Simulizi: Lisa

Hapo ndipo uso wa Titus ulipolainika. “Sawa basi. Huwezi kuwasiliana na mtu huyo, ama hakika nitaharibu familia yake.”
Sheryl alimuangalia Mathew kwa shauku bila kusumbuliwa na Titus.
"Mama, angalia." Mathew alimkabidhi ripoti mbili za vipimo vya DNA. “Hivi majuzi, kulikuwa na mwanamke ambaye alitembelea kasino kwenye hoteli yetu na kushinda siku tatu mfululizo. Yeye ni kipaji kabisa. Nilipoenda kukagua, nilimwona na mara moja nikafikiri kwamba anafanana na wewe. Kwa hiyo nilimwomba mtu achukue nywele zake kwa kipimo cha DNA.”
Baada ya kuangalia taarifa hizo, Sheryl alifurahi sana. "Ilitokea kwamba nilizaa binti wakati huo. Fanya haraka umlete, Mathew.”
“Subiri, wifey. Ninaona ni ajabu kidogo," Titus alisema, "Kwanini alijitokeza kwenye kasino na kucheza kamari kwa siku tatu mfululizo? Inaonekana alikuwa anajaribu kuvutia umakini wa mtu.”
“Lakini matokeo ya uchunguzi wa DNA hayawezi kuwa na makosa. Hata ikiwa ana nia mbaya, tunaweza kujua kwa kumuuliza.” Sheryl hakuweza kusubiri kukutana na binti yake. “Hubby, natumai unaweza kuelewa. Yeye si tu binti yangu wa damu bali pia daraja pekee kati yangu na wazazi wangu. Wakati huo, mawimbi ya ziwa Tanganyika yalinisomba hadi Kwenye kisiwa kidogo cha Lupita. Sikuelewa kabisa nilikotoka. Nilichokuwa nacho ni kipande cha mbao kilichochongwa kikiwa na jina 'Sheryl' mkononi mwangu. Sijui wazazi wangu ni akina nani, kama nina ndugu na dada zangu, na ninaishi wapi, sijui chochote.”
“Sawa, Sheryl. nitakuunga mkono.” Titus alishusha pumzi na kumkumbatia. Kwa kuwa alianguka kwa ajili yake mara ya kwanza, yeye pi alikuwa na lawama.
Muda mfupi baadaye, Mathew alimleta Lina. Akiwa njiani kuelekea huko, Lina alifadhaika, mwenye woga, na mwenye furaha kupita kiasi. Kamwe katika ndoto zake kali hakuwahi kufikiria kuwa mpango wake ungefanya kazi.
Nywele alizopata Mathew kwa kipimo cha DNA zilikuwa za Lisa. Kelvin alikuwa amekusanya nywele zote za Lisa ambazo zilianguka wakati wote wa kukaa kwake na kumpatia Lina. Lina aliziacha kwa makusudi nywele za Lisa kwenye sega yake na sakafu ya hoteli. Wafanyakazi wa hoteli walikuwa wamechukua nywele za Lisa wakati Lina hayupo.
Kwa hiyo. Lina angekuwa binti wa tajiri mkubwa wa Lubumbashi na vile vile dada wa mmiliki wa baadaye wa familia tajiri ya Tshombe. Kufikia wakati huo, kuwaangamiza Alvin na Lisa kungekuwa rahisi kama kukandamiza chungu. Alitumaini tu kwamba kumbukumbu ya Sheryl isingerudi kamwe.
Mathew alimpeleka kwenye chateau (kwa maana ya jumba la kifahari kama wanavyoita huko Ufaransa). Baada ya muda mfupi, wenzi wa ndoa walishuka ngazi.
Lina alikuwa amemwona Sheryl kwenye picha ya familia ya Jones. Alipokutana na Sheryl ana kwa ana ndipo alipogundua kuwa alionekana bora zaidi katika maisha halisi. Sheryl alionekana mtu mzima na mwenye haiba. Kama waridi linalochanua, alionekana maridadi na mtukufu.
Baada ya kupigwa na butwaa, mara Lina aliita. “Mama...”
Uso wa Mathew ulibadilika kidogo, huku Sheryl akimtazama Lina kwa mshangao. “Umejuaje kuwa mimi ni mama yako?”
"Nimekuona kwenye picha ya Bibi." Lina alianza kuigiza. "Kuna kitu kilikutokea mara tu baada ya kunizaa."
"Nini kilitokea?" Sheryl aliuliza kwa upole, lakini macho yake yakawa makali bila mtu yeyote kugundua.
Kwa hadhi na cheo alichokuwa nacho, ilimbidi awe macho sasa wakati binti ambaye alionekana kuibuka ghafla alidai yeye ni mama yake.
"Ulifagiliwa na kimbunga." Lina aliuma mdomo wake. "Nilikuwa mdogo sana zamani, kwa hivyo sina uhakika sana. Nilipata tu kujua kuhusu tukio hilo wakati Bibi alipolitaja katika dakika zake za mwisho miaka michache iliyopita. Alisema kuwa ghafla ulielekea Kigoma baada ya kupigiwa simu. Wakati huo, kulikuwa na kimbunga na ulipotea baada ya hapo. Polisi walisema huenda kimbunga hicho kilikusomba ziwani na hukunusurika..”
Kifua cha Sherly kilikuwa kigumu. Alikuwa ameokolewa kutoka ziwani. Mbali na mmiliki wa kisiwa hicho na wasiri wake wachache, hakuna mtu mwingine aliyefahamu kuhusu tukio hilo. Sasa wale washika siri walikuwa wameshafariki, ni Titus na Mathew pekee ndio walijua hilo.
 
