Siasa katika elimu yetu.

Bornvilla · 2011-02-26T11:05:55+00:00

Nani alaumiwe kwa matokeo mabovu mwaka huu? Hapa nina hoja kuu tatu. 1. Serikali kuingiza siasa kwenye elimu,mfano, sera nikuwa watoto wote wanao maliza darasa la saba pia wamalize kidato cha nne. Hili limesababisha wanafunzi wengi wasio na uwezo kuwa sekondari na kuwapa wakati mgumu walimu wetu. Serikali kufuta mchujo wa kidato cha pili pia imesababisha wale wasio na uwezo kufika kidato cha nne na mwisho wanafunzi hawa kupata sifuri. Hizo ndio siasa za tutahakikisha watoto wote wanapata elimu ya sekondari. 2. Serikali kuandaa walimu wa muda mfupi maarufu kama vodafasta pia nitatizo kwani walimu hawa wanakosa maadili na mbinu za kukabiliana na wanafunzi wazito kuelewa. Walimu hawa wa muda mfupi wengi wao wameathirika na utandawazi kwa kiasi kikubwa na hawana maadili ya kiualimu hivyo wanafunzi kukosa kuwaamini walimu hawa ambao pia ni kiigizo kwa wanafunzi na jamii. Kiukweli walimu hawa wanalalamikiwa sana na jamii hasa vijijini. 3. Wanafunzi wameathiriwa kwa kiasi kikubwa sana na utandawazi,wengi hupenda maisha ya mafanikio kwa mkato pasipo kujitahidi katika masomo.Mfano wanafunzi wengi wanapenda kuwa wasanii wa bongoflava,kuvuta bangi na madawa ya kulevya. Tatizo kubwa ni mapenzi shuleni kwa wanafunzi, mfano kidato chapili hadi channe utakuta wanafunzi wamegawana wapenzi shuleni yani kila mtu na wake. Pia baadhi ya walimu kujiingiza katika mapenzi na wanafunzi,utasikia mwalimu anaitwa shemeji! Wanafunzi hapa nidhamu ndio hakuna tena. Na kwa mawazo ya ngono na kuandikiana jumbe fupi kwenye simu wanafunzi hawa watamsikiliza mwalimu? Wanafunzi hawa wanamuda wa kujisomea? Watavuna nini mwisho wa safari kwa tabia hizi? Mi nadhani hatupaswi kulaumu Necta bali kwanza wanafunzi wenyewe kisha serikali na sera zake juu ya elimu ya sekondari.

Thread starter Bornvilla
Start date Feb 26, 2011

Bornvilla

JF-Expert Member

Feb 26, 2011

KAUMZA

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts