Simulizi: Lisa

Simulizi: Lisa

"Una hasira kwa sababu sikukusaidia?" Sio tu kwamba Chester hakukusudia kuondoka, lakini pia alifunga mlango na kumsogelea tarataibu.
"Hapana. Nisingethubutu kumkasirikia mtu mwenye hadhi kama yako,” Eliza alijibu kwa utulivu.

"Hiyo inamaanisha kuwa na hasira, lakini unaivumilia," Chester alitazama kwa macho tulivu. Macho yake yalikuwa kama ya yule mwanamke ambaye yeye binafsi alimpeleka gerezani.

Sura ya: 728


Eliza alikosa la kusema, hakuelewa ni kitu gani anachomsumbulia. “Bwana Choka, unataka nini hasa?” Alikuwa na shughuli nyingi na hakuwa na wakati wa kumpotezea.
Chester aliegemea mlango kwa uvivu. "Sebule yako ni ndogo sana."
Eliza akainua midomo yake. "Wafanyikazi ndo walinipangia."
“Eliza Robbins...” sauti ya Chester ikashuka, na macho yake yakawa meusi kidogo. “Naweza kukupa nafasi. Nafasi yako ya kuwa mtu ambaye anasimama juu ya wengine."
Baada ya yote, Charity alikuwa amekufa, na familia ya Charity haikuwepo tena. Marafiki zake pekee walikuwa Pamela na Lisa, lakini hakuweza kuwapa chochote wale wawili. Eliza pekee… Ingawa alichukia maisha yake ya zamani, lakini alikuwa rafiki wa pekee wa Charity. Hata baada ya kufa, alipitisha ndoto yake kwa Eliza.
Eliza aliganda na kukumbuka jinsi Chester alivyombusu kwa nguvu mara ya mwisho, na papo hapo alionekana kuelewa kitu. Karaha yake kwa Chester ilifikia kilele wakati huo.
"Nashukuru kwa wema wako, lakini sina nia ya kumnyanyasa mwanamume ambaye anakaribia kuolewa," Eliza. alisema huku akimtazama moja kwa moja.
Chester aliinua paji la uso wake, akijua vizuri kwamba hakumuelewa. Lakini, hata kama hakuelewa, alikuwa amemtupia mada ambayo ilisisimua wanawake wote katika tasnia ya burudani. Hata hivyo, alikataa. Je, bado alikuwa ameshikamana na Monte Kalanja? Kwa sababu fulani, hasira ya ghafla iliongezeka.
"Eliza, sio lazima ujifanye kuwa wewe bado ni msafi," Chester alisema kwa mkoromo, "Kila mtu anajua kwamba Monte alikufanyia fujo kabla ya hii."
Chester alishangazwa na maneno haya yaliyotoka kinywani mwake. Alijua kwamba siku zote alikuwa akiongea kwa maneno machafu, lakini hakutarajia mwenyewe kuwa mbaya hivi. Haikuwa nia yake kumdhalilisha Eliza. Hata hivyo, kuona mtazamo wake ... Alitoka nje ya udhibiti.
Eliza alitoa macho yake mazuri. Pengine hakutarajia kusikia maneno kama hayo kutoka kwa Chester pia.
Kimya kilitanda sebuleni kwa muda mfupi. Chester alifikiri angepandwa na hasira, lakini aliinua kidevu chake huku macho yake yakiwa yamefumbwa kwa kiburi. “Kwa hiyo unanidhihaki kwa sababu nilikukataa na sikukuruhusu ulale na mimi siku ile?
Chester akasimama na kumsogelea taratibu. “Eliza, unajaribu kunichokoza?”
“Sijui unamaanisha nini kusema hivyo. Kwa hiyo unataka nichelekelee tu hata baada ya kunitamkia maneno ya kuudhi?” Eliza alishtuka kwa kujidharau na kusema ukweli. “Hata kama mimi si msafi, ndo nikubali tu kulala na kila mwanamume hata kama sijisikii?” Alikuwa mkweli katika maneno yake.
Chester alihisi kupigwa na butwaa kwa sekunde chache. Muda mfupi baadaye, mng'ao wa ajabu ukaangaza kwenye kilindi cha macho yake. Kwa sauti ya kawaida, alisema, “Umesema kweli, Eliza. Unanifahamu vizuri licha ya kuwa umenijua muda mfupi uliopita.”
“Baada ya kuzungumza na wewe mara kadhaa, ninaelewa wazi wewe ni mtu wa aina gani. Si vijana wote matajiri kama nyinyi ni wabaya sawa?” Eliza aligeuka na kuchukua gauni jepesi la kijani kibichi kwenye hanger. “Sitaki kuburuzwa tena kwenye fujo hii. Tofauti na wanaume, wanawake watakuwa na hisia baada ya kulala na mtu kwa muda mrefu. Lakini kwa wanaume, wanahisi kuchoshwa zaidi na wanawake wanaolala nao kwa sababu hisia ya mambo mapya imeisha.”
“Wewe kweli... unaelewa wanaume. Umejifunza hili kutoka kwa Monte?" Macho ya Chester yalifichua mng'ao wa ubaridi.
"Hujui kwanza kilichotokea kati yangu na Monte… " Eliza alikunja uso kwa mashaka. “Naomba utoke kwanza. Nahitaji kubadili nguo zangu."
“Je, ni haraka?” Chester alifunga mlango nyuma yake na kukaa kwenye kiti. "Unaweza kubadilisha sasa."
Eliza alikosa la kusema. Mtu huyu alikuwa mbaya sana! Hakukuwa na choo hata katika sebule hii kubwa. Angeweza kwenda wapi na kubadilisha?
 
“Mbona hubadilishi? Unataka nikubadilishie nguo?” Chester alivuka miguu yake kwa sura ya uvivu.
“Nitaenda chooni nje nikabadilishe,” Eliza alijibu.
"Endelea. Lakini wewe ni mtu mashuhuri na kunaweza kuwa na kamera zilizofichwa zilizowekwa kwenye choo. Ingependeza ikiwa video hiyo ingewekwa mtandaoni.” Chester alicheka.
Eliza alionekana mwenye huzuni. Hakuweza kuazima chumba cha kupumzika cha mtu mwingine pia. Vinginevyo, watu wengine wangeona ajabu kwanini hakuweza kubadilisha katika chumba chake mwenyewe. Ikiwa wangechunguza suala hilo, wangegundua kuwa Chester alikuwa kwenye chumba chake cha kupumzikia. Suala hili lingefichuliwa, si tu kwamba angekosolewa bali pia angetajwa kuwa ni mwanamke asiye na haya aliyemtongoza mchumba wa mtu mwingine.
Eliza alishindwa kujizuia. Je, alikuwa na deni naye katika maisha yake ya awali? Hata baada ya kufufuka kutoka kwa wafu, bado alikataa kumwacha aende zake. Mwishowe, hakuwa na la kufanya zaidi ya kukaa kwenye kiti.
“Je, hutaki kubadilisha?” Chester aliuliza kwa kejeli.
“Ndio, lakini kuna mwanaume hapa. Nikiona macho yako yenye njaa, naogopa hutaniruhusu nivae tena nguo zangu baada ya kuzivua.” Eliza alisema maneno hayo ya kutaniana kwa sauti ya kutojali.
Akimtazama, Chester alifoka.
Ilikuwa ni muda mrefu sana tangu Chester akutane na mwanamke wa kuvutia vile. Kwa bahati mbaya ...

"Ellie, kwa nini ulifunga mlango?" Sauti ya Loida ilisikika ghafla kutoka nje. “Nina wazimu sana. Nilipowatafuta wale wasanii wa makeup sasa hivi, walisema wako busy. Nilipomtafuta mkuu wa idara alidai kuwa tumechelewa na kuwasababishia matatizo mengi...”
Mlango ukafunguliwa kwa nguvu. Alipomwona yule mtu aliyefungua mlango, Loida alipigwa na butwaa mara moja. Akasema kwa kigugumizi, “-Bwana Choka...”
“Mm.” Chester alimkubali kwa sauti ya kishindo ya kuvutia kabla ya kutoka nje kwa miguu yake mirefu. Macho ya Loida yalitua kwenye mwonekano wake kwa muda kabla hajamkodolea macho Eliza.

Eliza alizidiwa na wasiwasi. "Usielewe vibaya ..."
"Bila shaka, sitaelewa vibaya. Je, ningeweza kutoelewa nini? Ni lazima kutokana na kuchelewa kuwasili kwako ilimfanya Bwana Choka kukasirika. Ndio maana alikukemea, sawa?” Loida alisema kwa msisimko, “Je, umejieleza kwa Bwana Choka?”
Eliza alitazama chini na kucheka. Kweli, Loida alimuelewa vizuri sana hivi kwamba hakuhitaji kufafanua chochote.
"Sawa, Eliza. Hairstyle yako inaonekana nzuri. Nani alifanya hivyo? Ni nzuri." Loida akapiga kelele ghafla. “Unaonekana mrembo.”
"Niliifanya peke yangu," Eliza alisema, "Je, umesahau kwamba nilijifunza mambo haya kutoka kwenye mtandao wakati sikuwa na wasanii wowote wa kufanya hivyo kwa ajili yangu wakati huo?"
“Nakumbuka sasa. Hiyo ilikuwa miaka miwili iliyopita. Sikutarajia kwamba tungerudi katika hali hiyo.” Loida akashusha pumzi.
Wakati Eliza anamaliza kubadilisha na kutoka nje, scene ya kwanza ilikuwa tayari imemaliza kurekodiwa.
Director Kalulu alikuwa amekasirika kwa hasira. “Eliza yuko wapi? Kwa nini bado hayupo? Je, anahitaji asubuhi nzima kujipodoa na kubadilisha? Simlipi ili ajipodoe.”
"Director Kalulu, nilimfanyia saa moja iliyopita," msanii wa mapambo alisema.
“Lakini mbona bado hayupo? Akichelewa tena kesho, hatalazimika kuja tena.” Director Kalulu alikasirika.