"Kwa hiyo mama yangu tayari amekufa?" Sherly alichanganyikiwa, na moyo wake ulimuuma.
"Siyo tu kwamba Bibi amekufa, lakini babu pia ameaga dunia kwa muda mrefu. Tayari walikuwa katika miaka ya 80.” Lina akahema kwa macho mekundu. “Pia una kaka mkubwa anayeitwa John Jones, na Mjomba alinitendea vizuri sana.”
“Kweli?” Sura ya dhiki iliosha uso wa Sherly.
Licha ya kupoteza kumbukumbu, alikumbuka kwamba ni wazazi wake waliomlea tangu kuzaliwa. Alitakiwa kutimiza wajibu wake wa kimwana kwa wakati huo, lakini aliishia mahali pa mbali. “Kaka yangu anaendelea vizuri?”
"Hapana, yuko gerezani." Lina akahema.
Sheryl alipigwa na butwaa, Kisha, akafinya macho yake mazuri. "Nini kilitokea?"

"Ni jambo gumu sana." Lina akainua midomo yake. Baada ya kusitasita kwa muda, alisema, “Inahusiana na binti yake. Lo, hebu tuache. Mama, kwa kweli nilienda Kongo wakati huu kukutafuta. Sikuwa na uhakika kama bado ulikuwa hai. Lakini mwaka mmoja uliopita, nilikutana na mtu ambaye aliniambia kwamba aliona mtu fulani huko Lubumbashi ambaye anafanana nami. Nilidhani unaweza kuwa bado uko hai, kwa hivyo nilienda huko na kusudi. Nilijaribu tu bahati yangu, lakini sikutarajia...” Machozi yakamtiririka tena. “Sikujua ni jinsi gani ningeweza kukupata. Nilishinda siku tatu mfululizo kwenye kasino, nikitumaini kuvutia watu wa Lubumbashi. Labda ungenifahamu na kuona kufanana kwetu…”
“Inatosha. Ninaelewa kila kitu.” Sheryl alimwendea Lina na kumkumbatia kwa upole. Mashaka yake ya awali kuhusu Lina kwenda Kongo yalikuwa yametoweka kwa wakati huu. "Lazima umekuwa na wakati mgumu zaidi ya miaka, msichana wangu."
"Hapana, nina furaha zaidi kuweza kumuona mama yangu mzazi katika maisha yangu," Lina alisema huku akilia.
Titus aliyekuwa kando yao aliunganisha mawazo yake. Kisha akauliza kwa sauti ya baridi, yenye kina kirefu, “Ni mtu gani aliyekuambia kuhusu hilo? Anaonekanaje?"
Titus alikuwa mrefu na mwenye umbo la nguvu. Kwa hiyo, uwezo wake wa mamlaka mara moja ulimfanya Lina kuwa na wasiwasi na woga.
“Mimi... sina wazo pia. Alikuwa ameketi kando yangu katika kiti cha daraja la kwanza cha ndege.”

