afya (NHIF) umesema fedha nyingi za mfuko huo zinatumika katika kushughulikia magonjwa sugu, huku dawa za saratani na huduma ya kusafishwa figo ‘dialysis’ nazo zikitumia...

www.mwananchi.co.tz

Ushauri wangu, kama Walivyokusudia kuwapa Wastaafu Wazee Mafao Yao kwa Kikokotooo,wakidai Mifuko ya Jamii inakufa. Basi na NHIF watibu Wanachama wao Kwa Kikokotooo. Wapige % za Uchangiaji watibu nazo.

 

[Sexless]

Jiwe ndiyo chanzo cha NHIF kufa.
(a) Alikomba fedha zote toka mfuko huu na mifuko mingine
(b) Alilaizimisha kupewa gawio
(c) Zile trilion 1.5 alizokwapua kama mnakumbuka. Sehemu ya fedha hii ilitoka NHIF

 

[Countrywide]

Jiwe ndiyo chanzo cha NHIF kufa.
(a) Alikomba fedha zote toka mfuko huu na mifuko mingine
(b) Alilaizimisha kupewa gawio
(c) Zile trilion 1.5 alizokwapua kama mnakumbuka. Sehemu ya fedha hii ilitoka NHIF

Huenda hufahamu kitu chochote. Kwa mujibu wa report ya CAG ya mwaka huu pesa ambayo ilichukuliwa NHIF ni ya ujenzi wa hospital ya Benjamin mkapa, ambayo Ni bil 129. Na ndio hadi Leo serikali haikurejesha hiyo pesa. Au unataka kusema report ya CAG ya mwaka huu imempendelea magufuli?

 

[Stuxnet]

Nitachangia kwa haraka namna ya kunusuru NHIF

1. Tehama haijawekwa vizuri - ili ku-control madai, collusion kati ya watoa huduma na NHIF staff; madai yalitakiwa yawe processed 80% electronically na 20% manually.

2. Timu ya wataalam wa TEHAMA wa humu nchini wakusanywe, wapewe exposure hasa South Korea na watengeneze system ya kudhibiti fraud.

3. Siasa iwe mbali na Mfuko; usiwe wa kuwafurahisha wanasiasa (Ministers);

4. Actuarial Dept iimarishwe na actuarial valuation ifanyike kila mwaka na kutoa mwongozo

5. Katika Social Health Insurance kuwa na package tofauti kama Wabunge, BOT, TRA, NMB n.k ni KOSA KUBWA. Makundi hayo yana mishahara mikubwa hivyo walitakiwa wachangie fedha nyingi zaidi na hivyo kuwepo kwa Social Solidarity. Mtu apate huduma bila kujali alichochangia.

6. Serikali itafute maoni ya wenye uzoefu wa SOCIAL Health Insurance na Actuaries watoe maoni yao ya kisayansi sio ya kumfurahisha mtu yeyote.

7. Board inatakiwa iwe na wataalam wa masuala haya na iwatumie kwa hali hii ilikofikia NHIF. SIYO kuishia kufanya ziara mikoani kuelezea Toto Afya Kadi, Vifurushi vya NHIF. Michango inatakiwa izidi malipo ya madai ya watoa huduma,

8. Mfuko ujenge reserve kila mwaka; admin expenses za NHIF ziangaliwe upya;

9. Ajira zinazoweza kufanywa na TEHAMA zifutwe n.k.

 

[Msingida]

Nitachangia kwa haraka namna ya kunusuru NHIF

1. Tehama haijawekwa vizuri - ili ku-control madai, collusion kati ya watoa huduma na NHIF staff; madai yalitakiwa yawe processed 80% electronically na 20% manually.

2. Timu ya wataalam wa TEHAMA wa humu nchini wakusanywe, wapewe exposure hasa South Korea na watengeneze system ya kudhibiti fraud.

3. Siasa iwe mbali na Mfuko; usiwe wa kuwafurahisha wanasiasa (Ministers);

4. Actuarial Dept iimarishwe na actuarial valuation ifanyike kila mwaka na kutoa mwongozo

5. Katika Social Health Insurance kuwa na package tofauti kama Wabunge, BOT, TRA, NMB n.k ni KOSA KUBWA. Makundi hayo yana mishahara mikubwa hivyo walitakiwa wachangie fedha nyingi zaidi na hivyo kuwepo kwa Social Solidarity. Mtu apate huduma bila kujali alichochangia.

6. Serikali itafute maoni ya wenye uzoefu wa SOCIAL Health Insurance na Actuaries watoe maoni yao ya kisayansi sio ya kumfurahisha mtu yeyote.

7. Board inatakiwa iwe na wataalam wa masuala haya na iwatumie kwa hali hii ilikofikia NHIF. SIYO kuishia kufanya ziara mikoani kuelezea Toto Afya Kadi, Vifurushi vya NHIF. Michango inatakiwa izidi malipo ya madai ya watoa huduma,

8. Mfuko ujenge reserve kila mwaka; admin expenses za NHIF ziangaliwe upya;

9. Ajira zinazoweza kufanywa na TEHAMA zifutwe n.k.


View attachment 2342333

NHIFTZ chukua hayo madini,kesho Bernard Konga aione mezani