Sura ya: 729
 
“Samahani, Director Kalulu. Sitafanya hivi tena kesho.” Eliza alimsogelea mwongozaji akiwa amevalia nguo ya kijani kibichi. Nywele zake zilibanwa na barrette ya zambarau upande wa kulia, ikifunua paji la uso wake mkali na uso mdogo. Ilikuwa changamoto kwa watu mashuhuri wengine wengi wa kike, lakini alionekana mkamilifu kutoka pande zote. Kwa macho yake yenye nyota na uso mzuri, alionekana kung'aa.
Watu mashuhuri wengi wa kike walihitaji kutumia vichungi kwenye picha zao, lakini, Eliza alionekana kana kwamba anatumia kichungi cha kamera katika maisha halisi.
Kimya kilitanda kwa muda. Chester, ambaye alikuwa akivuta sigara kwenye gazebo, aliona eneo hilo. Macho yake meusi yaliganda huku midomo yake ikikunja tabasamu hafifu.
Eliza alikuwa mwerevu kwani alijua ni sehemu gani yake ilikuwa nzuri zaidi. Ikiwa picha yake ingepigwa muda huo na kuonyeshwa kwa umma, ingezua mijadala mikali kuhusu urembo wake na pengine kuweka historia.
Cindy alikuwa na wivu kiasi kwamba moyo wake ulimuuma. Japokuwa Stylist huyo alijitahidi sana kumremba, sura yake haikuwa nzuri kama ya Eliza. Kwa kuongezea, alikuwa amefanya kazi yake ya kwanza kama mwimbaji. Muonekano wa Eliza katika sinema za kihistoria haukuwa na kifani.
Kwa wakati huu, Cindy alichukua nafasi ya kumtazama msanii wa vipodozi.
Baada ya msanii wa urembo kupata fahamu, alisema kwa woga, "Samahani, Director Kalulu. Hii sio makeup niliyomfanyia Miss Robbins hapo awali. Nilimwona kuwa mwigizaji msaidizi wa kwanza katika filamu ambaye mara nyingi ni mwovu, kwa hivyo nilmpaka vipodozi kwa makusudi ambavyo vilimfanya aonekane mkali kidogo ... "
Director Kalulu alielewa jambo hilo mara moja. Mwongozaji msaidizi aliyekuwa kando yake alitazama sura ya Cindy na mara moja akamkosoa, “Eliza, najua unataka kuonekana mzuri, lakini si kila mhusika anahitaji kuonekana mrembo. Muonekano wako unahitaji kuonyesha utu wa mhusika wako. Je! unajua kwanini filamu hii inaitwa Mke Mwenza? Ni kwa sababu mwanamke anayeongoza na ustadi wake wa kucheza ni mzuri. Na mwonekano wako wa sasa, utakuwa ukiiba umaarufu kutoka kwa mwigizaji mkuu.”
 
Mwongozaji msaidizi alikuwa ameweka wazi kwamba urembo wa kwanza wa mwigizaji msaidizi ulikuwa umepita ule wa mwigizaji kinara, ambao ungepindisha maudhui iliyokusudiwa ya filamu.
Aliposikia maneno yake, Director Kalulu alikasirika. "Eliza, ikiwa unataka jukumu ambalo hukuruhusu kuonekana mrembo na mhusika ambaye ana utu na sifa tofauti, uko katika kundi lisilofaa. Kwa kuwa leo ni siku ya kwanza ya shooting, bado unaweza kuondoka. Lakini ... ikiwa wafanyakazi watapata hasara yoyote kwa sababu yako, unahitaji kutufidia. ”
"Director Kalulu, nadhani ni mara ya kwanza kwa Eliza kushiriki katika filamu kama hizi, kwa hivyo anaweza kutokuwa wazi juu ya mambo kadhaa."
Cindy akaja mara moja na kueleza, “Eliza, fuata tu mpangilio wa msanii wa vipodozi. Nina tukio ambalo linanihitaji nianguke kwenye tope kesho. Director Kalulu aliniomba niweke urembo wa sura yangu kando. Kweli, Director Kalulu anasifika kwa utaalamu wake wa kutengeneza filamu, hivyo tunapaswa kumwamini. Zaidi ya hayo, kila jaribio ni mafanikio mapya.”
Director Kalulu aliitikia kwa kichwa kuridhika. Hakutarajia Cindy angekuwa anajua mambo kiasi kile. Ingawa alikuwa mchumba wa Bwana Choka, hakujitangaza. Badala yake, alikuwa na ushirikiano.
“Eliza, nina ratiba ngumu. Je, unaweza kuacha kupoteza muda wa kila mtu?” Mshindi wa tuzo ya mwigizaji bora na kiongozi wa kiume wa filamu, Norman Njogopa, hakuwa na subira na Eliza, ambaye alikuwa tu nyota maarufu.
Pamoja na shutuma zote ambazo Eliza alikuwa akipokea, Loida alikasirika na kuwa na wasiwasi. Alipotaka kuongea Eliza alimtazama huku akitikisa kichwa. Kisha akasema, “Angalia uso wangu. Je, nina kope au vipodozi vingine vyovyote juu yangu? Nilipaka tu kidogo lipstock kwenye midomo yangu na wanja kwenye nyusi zangu ili mtindo wangu ufanane na mhusika wangu kwenye filamu. Hata nilifunga nywele zangu kwenye staili ya kawaida.”
Kila mtu alipigwa na butwaa. Hapo ndipo walipogundua kuwa uso wake ulikuwa wazi bila foaundation yoyote juu yake. Ni vigumu mtu yeyote kuwa na ujasiri wa kutosha kwenda na uso mweupe wakati wa kupiga filamu siku hizi. Hata hivyo, Eliza alionekana mrembo sana bila vipodozi vyovyote... Waigizaji wengi waliokuwepo walikuwa na wivu mkubwa.
Eliza alionyesha skrini ya simu yake. "Hivi ndivyo msanii wa mapambo alinifanyia. Kusema kweli, kwa vipodozi hivi, najiuliza kama ninacheza nafasi ya kwanza ya kike au msaidizi wake?”
Director Kalulu alipigwa na butwaa baada ya kuiona. Eliza alikuwa mrembo kiasili, lakini mtindo huo wa kujipodoa ulimfanya aonekane wa kizamani kabisa.
Msanii wa mapambo alianza kuogopa. “Director Kalulu, si uliniambia wakati wa mkutano mapema niufiche urembo wa Eliza kidogo ninapompaka vipodozi? Ulitaka nimfanye aonekane mkatili zaidi na mwenye hila.”
“Ndiyo. Vipodozi vinaweza kuonyesha ukali na uzuri wa mtu, lakini sidhani kama hii ni muhimu.” Macho ya Eliza yalijawa na ujasiri. “Naitwa mwigizaji kwa sababu ya uigizaji wangu. Ni kupitia macho ndipo mtu hutenda. Director Kalulu, naweza kukuonyesha upande wa kikatili na wa hila kama unavyotaka.
“Eliza, usijikweze sana.” Cindy alijaribu kumshauri Eliza. "Hapo awali, umekuwa ukicheza kiongozi wa kike ambaye ni mrembo na mkarimu. Lakini sasa, wewe ndiye mwigizaji wa kwanza wa kike ambaye ataigiza kama mwanamke mkatili na mwovu. Si rahisi hivyo.”
“Hasa.” Norman alionyesha kutoridhika kwake. Si rahisi kuigiza katika filamu za Director Kalulu. Hata waigizaji wazoefu kama mimi hufaulu tu kwenye jaribio la tatu au la nne.”
"Naweza kujaribu."
Eliza alisema kwa tabasamu, “Kwa bahati mbaya, mimi na Bi Tambwe tutaigiza katika onyesho linalofuata. Director Kalulu, nikishindwa, nitaacha seti. Nitafidia kiasi chochote ninachopaswa kufanya. Bila shaka, nikipita, natumai nitapata kukaa katika hoteli iliyo karibu na seti badala ya kukaa peke yangu katika hoteli iliyo umbali wa zaidi ya kilomita 30.
 
“Kwa kuongezea, tafadhali niandalie gari bora zaidi badala ya Ford chakavu ambayo tairi lake litatobolewa ghafla ninapoendesha gari kuelekea sehemu ya mbali. Pia, nitumie habari muhimu mapema na sio ... baada ya kufika kwenye seti wakati kila mtu tayari ametengeneza nywele zake bila ujuzi wangu. Kuhusu wengine... sitabishana kuhusu sebule yangu, ambayo ni ndogo kuliko mwigizaji msaidizi wa tatu.” Sauti tulivu na ya upole ya Eliza ilisikika.
Alipokuwa akizungumza, uso wa Director Kalulu uligeuka kuwa mbaya. Ikiwa Eliza asingetaja hili kibinafsi, asingejua kwamba alikuwa akikaa peke yake katika hoteli iliyokuwa umbali wa kilomita 30. Hata gari alilotumia kusafiri lilikuwa ni Ford chakavu. Pia aligundua kuwa hakuna mtu kutoka idara ya uzalishaji alikuwa amemjulisha Eliza chochote kuhusu ratiba ya shooting.
"Je, yote aliyosema ni kweli?" Director Kalulu alielekeza macho yake makali kwa meneja wa uzalishaji.
“Inawezaje kuwa?” Meneja wa uzalishaji alisimama mara moja. "Jana, nilimwomba mshiriki wa wafanyakazi atume ujumbe kwa msaidizi wake. Ni wazi, alikuja kwa kuchelewa kwa makusudi. Anathubutu vipi kutulaumu? Hata alisema hataki kukaa na Cindy, ndiyo maana ilibidi nimpange akae mbali zaidi. Mahali hapa ni mbali, na kuna hoteli mbili tu nzuri hapa. ”
“Hutaki kukaa nami?” Cindy alishangaa. “Kwanini? Je! ni kwa sababu... huna furaha kuwa mimi ndiye kiongozi kinara wa kike wa filamu hiyo?”
Eliza hakuweza kuwa na wasiwasi kumtazama. Ikizingatiwa kuwa alikuwa akitafuta kazi kama mwigizaji, ingekuwa ngumu kwake kuigiza katika maisha halisi pia. "Director Kalulu, tunaweza kuanza sasa?"


Sura ya: 730

Alipoona tabia ya Eliza, Director Kalulu alikunja uso wake. Kwa kweli alihisi kwamba alikuwa amekusudia. Hakupenda kuwa na wakaidi wa makusudi kwani haikuwa rahisi kuwadhibiti. “Eliza, ngoja nikukumbushe kuwa nimepitisha watu wawili tu kwenye jaribio lao la kwanza hadi sasa. Usijipandishe sana.”
Eliza akatabasamu. “Sina la kufanya zaidi ya kuthibitisha uwezo wangu kwa sababu sitaki kabisa kushoot kwa mtindo wa kujipodoa unaonifanya nionekane mbaya na wa kizamani. Baada ya kusema hivyo, isihesabiwe ikiwa si mimi ninayepiga kelele 'cut'."
“Bila shaka.” Director Kalulu aliitikia kwa kichwa na kumtazama Cindy baada ya hapo. "Jitayarishe kwa tukio la tano."
Cindy alipigwa na butwaa. “Hilo halipaswi kufanyika saa nne alasiri?”
"Wacha tuifanye iwe ngumu zaidi kwake," Director Kalulu alijibu bila huruma.
Cindy alifurahishwa kwa siri. Alikumbuka kuwa onyesho la tano lilikuwa gumu kuliko yote kwenye filamu. Tukio hilo lingemfanya mwigizaji msaidizi amlazimishe kiongozi wa kike kwenye kona na kumtia sumu.
Shooting ilianza muda mfupi baadaye.
Baada ya neno 'action' kutamkwa na Director, shooting ikaanza. Eliza alifumbua macho mara moja na kupata hali ya kuchukua hatua. Alishika bakuli la dawa mkononi. Licha ya uso wake, alionyesha hali ya kutisha.
“Dada nimekuja kukutembelea...” Mara Eliza alipoanza kuongea, sauti yake ilipelekea kila mtu kuwa na ubaridi. “Unajaribu kufanya nini?” Cindy aliingiwa na woga baada ya kuona dawa aliyokuwa ameishika.
“Ni wazi, niko hapa kukutembelea. Kwa kuwa wewe ni mgonjwa sana, unahitaji kunywa dawa. ” Eliza alimfikia Cindy huku akimsogelea.
“Usije huku.” Cindy alishtuka kwa woga na kurudi kando. "Haya, ninakuhakikishia kwamba hutakuwa na maumivu tena baada ya kumaliza dawa." Tabasamu lisilo na furaha lilienea usoni mwa Eliza. “Hutakuwa tena na maumivu wala wivu. Utaenda mahali ambapo wanadamu hawawezi kuishi, na huko utapumzika kwa amani...”
 
“Una kichaa. Lazima umeongeza kitu, sivyo? Sitakunywa.” Cindy akaanza kupiga kelele. “Daphne, tulikuwa marafiki. Umesahau ahadi yetu ya kuruka juu pamoja ... "
"Ndio, lakini nitashinda mwenyewe. Ninaumwa sana na wewe. Wakati wowote tuko pamoja, wewe ndiye unayejulikana milele. Anachofikiria na kuona ni wewe tu.” Eliza alitoa kauli hii kwa upole wakati wote,
lakini macho yake yalifichua uovu na ukatili. "Nenda kuzimu, Dada."
Alipomaliza tu kuongea, akakiminya kidevu cha Cindy kwa nguvu.
“Cut…” Director Kalulu akasimamisha shooting kwa muda. Alitazama tukio hilo kutoka kwa kamera. Licha ya kuonekana mrembo na msafi, Eliza aliweza kuonyesha ukali, ukichaa na uovu wa mhusika huyo.
Eliza hakuwa amepiga kelele au kuangaza macho yake makusudi. Ilihisi kama ... ilikuwa katika asili yake kuwa mbaya sana.

Ikilinganishwa na Eliza, usemi wa Cindy ulikuwa... ulitiwa chumvi kiasi na usio wa kawaida.
Hakuweza kueleza vizuri hofu na kufadhaika kwake hivyo ikambidi aamue kupiga mayowe na kuguna. Bila kusema, Eliza alimpiga Cindy mikono chini katika uigizaji.

"Norman, jiunge na tukio." Director Kalulu aligeuka na kuita kiongozi wa kiume.
Norman alipigwa na butwaa. “Natakiwa kuonekana katika onyesho la sita. Je, nijiunge sasa?”
"Nataka kuona uwezo kamili wa Eliza ni nini," Director Kalulu alisema, "natumai unaweza kuendelea kutoka kwa upande wake."
Norman alitikisa kichwa kwa kujieleza kwa huzuni. Labda hakumpenda Eliza hapo awali, lakini aliwatendea waigizaji wote kwa heshima. Isitoshe, alifurahishwa sana na uigizaji wa Eliza.
“Action” Director Kalulu akaamuru. Shooting ikaendelea
“Acha.” Norman aliingia ndani baada ya kumuona Eliza akimlazimisha Cindy kunywa ile dawa. Akijawa na kutoamini, alimburuta Eliza. “Unamlisha nini?”
Maneno machafu ya Eliza yalibadilishwa papo hapo na sura ya huzuni na kuchanganyikiwa. Alijifanya kama mwanamke asiye na hatia. “Ninamlisha dawa. Anaumwa sana.”