“Sawa, mume. Yeye ni binti yangu. Matokeo ya uchunguzi wa DNA hayawezi kuwa na makosa.” Sheryl alimpa Titus sura mbaya.
Titus alikoroma. "Amefanyiwa upasuaji wa plastiki hapo awali. ” Kwa macho yake makali, alitambua hilo mara ya kwanza. Alichukia wanawake ambao walikuwa wamefanyiwa upasuaji wa plastiki kwa vile walikuwa walaghai na wakaidi. Uso wa Lina haukuwa wa asili hata nusu kama wa Sheryl.
Kwa kuzingatia kwamba Titus alikuwa amempenda Sheryl, papo hapo, hakutakiwa kumchukia binti yake. Kwa sababu fulani, hata hivyo, alihisi bila kujua kwamba Lina hakuwa na sura aliyokuwa nayo Sheryl alipokuwa mdogo ingawa walikuwa na mfanano wa kawaida.
Uso wa Lina ulikuwa mgumu. "Sikuwa na nia ya kufanyiwa upasuaji wa plastiki. Niliwaudhi baadhi ya watu wenye nguvu huko Kenya miaka michache iliyopita, kwa hiyo sikuwa na budi ila kufanyiwa upasuaji wa plastiki ili kujificha. Hii ni picha yangu ya zamani."
Aliwasha simu yake na kutafuta picha ya zamani kabla ya kuwakabidhi.
Kwa bahati nzuri, alionekana zaidi kama John Jones Masawe. Muonekano wake wa zamani ulifanana kidogo na Lisa na Sheryl.

Sura ya: 684
 
Sheryl aliitazama picha hiyo na kumtazama baadaye. Hakukuwa na shaka hata kidogo akilini mwa Sheryl kuhusu hilo tena, hasa baada ya kumwona Jones kwenye picha. Ingawa Jones alionekana mzee, aliweza kujua kutoka kwa uso wake kuwa alikuwa kama yeye.
“Huyu ni kaka yangu mkubwa?”
“Mm.” Lina aliitikia kwa kichwa. “Mjomba ni mzuri sana. Hata katika miaka hiyo kumi hivi nilipotekwa nyara, alihangaika kunitafuta kila mahali.
“Ulitekwa nyara?” Sheryl alifungua macho yake.
“Ndio. Nilipokuwa nikicheza na Mjomba na wengine nikiwa na umri wa miaka miwili au mitatu, nilipotea na kutekwa nyara. Niliibiwa na mwanamke ambaye alikuwa na tatizo la kutopata mtoto, akanipeleka kijijini,” Lina alisema ukweli nusunusu, “Mjomba na Bibi hawakukata tamaa kunitafuta na hatimaye walinipata miaka kadhaa nyuma. Hata waliniendeleza kielimu na kunipeleka chuoni.”
"Yote ni kazi yangu." Sheryl aliumia moyoni.
Ghafla, Titus aliuliza kwa unyama, “Ulikuwa unajaribu kumkwepa nani hadi ufanyiwe upasuaji wa plastiki? Umewaudhi vipi wale wenye nguvu?"

Lina alifungua kinywa chake na kusema, "Familia ya Jones ni ngumu kidogo. Nina binamu ambaye ni binti wa mjomba wangu. Yeye ni mrembo sana, na wengi wanasema kwamba anafanana na shangazi yangu. Pia anafanana kidogo na Mama. Tangu niliporudi, Bibi na Mjomba wamekuwa wakinitendea vizuri sana na kujaribu wawezavyo kunisaidia. Binamu yangu, ambaye walikuwa wakimdekeza hapo awali, labda alikuwa na wivu na aliendelea kutafuta makosa kwangu. Baadaye... kwa sababu mpenzi wake wa utotoni alinipenda, uhusiano wetu uligeuka kuwa mbaya.”
Aliposikia hivyo, Sheryl alichukia mara moja yule aliyeitwa mpwa wake. Alisema kwa dhihaka, “Mapenzi ya pande zote yanahitajika katika mahusiano. Kwa kuwa mchumba wake wa utoto hakumpenda, ingawa walikua pamoja, ni nini kinampa haki ya kushikilia chuki dhidi yako? Hii inaonyesha kuwa tabia yake ni ya kutisha."
Lina alifurahi sana kusikia Sheryl akisema hivyo. Lakini, alionyesha sura ya huzuni. “Mara tu baada ya uhusiano wangu na Ethan kuthibitishwa, alifanya kila liwezekanalo kumtongoza mtu tajiri zaidi huko Kenya, Alvin Kimaro. Alitaka kulipiza kisasi kwetu.”
“Alvin Kimaro?” Titus alikunja uso. “Nimewahi kusikia mtu akilitaja jina hili hapo awali. Kwa bahati mbaya, anaonekana kuwa mmoja wa wanasheria wakubwa.”
"Yeye hakuwa tu wakili mkuu nchini Kenya lakini pia mtu tajiri zaidi nchini Kenya." Lina aliongeza, “Binamu yangu alimtongoza Alvin na kusababisha matatizo kwa familia ya Jones. Na pia, ulikuwa ukitengeneza kampuni inayoitwa Mawenzi Investments. Hapo awali bibi alipanga kuniruhusu niichukue Mawenzi, lakini binamu yangu alijifanya binti yako kwa msaada wa Alvin na kuchukua kampuni. Bibi alipotaka kumuweka wazi, hata... alifikia hatua ya kumsukuma Bibi chini kwenye ngazi za nyumba wakati Bibi alipokuwa mgonjwa. Hata alimfanya Alvin kupinga kesi kwa ajili yake. Hatukuweza kumshinda Alvin.”
Sheryl alisikitika sana.

