Sifa za wanaume madhaifu kwenye mahusiano na ndoa na madhara yake

[Ertugrul Bey]

Wanaume wadhaifu/Nice guys kwenye mahusiano au ndoa ni wale wanaokosa uwezo wa kusimama kama viongozi, kufanya maamuzi sahihi, au kubeba majukumu yao ya kihisia na kifamilia.

Udhaifu huu hapa haumaanishi ukosefu wa nguvu za kimwili, bali ni udhaifu wa kisaikolojia, kihisia, na kiutendaji.

1. Sifa za Wanaume Wadhaifu Kwenye
Mahusiano

Ukosefu wa Msimamo na Maamuzi (Indecisiveness):
Mwanamume dhaifu hushindwa kufanya maamuzi, hata yale madogo. Hali hii humfanya amtegemee mwanamke au watu wa nje (kama wazazi wake au rafiki zake) kumfanyia kila uamuzi wa kifamilia.

Kukimbia Majukumu (Irresponsibility):
Badala ya kukabili changamoto, mara nyingi hutafuta mchawi au kumlaumu mwenza wake kwa kila tatizo linalotokea. Hawezi kukubali makosa yake wala kusema "nisamehe, nilikosea."

Kutawaliwa na Hsia za Watu wa Nje:
Sauti ya mama yake, ndugu zake, au marafiki zake ina nguvu kubwa zaidi katika ndoa yake kuliko sauti ya mke wake au maono yake mwenyewe.

Wivu Uliopitiliza na Hofu ya Ndani:
Kwa sababu anajijua hana uwezo au anajiona hajitoshelezi, hutawaliwa na hofu ya kuachwa. Hali hii huzaa wivu wa ajabu, woga, na hamu ya kumdhibiti mwanamke kwa njia za kinyonyaji au za fujo.

Kukosa Ujasiri wa Kuitetea Pendo/Pia Familia:
Hawezi kumlinda mwenza wake pale anaposhambuliwa au kukosoa na ndugu au marafiki. Yeye huchagua kukaa kimya au hata kuungana na wanaomshambulia mwenza wake.

Kujishusha na Kujiona Duni (Low Self-Esteem):
Mara nyingi hana malengo makubwa ya maisha, anaridhika na hali ya chini hata kama ana uwezo wa kufanya vizuri zaidi, na hapendi pale mwenza wake anapopiga hatua za kimaendeleo.


2. Madhara ya Kuwa na Mwanamume Dhaifu Katika Ndoa/Mahusiano

Mwanamke Kuchoka Kihisia na Kiakili:
Mwanamke anapolazimika kuwa "mwanaume" na "mwanamke" kwa wakati mmoja (kufanya maamuzi yote na kubeba mizigo yote ya familia), huchoka haraka na kupoteza furaha ya mahusiano.

Kupungua kwa Heshima (Loss of Respect):
Mwanamke anapogundua mumewe au mpenzi wake hana msimamo wala uwezo wa kulinda familia, huanza kumpotezea heshima. Heshima ikipotea, upendo pia huanza kuyeyuka.

Migogoro ya Mara kwa Mara:
Ukosefu wa maamuzi na kuingiliwa na watu wa nje (kama wakwe) huzaa migogoro isiyoisha ndani ya nyumba.

Athari kwa Malezi ya Watoto:
Watoto wanaokulia katika nyumba yenye baba dhaifu hukosa mfano wa kuigwa (role model) wa kiume unaofaa. Watoto wa kiume wanaweza kukua wakiwa na udhaifu huo huo, na wa kike wanaweza kukua wakiwa hawana imani na wanaume.

Vunjiko la Ndoa (Kuvunjika kwa Mahusiano):
Mahusiano mengi yenye mwanamume dhaifu huishia kwenye kutengana au divorce, kwani mfumo wa kifamilia unahitaji uongozi thabiti ili udumu.


Udhaifu kwenye mahusiano sio hali ya kudumu; ni tabia na mtazamo wa akili unaoweza kubadilika. Mwanamume anayejitambua anaweza kujenga kujiamini, kujifunza kuwajibika, na kuwa kiongozi bora wa familia yake.

Ni hayo tu!

 

[Eli Cohen]

Aya yoooote mtahangaika nayo hadi mnanyanyua na vyuma lakini at the end of the day kwa mwanamke wa kileo uzito wa kibunda chako ndio kitaamua mwanamke akuheshimu vp au akae na wewe kwa interval ipi

Kuna wanaume wengi walio emtional fragile na wanapendeka sana wanawake wao ila nyuma ya pazia ni kutokana na mamlaka aliyonayo ila wewe konki kila idara hata kupigwa busu hadi ulazimishe.