Katika gazebo, sigara ya pili ambayo Chester alivuta ilikuwa imeisha kuungua bila yeye kujua. Akashusha pumzi kidogo na kutoa sauti ya puani ya kiume.
Hakika, mwanamke huyo ... angemshangaza mara kwa mara.
Kwa kweli aliigiza bila makosa mbele ya Director Kalulu, ambaye alilenga ukamilifu.
Katika tukio la mwisho, Norman alimuua Eliza kibinafsi. Eliza alionyesha hisia zake za kukata tamaa na chuki kwa mpenzi wake kwa njia tofauti na iliyopangwa kana kwamba yeye mwenyewe alikuwa akipitia upendo, chuki, kukata tamaa na kifo.
Chester alizima sigara mkononi kabla hajageuka na kuondoka.
“Cut.” Director Kalulu alitoa ishara ya mkono. Tukio hilo hatimaye likafika mwisho.
Eliza alijifuta machozi kwenye kona za macho yake kwa kitambaa. Baada ya hapo, alitembea hadi kwake
. "Director Kalulu, uigizaji wangu ulikuwa sawa?"
Director Kalulu alimtazama kwa umakini. Alikuwa ametoka tu kwenye eneo lililojaa migogoro, lakini aliweza kujihusisha na jukumu lake haraka sana. Hata mwigizaji mzoefu kama Norman alihitaji muda wa kurudia mara kadhaa. Kweli Eliza alizaliwa ili kufanya kazi ya uigizaji. Kwa bahati mbaya, hakuwa kiongozi wa kike wa filamu hii. Vinginevyo...
Director Kalulu akahema kwa ndani. "Unaweza kukaa." Director Kalulu alitikisa kichwa na kuwaambia meneja wa utayarishaji, "Panga Eliza abaki katika hoteli iliyo karibu na umpatie mwigizaji msaidizi wa tatu kubadilishana naye vyumba vya kupumzika. Usinichukulie kama mjinga. Ikiwa mtu yeyote atafanya hivyo tena, hutalazimika kuja tena kufanya hapa, bila kujali ni nani aliyekuleta hapa. Tumeelewana? Sawa, tule chakula cha mchana.”
 
Director Kalulu aliondoka mara baada ya kumaliza kuzungumza. Eliza naye akafuata mfano.
Kila mtu alimtazama kwa kushangaza. Hawakuweza kuamini kwamba mtu anaweza kweli kukubaliwa na Director Kalulu baada ya jaribio la kwanza tu wakati wa kushoot filamu.
Kwa kuongezea, Eliza hakuwa na wasiwasi hata kidogo wakati akifanya shooting na Norman, muigizaji bora. Uigizaji wake ulikuwa sawa kulinganishwa na wake, na kusababisha kinara wa kike, Cindy, kuonekana mdogo kuliko nafasi yake.
Cindy, ambaye alikuwa akiungwa mkono na msaidizi wake, moyoni alikuwa anawaka. Hakutarajia kwamba Eliza angeweza kuigiza kwa ustadi kama huo.
Ilibidi amfanyie Eliza figisu ili afukuzwe, la sivyo Eliza angemzidi ubora wake mara tu filamu hiyo itapotolewa. Kitu kilionekana kumpiga Cindy. Alitupa jicho kwenye gazebo, na kugundua kuwa Chester alikuwa ameondoka bila yeye kujua. Alihema kwa hasira. Chester lazima alishuhudia kilichotokea muda huo.
Baada ya Chester kuingia kwenye gari, dereva aliuliza, “Bwana Choka, unarudi nyumbani au ofisini?”
"Bado. Tutafute mahali pa kula chakula cha mchana. ” Chester alifumba macho.
Dereva alimpeleka kwenye mgahawa. Chester alipomaliza kula tu, alipokea simu kutoka kwa Shedrick. "Unafanya nini?"
“Nakula. Kuna nini?" Chester aliuliza bila huruma.
"Director Kalulu alinipigia simu sasa hivi," Shedrick alisema huku akihisi kuchanwa, "Aliuliza kama anaweza kumfanya Eliza kuwa kiongozi wa kike. Alisema mradi tukubaliane, yeye binafsi atatengeneza filamu ya Felix Media mwakani na itakuwa juu yetu kuamua waigizaji.”
Chester aliinua uso wake lakini akaushika ujumbe huo muda si mrefu. Kama angekuwa Director Kalulu, angefanya hivyo pia. Eliza alikuwa amethibitisha kwamba anaweza kutenda uovu sana hata awe mrembo kiasi gani. Iwapo angeendelea kuigiza katika nafasi hiyo, angempoteza kabisa Cindy, si katika masuala ya uigizaji tu bali pia urembo.
Baada ya filamu hiyo kuachiliwa, watu bila shaka wangemzomea kiongozi wa kike, jambo ambalo lilikuwa ni matokeo tofauti na vile Director Kalulu alivyotarajia.
Katika kesi hii, Eliza lazima abadilishwe. Lakini, ikizingatiwa kwamba Director Kalulu aliwathamini waigizaji wenye talanta, bila shaka asingeweza kuchukua jukumu la kufanya hivyo yeye mwenyewe. Kwa hivyo, Director Kalulu hakuwa na chaguo ila kutafuta njia ya kumtoa Cindy.
Shedrick alitoa kikohozi chepesi. "Director Kalulu alisema kwamba ikiwa Eliza atacheza kiongozi wa kike katika filamu, filamu hiyo hakika itateuliwa kwa tuzo ya kimataifa. Yuko tayari kutengeneza filamu mpya itakayomfaa Cindy mwakani.”
 