Lina aliendelea. “Mwanzoni, alipanga kusukuma lawama za kifo cha Bibi kwangu, lakini Mjomba na Shangazi walichukua jukumu hilo ili kuniokoa. Nilitumia usiku kadhaa nikitoroka Dar na kuondoka Tanzania kwa siri baada ya hapo.”

"Nini?" Uso wa Sheryl ulibadilika sana. Kwanza alikuwa na deni kubwa la shukrani kwa wazazi wake kwa kuwaleta hapa duniani. Akiwa na mawazo kwamba mama yake aliuawa, Sheryl alitamani kumkata huyo aliyeitwa mpwa wake vipande-vipande.

“Ukatili ulioje! ” Matthew alikasirika sana hivi kwamba alianza kumkosoa pia, “Alimuua bibi yake wa damu kabisa? Kwanini kuna mwanamke katili hivyo?"

"Nadhani alikuwa na wivu. Nilipochumbiana na Ethan, Mjomba na Shangazi hawakupinga. Badala yake, walituonyesha ushirikiano wao. Isitoshe, Mjomba na Bibi, ambao walinihurumia kwa kutekwa nyara wakati huo, walijitolea kunisaidia. Binamu yangu hakufurahishwa nayo. Alifikiri kwamba nilimpokonya kila kitu tangu niliporudi. Wakati huo huo, alimchukia Mjomba na Shangazi. Baada ya yote, walimdekeza tangu utoto.”
 
Baada ya kunung'unika juu ya hilo, Lina aliona sura ya hasira ya Sheryl. Alimshika mkono. "Mama, ninaamini ubaya huwa na tabia ya kumrudia aliyeutenda. Nilisikia Alvin amekuwa kivuli cha utu wake wa zamani hivi karibuni. Yeye sio tena mtu tajiri zaidi nchini Kenya, na KIM International kwa sasa imekufa majini. Kwa upande wa binamu yangu, aliolewa na Alvin baadaye lakini mara akaangukia kwa mtu mwingine na kumwacha. Hii inaweza kuwa laana."

"Laana?" Sheryl alitabasamu bila kujali. “Inatosha vipi? Sikujua juu yao wakati huo, lakini sasa najua. Sitawaacha watu hawa kutoka kwenye ndoano.”

“Sasa baba yako yuko wapi?” Hatimaye Mathew aliibua swali ambalo Sheryl alikuwa akitaka kuuliza. Hata hivyo, hakuthubutu kuuliza kwa sababu ya uwepo wa Titus.

Kama ilivyotarajiwa, uso wa Titus uligeuka kuwa mbaya ndani ya sekunde chache. Alimuangalia sana mwanae hata akatamani kumla. Mathew aligusa pua yake, akifikiri kwamba baba yake alikuwa na wivu kweli. Hata hivyo, suala hili lilipaswa kufafanuliwa mapema au baadaye.

"Baba yangu?" Lina akahema. “Mama unaweza usijue kuwa ulinizaa kabla ya kuolewa... Baada ya baba kuingia kwenye mahusiano na wewe familia yake ilimfanya aoe mwanamke mwingine. Hajajua kuhusu kuwepo kwangu kwa miaka 20. ”

Sheryl alikata tamaa kabisa. "Nilikuwa kipofu sana wakati huo, huh?"

Kisha Titus akadhihaki, “Yeye ni takataka. Anawezaje kuthubutu kutowajibika kwa mwanamke aliyezaa naye? Ni mwoga na mpuuzi kiasi gani! Mke, ulikuwa na jicho baya kabla ya hii."

Kwa kweli Sheryl alihisi kufedheheshwa, lakini hakuweza kukataa ukweli.

Lina alicheka. "Laana ilitokea tena hivi majuzi. Vyombo vya habari vilifichua ghafla kuwa mkewe alimsaliti mara nyingi na hata kumzaa binti ambaye ni wa mtu mwingine. Lakini jambo la aibu zaidi ni kwamba mwanaume ambaye mke wake alikuwa na uhusiano wa kimapenzi naye alikuwa kaka wa baba yangu mzazi. Ina maana huyo binti sasa ni mpwa wa baba yangu.”

“Hiyo inachanganya sana.” Sheryl aliunganisha pamoja mawazo yake bila kujua. Inavyoonekana, mpenzi wake wa zamani hakuwa tu mjinga bali pia mpumbavu. Huyu ndiye mwanaume aliyempenda zaidi!

"Baada ya hapo, binamu yangu aliniijifanya ni mimi na kumkabali baba yangu." Lina alishtuka. "Alifanya hivyo kwa sababu familia ya baba yangu ni familia tajiri ya Ngosha huko Kenya. Lakini katika miaka ya hivi karibuni, familia ya Ngosha imekuwa ikifanya vibaya. Ngosha Corporation imebadilisha wamiliki. Kwa hivyo, binamu yangu alishindwa kuchukua faida ya chochote. Sijisikii kumkubali baba yangu, kwa hivyo sina wasiwasi naye. Hata hivyo, namchukia na sitawahi kumsamehe.”

"Hastahili msamaha wako." Sheryl alimshika Lina mikono. "Unaniweka kama mama yako sasa na hiyo inatosha. Kaa tu hapa kuanzia sasa. Ngoja nikutambulishe kwao. Huyu ni ndugu yako, Matthew Tshombe. Huyu ni baba yako wa kufikia, ambaye pia ni mume wangu wa sasa.”

Titus aliitikia kwa kichwa huku Mathew akitabasamu kwa Lina. “Usijali, Dada. Nitakulinda katika siku zijazo. Nijulishe ikiwa mtu yeyote atakudhulumu. Kuhusu binamu yako…” Macho yake yaliganda kwa huzuni. “Mama tunaweza kupuuza matatizo mengine lakini alimuua Bibi yetu na hata kumtesa Dada vibaya sana. Hakika hatuwezi kumwacha aachane naye, Alvin pia.

“Ndio. nitakuacha ushughulikie hilo.” Sheryl alimuuliza Lina," Binamu yako anaitwa nani?"

"Lisa Jones," Lina alijibu mara moja.

"Lisa Jones." Sheryl alipigwa na butwaa huku akilitamka jina hili. Lilikuwa jina zuri, ambalo lilimpa hali ya kufahamiana isiyoelezeka.
Sura ya: 685


“Mama...” Lina alipogundua kuwa Sheryl alikuwa akitfikira kwa makini, alimuita haraka kwa kuhofia kwamba Sheryl angekumbuka jambo fulani.

Sheryl alirudi kwenye fahamu zake na kusema kwa msamaha, “Mathew, nitakuachia Lisa ili umshughulikie. Ni lazima alipe kwa yale aliyomfanyia binti yangu.”

“Hakuna shida mama. Nitaelekea Kenya na baadhi ya watu kesho,” Matthew alisema kwa upesi, “Kwa bahati mbaya, nimekuwa mgonjwa wa kukaa Lubumbashi kila siku.”
 
"Chukua muda wako. Kwa kuwa sasa ninajua mji wangu uliko, hakika nitarudi na kutoa heshima zangu kwa wazazi wangu,” Sheryl alisema kwa huzuni, “Kuhusu kaka yangu, lazima nitafute njia ya kumpata. Wakati muda ukifika, tutaelekea huko pamoja. Unaweza kuwa na Lina karibu ili apafahamu vizuri Lubumbashi katika kipindi hiki.”

“Sawa basi.” Mathew alitii agizo la mama yake bila kupenda.

Wakati huo huo, Lina alikuwa na furaha moyoni. Kwa msaada wa familia ya Tshombe na Sheryl, hakika angeweza kukabiliana na Lisa na Alvin. Ingekuwa rahisi kama kumponda mchwa.

'Lisa Jones, AlvinKimaro, ngoja tu.'
Lina alikuwa anaenda kurejea baada ya muda mfupi na kutatua alama za zamani nao moja baada ya nyingine. 'Pia, Lisa, nina hakika itapendeza kuteswa na mama yako mzazi na kaka yako.'

Hehe. Kama yeye mwenyewe, hivi karibuni angekuwa mrithi wa biashara kubwa. Haha.


"Kwa hiyo, unajua jina langu tangu zamani?" Sheryl aliuliza.

“Mama, jina lako ni Sheryl Jones,” hatimaye Lina alisema jambo ambalo lilikuwa kweli.