Sura ya: 731



“Cindy ni mchumba wangu. Zaidi ya hayo, shooting imeanza. Kumbadilisha jinsi hiyo kutanifanya nionekane mbaya sana,” Chester alisema kwa uaminifu.
“Lakini hata akibaki... Eliza bado atamzidi. ” Shedrick alikohoa kidogo kabla hajaendelea, “Director Kalulu alisema ataendelea na shooting. Cindy anapobadilishwa kutoka kwa kiongozi wa kike hadi mwigizaji msaidizi, umma utaacha maoni mabaya. Hata hivyo, hilo si jambo analoweza kudhibiti.”
“Unaamini hivyo?” Uso wa Chester maridadi na mzuri haukutoa chochote.
"Director Kalulu alisema ulikuwepo asubuhi ya leo pia." Shedrick alinong’ona, “Tangazia tu umma kwamba Cindy hapatikani ghafla kwani anafunga ndoa hivi karibuni. Kwa kuwa anataka kuwa kwenye kamera, tutamruhusu ahudhurie maonyesho kadhaa tofauti. Hebu fikiria, ikiwa Eliza atajipatia umaarufu, atakuwa ng'ombe wa maziwa wa kampuni yetu Sikutarajia mwanamke huyu angefanya vyema wakati tulisaini naye mkataba. Alikuwa wastani miaka kadhaa iliyopita, lakini baada ya kuachana na Karanja, ustadi wake wa kuigiza umeboreka sana.”
"Ustadi wake wa kuigiza uliboreka sana kwa sababu ya talaka?" Chester alikunja midomo yake huku akikumbuka macho ya Eliza yaliyojaa chuki, kukata tamaa na taabu muda mfupi uliopita. Je, ni kwa sababu alikuwa amepatwa na aina hiyo ya maumivu?
Je, alikuwa na wasiwasi kuhusu Monte Kalanja?
Shedrick alisema, “Hakika waigizaji wazuri wataweza tu kufanya vyema ikiwa wamepitia hali hiyo wenyewe. Hata hivyo, kwa kuwa hausemi chochote, nita ... kuuliza Cindy kurudi. Nitamwambia kuwa ni uamuzi wako, sawa?"
"Wewe ni mzuri katika kusukumia lawama kwangu, huh?" Chester alionyesha hali ya kejeli.
“Ahem. Je, nina chaguo lingine lolote? Kila mtu anajua kuwa yeye ni mwanamke wako. Ninawezaje kumdhibiti?” Shedrick alisema kwa aibu, “Kwanini usimwambie ana kwa ana?”
"Hakuna haja. Sitaki kumwambia maneno makali kama haya.” Chester akakata simu.
•••
Kwenye seti.
Eliza baada ya kumaliza chakula chake cha mchana alijiegemeza kwenye kiti ili apumzike.
Loida alimshauri upesi, “Usipumzike tena.
Shots zilizopangwa leo mchana zinakaribia kuanza. Ingawa umeweza kumshawishi Director Kalulu na uigizaji wako asubuhi ya leo, hapendi waigizaji wakorofi.”
“Unawaza kupita kiasi. Ninahisi tu kwamba... huenda nisiweze kufanya shooting mchana huu.” Eliza kwa uvivu alichukua chupa ya maji yenye madini na kunywa.
Loida alipigwa na butwaa. “Kwanini?”
Midomo maridadi ya Eliza ilijikunja. Wakati huu, mlango wa chumba chake cha kupumzika ulifunguliwa. Cindy akaingia ndani huku akiwa na hasira. "Eliza, wewe ni mwanamke mdanganyifu!"
"Unasema nini?" Eliza aliinamisha kichwa chake kwa sura isiyo na hatia.
“Acha kujifanya!” Cindy alifoka, “Ulijipamba kimakusudi ili kunipiku. Ulinishinda kwa kila njia ili Director Kalulu abadilishe nafasi yangu kama kinara wa kike. Kampuni imeniita tena kwa sababu wewe sasa ndiye mwanamke anayeongoza katika filamu hiyo.”
Loida alicheka na kumtazama Eliza. Hatimaye ikapambazuka kwake kwanini Eliza alisema huenda asingeweza kushoot mchana huo.
Eliza alitabasamu kwa unyonge. “Je, mimi ndiye niliyekufanya uigize vibaya kuliko mimi? Je, mimi ndiye niliyesababisha uzaliwe na sura mbaya kuliko yangu?”
“Wewe...” Cindy alimtazama kwa ukali. Baada ya muda, alikoroma. “Eliza, usifikiri kwamba unaweza kupanda kileleni kwa sababu wewe ndiye mwanamke anayeongoza sasa. Ngoja nikuambie kwamba nitafunga ndoa na Chester, mwanamume anayetawala nusu ya tasnia ya burudani. Haijalishi jinsi unavyopanda juu, ninaweza kukuangamiza wakati wowote. Nitalikumbuka tukio la leo. Kwa kuwa umenidhalilisha, nitakufanya ujute.”
"Je, tayari umesahau tukio la asubuhi?"
Macho ya Eliza yaligeuka kuwa na huzuni. “Uliomba kwa makusudi waniweke hoteli ya mbali na kunitafutia gari chakavu ili kunichelewesha. Pia uliwahonga wafanyakazi kutoka idara ya uzalishaji na mavazi. Hata sebule yangu ilikuwa mbaya zaidi kuliko chumba cha kupumzika cha mwigizaji wa tatu. Cindy, wewe ni mnyanyasaji sana hata kabla ya kuolewa na familia ya Choka.”
 