"Sheryl Jones Masawe," Sheryl alinong'ona kwa jina hilo. Alijua kwamba jina lake ni Sheryl lakini hakujua jina lake la mwisho. Jina la Sheryl Jones alionekana kulifahamu.

"Hubby, Matt, jina langu litakuwa Sheryl Jones kuanzia sasa na kuendelea."

“Wifey, ni juu yako ilimradi ufurahie hilo. ” Mtazamo mkali wa Titus ulimtazama Lina.

Ingawa Lina hakuwa ameteleza alipokuwa akielezea kila kitu mapema, Titus hakumpenda binti huyu wa kambo bila sababu yoyote. Sio kwa sababu Lina hakuwa binti yake. Kwa jinsi alivyokuwa na mawazo finyu, bado angetimiza ahadi zake kwa mkewe. Lakini, alikuwa akipingana na mwonekano wa ghafla wa binti huyu wa kambo.
•••

Dar es Salaam. Katika ofisi ya Jackson & Sons Company.

Kwa wakati huu, wanahisa wachache waandamizi walikuwa wakimwambia Patrick. “Patrick, nini kinaendelea? Kwanini vyombo vya habari huko Kenya vimekuwa vikiripoti kuwa vidakuzi vyetu vina acrylamide ambayo inaweza kusababisha saratani? Ni kweli kwamba vidakuzi vyetu vina acrylamide, lakini viwango vya acrylamide ni vya chini sana hivi kwamba haitasababisha saratani hata kidogo. Kwa kuwa sasa watu wanakuza suala hilo, ni dhahiri kwamba kuna mtu fulani anatafuta makosa kwa makusudi katika kampuni yetu.”

“Keki hii ndiyo inayouzwa zaidi katika kampuni yetu, lakini idara ya usimamizi sasa imesitisha utayarishaji wetu. Wanajaribu kutufanya tupoteze riziki yetu.”
"Kampuni zingine za chakula hutumia kemikali hii katika bidhaa zao pia. Ni nini kinawapa haki ya kutafuta makosa kwetu?”

“Patrick, umemkosea mtu huko nje? Mtu huyu anaonekana kuwa na nguvu kabisa, kwa kuzingatia kwamba waliweza kufanya hivyo. Kwanini usimtafute Miss Masanja? Yeye ni mtoto wa kike wa Rais wa baadaye sasa. Inapaswa kuwa rahisi kumwomba msaada.”

“Ndio. Baada ya yote, ulikuwa kwenye uhusiano na Miss Pamela kwa miaka kadhaa. Atazingatia historia yako."

Wanahisa walitoa maneno haya moja kwa moja mbele ya Linda. Mwili wa Linda uliyumba kidogo, uso ukiwa umebadilika rangi. Uso wa Patrick uligeuka kuwa wa kutisha. Hata hivyo, hakuweza kufichua ukweli kwamba ilikuwa ni kazi ya Pamela. Hakuwahi kufikiria kwamba Pamela angeishia kwenda mbali sana.

Baada ya yote, walikuwa wakipendana. Angewezaje kuwa mkatili hivyo?
Alijuta kumsogelea kwa hiari yake usiku ule na kumpa business card yake. Hata hivyo, hakuweza kuwaweka wazi wanahisa wa kampuni hiyo kwani wangemkosoa zaidi yeye na Linda.

“Inatosha. Acha tu. Tayari nimeachana na Pamela kwa miaka mingi na hatuongei tena. Nitatafuta namna ya kusuluhisha suala hili,” Patrick alilazimisha mdomo wazi na kusema kwa sauti nzito.

"Hiyo ni kweli." Mmoja wa wanahisa alimtupia macho Linda. "Bibi Pamela alikuja ofisini na aligombana na baadhi ya watu wetu hapo awali. Labda bado ana chuki dhidi yako. ”
 
Katika kutajwa kwa suala hili, wanahisa wote hawakufurahishwa na Patrick. Mwanzoni, kila mtu alifikiri kwamba Pamela ndiye aliyetenda kwa kiburi na bila sababu wakati akipigana na Linda wakati huo. Baadaye, Patrick alipoingia kwenye uhusiano na Linda, wafanyakazi wengi walizungumza kwa siri na kufikiri kwamba Linda alistahili kupigwa. Waliamini kuwa kilichofanya damu ya Pamela ichemke ni ukweli kwamba Patrick alikuwa amejihusisha na Linda kwa muda mrefu.
Linda akauma mdomo na kuinamisha kichwa chake. Patrick alimtupia jicho, macho yake yakimtoka kwa hatia. Akaruka kwa miguu yake na kusema, “Tuondoke. Nitakula chakula cha mchana na wasimamizi wa idara baadaye. Nitajitahidi niwezavyo kutatua suala hilo.”

“Hata ukisuluhisha, sifa ya kampuni yetu bado inaharibika. Sekta ya chakula ni tofauti na wengine. Watu hawatasahau kuhusu hilo kwa sababu tu tukio limekwisha. Itachukua miaka kadhaa ya PR ili kuokoa sifa yetu.” Wanahisa wote walinung'unika kabla ya kuondoka.

Patrick akakunja ngumi. Ni baada tu ya Linda kufunga mlango ndipo alipogeuka na kusema kwa hatia, “Wanahisa wako sahihi. Kama Pamela…”

"Usimtaje tena," Patrick alisema kwa baridi kali, "Hii ilikuwa ni njama yake."

“Huu?” Linda aliinua midomo yake na kuuliza kwa mshangao, “Kwanini alifanya hivyo? Je, ni kwa sababu bado anakuchukia?”

“Ndiyo.” Patrick alikunja uso wake kwa kina, macho yake yakimeta kwa ghadhabu na huzuni. “Kwa kweli sielewi ni lini alianza kutenda kikatili hivyo. Au siku zote amekuwa hivi? Baada ya kupata hadhi yake ya sasa, amejifunza kunyanyasa watu.”

"Ni kosa langu." Linda alijawa na kero na hatia. “Kama ningejua hili lingetokea, nisingewasiliana nawe wakati wowote jambo liliponipata wakati huo. Pia, nisingeungana na wewe. Patrick, kwanini tusi...tusiachane sasa hivi?” Linda alisema kwa huzuni huku machozi yakimtoka. “Nina hakika Pamela hawezi kukusahau, ndiyo maana bado anakuchukia. Anaweza kukubali kuwa nawe tena ikiwa utamfuata. Zaidi ya hayo, yeye kwa sasa ni mtoto wa kike wa Rais wa baadaye. Ukimuoa, atakuwa msaada wa kweli kwa maisha yako ya baadaye, tofauti na mimi. Siwezi kufanya kitu kingine chochote isipokuwa kazi za ukatibu na kazi za nyumbani.”

Patrick aliposikia maneno hayo mwishoni mwa sentensi yake, ghafla alikumbushwa juu ya kujitolea kwake bila ubinafsi katika miaka mitatu iliyopita. Pamoja na hayo, alijiona kuwa na hatia zaidi ndani kabisa.

“Linda, usiseme mambo kama haya. Kazi ya ukatibu inaweza kuchosha sana nyakati fulani. Zaidi ya hayo, inatosha kwamba unaweza kunipikia na kunifanyia usafi ingawa umechoka. Pamela hakuwahi kufanya haya wakati huo, kwa hivyo wewe ni bora kuliko yeye.

"Lakini..."

“Acha tu. Mimi si mtu nnayevutiwa na watu wenye hadhi za juu. Ukizingatia umejitolea sana kwa ajili yangu, sitakutupa kwa sababu ya kampuni tu,” Patrick akamkatisha, “Nenda ukapumzike. Kwa kweli nahitaji kukutana na idara ya usimamizi sasa.

"Acha nikusindikize," Linda alisema mara moja.


"Hakuna haja." Patrick akatingisha kichwa na kukataa ofa ya Linda.
 
Sura ya: 686



Saa sita mchana, Patrick alikula chakula cha mchana na idara ya usimamizi na kuwapa manufaa fulani. Hapo ndipo alipogundua kuwa Rodney ndiye aliyekuwa mpangaji wa tukio hilo.

Mara moja aliruka hadi Nairobi na kuendesha gari hadi Osher Corporation. Rodney hakumruhusu Patrick kuingia na kumfanya asubiri saa mbili pale chini. Baada ya saa mbili, Patrick aligonga mlango na kuingia ndani ya ofisi ya Rodney. Katika ofisi hiyo pana, alimuona Rodney akiwa ameegemea kiti cha ngozi huku miguu yake ikiwa imeiweka juu ya meza kivivu. Rodney alikuwa akitupa mishale ya darts iliyokuwa mkononi mwake kwenye ukuta. Ni wazi kwamba hakuwa stadi kwani mishale haikupiga jicho jekundu la ng’ombe kwenye ubao wa darts.

"F*ck. Bahati mbaya iliyoje,” Rodney alilaani.
Kisha msaidizi akakumbusha, “Bwana Shangwe, Patrick yuko hapa.”

Hapo ndipo Rodney alipoinua macho yake na kumtazama Patrick aliyekuwa amevalia shati la bluu na suruali nyeusi. Ilibidi akubali kwamba Patrick alikuwa na sura nzuri. Ingawa alikuwa mwenye kuvutia zaidi kuliko Patrick, Patrick alionekana kuwa mzuri ikilinganishwa na wengine.

Aliwahi kumuona Patrick. Miaka mitatu au zaidi iliyopita, Patrick alikuwa akimsumbua Pamela kwenye mlango wa kampuni ya Mawenzi Investments. Mwishowe, Rodney alijifanya kama ngao ya Pamela na kumfukuza.

"Kuna nini?" Rodney alifungua mdomo wake kwa uvivu.

Kutokana na majivuno na uvivu katika macho yake, Patrick angeweza kujua kwamba ni kwa sababu Rodney alizaliwa katika familia ya kifahari ya Shangwe. Kama Jason alisema hapo awali, Rodney aliwatazama watu na pua yake hewani. Alitoa maoni kwamba aliwatendea wengine kwa dharau kabisa.

Mtazamo wake ulimfanya Patrick ajisikie fedheha. Hata hivyo, hakuwa na budi ila kuvumilia na kusema, “Bwana Shangwe, nataka tu kujua ni kwa namna gani Jackson & Sons Company imekukera.”

“Sikupendi kwa sababu tu una sura mbaya,” Rodney alidhihaki.

“Bwana Shangwe... ” Patrick alikunja ngumi hadi zikapasuka.

"Unataka kupigana, huh?" Rodney aliweka chini miguu yake mirefu. Ingawa asingeweza kuwapiga Alvin na Chester, hiyo haikumaanisha kwamba asingeweza kuwapiga wengine.
"Bwana Shangwe, sipendi kusuluhisha matatizo kwa ngumi," Patrick alisema huku akijaribu kila awezalo kumtuliza.

"Kwa sauti yako, inaonekana unamaanisha kuwa napenda kutatua matatizo kwa ngumi, huh?" Uso mzuri wa Rodney ukawa na huzuni. Patrick alishindwa cha kusema.

Rodney alikuwa tofauti kabisa na vile uvumi ulivyomweleza. Alikuwa bwana mdogo wa familia ya Shangwe, lakini aliishi kama jambazi.

"Bwana Shangwe, ikiwa nimekukosea kwa njia yoyote, ningependa kukuomba msamaha," Patrick alisema kwa umakini, "Jackson & Sons Company na Osher Corporation ziko katika safu mbili tofauti za biashara. Mmoja anahusika na bidhaa za chakula, wakati mwingine anahusika na bidhaa za vipodozi. Sioni kwanini tuwe maadui. Labda kuna kutokuelewana ... "

“Hakuna kutoelewana. Ni kwa sababu tu unaudhi, na kuna mtu anataka nishughulike nawe.” Rodney aliinua nyuso zake na kucheka. "Kwa kweli, wewe ni mzuri katika kuigiza. Kwa mwonekano wako mzuri tu, nisingeweza kusema kwamba wewe ni fisadi.”

"Je, ni Pamela?" Patrick akashtuka. Alikumbuka kuwa Rodney hampendi Pamela, na alikataa kumuoa, kwanini sasa anamsaidia?

Rodney alinyamaza kimya. Ukimya wake uliashiria kukiri. Baada ya kupigwa na wazo hilo, bado Patrick hakuelewa jinsi Pamela alivyotoa ombi hilo kwa Rodney. "Bwana Shangwe, si wewe uko na Sarah?"

Kwa kuwa Rodney alikuwa akimpenda Sarah, kwanini alikuwa akimsaidia Pamela na kumgeuka? Patrick alichokuwa akitaka ni kuliweka wazi suala hilo, lakini hakujua kuwa swali lake lilikuwa limemgonga Rodney na kumfanya aingiwe na hasira na aibu.

Hakika, kila mtu alijua kuwa Rodney alikuwa akimpenda Sarah, lakini mwanamke huyo alimtupa mkono kikatili.
"Ninayempenda sio kazi yako kujua." Maneno ya Rodney yalikuwa ya kusikitisha.

Hisia nyingi zilimtawala Patrick ndani kabisa. Hakuweza kujizuia kusema, “Bwana Mdogo Shangwe, ulikuwa sehemu ya familia ya Shangwe, hata hivyo. Kwanini kila wakati unatukana-"
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…