“Sawa, unastahili haya yote,” Cindy alisema kwa upole, “sijawahi kuona mtu asiye na haya kama wewe anayemtongoza mchumba wa mtu mwingine.”
"Unasikika kana kwamba una hisia ya aibu." Eliza alibaki kwenye kiti bila kujisumbua kuinuka. Ingawa ilimbidi kuinua kichwa chake kumtazama Cindy, bado alionyesha sura kali. “Angalau nilipata nafasi katika tasnia ya burudani kutokana na uigizaji wangu. Na wewe je? Kama mwimbaji, uliiga kazi za rafiki yako bora wa zamani. Kama mwigizaji, ungeweza kushinda tuzo kama Chester asingefanya michongo? Kuwa mkweli, kwa nini unataka kuwa mwigizaji? Kazana tu kumhudumia Chester vizuri kitandani. Labda ataweza kukununulia tena tuzo ya mwigizaji bora mwaka ujao.”
Loida alitetemeka mwili mzima huku akitazama hali ya baridi ya Eliza. Jinsi Eliza alivyokuwa na uthubutu kuwa na ugomvi na Cindy, ilimtia hofu sana.
“Umefanya vizuri, Eliza. Nitakumbuka kila neno ulilosema na kumjulisha Chester kulihusu. Kwa hilo, kazi yako ya uigizaji itaishia hapa.” Cindy aligeuka huku akitetemeka. Baada ya kujizoeza kuwa mtulivu na mwenye busara kwa miaka, hakumshambulia Eliza mwishowe.
Alipiga teke tu mlango wa sebule kwa nguvu wakati anatoka. Mara wale waliokuwa wakiangalia tamthilia hiyo pale mlangoni walipoona sura ya Cindy ya hasira, walimkwepa kwa kuhofia kwamba wangeteseka.
Kwa wasiwasi, Loida akaelekeza macho yake kwa Eliza. “Bi Robbins, najua unamchukia Cindy, lakini ulimfanya aonekane mbaya sana. Baada ya yote, yeye ni mchumba wa Bwana Choka. Hata mkurugenzi Mutui inabidi aongee naye kwa heshima.”
“Ni sawa. Nikishindwa kuwa mwigizaji, unaweza kuungana nami kuanzisha biashara siku zijazo,” Eliza alisema kwa njia nyepesi, “Ujuzi wangu wa ujasiriamali ni bora kuliko ustadi wangu wa kuigiza.”
Loida alikosa la kusema. “Naomba usinidanganye. Umewahi kuanzisha biashara lini? Zaidi ya hayo, ni rahisi sana kwa familia ya Choka kumwangamiza mtu yeyote.”
“Najua.” Eliza alicheka huku sauti yake ikiwa na kejeli.
Hakuna mtu aliyeijua vizuri zaidi yake kwa sababu yeye ndiye alikuwa ameharibiwa hapo awali.
Baadaye, Director Kalulu alifanya mkutano wa dharura. "Kwa kuwa Cindy anaolewa mwishoni mwa mwaka huu, anaweza kukosa wakati wa kutosha wa kushoot filamu. Baada ya kujadiliana na kampuni yake, tumeamua kumbadilisha na Eliza. Sasa Eliza atakuwa kiongozi kinara wa kike. Mwigizaji msaidizi wa kwanza atajiunga na waigizaji siku inayofuata kesho, ili kila mtu apumzike kwa siku mbili zijazo. Eliza, unaweza kuanza kupitia script ya kiongozi kinara wa kike kwa sasa."
“Sawa.” Eliza alichukua script chini ya mshangao wa kila mtu.
Hakuna aliyeamini kwamba Cindy aliondolewa ghafla hivyo kwa sababu ya harusi yake.
Labda ni kwa sababu uigizaji wa Eliza ulikuwa mzuri sana. Ikiwa Cindy angeendelea kuwa kiongozi wa kike, angepigwa chini na asingeonekana kama nyota wa filamu hiyo. Kwa hivyo, hakukuwa na chaguo ila kumfanya Cindy kuachia nafasi hiyo kwa Eliza. Hiyo ndiyo sababu pia Eliza na Cindy walikuwa na ugomvi mchana huo. Lakini, kila mtu alikuwa mwerevu vya kutosha kunyamaza.

Sura ya: 732
 
Chubbylady said:
“Sawa, unastahili haya yote,” Cindy alisema kwa upole, “sijawahi kuona mtu asiye na haya kama wewe anayemtongoza mchumba wa mtu mwingine.”
"Unasikika kana kwamba una hisia ya aibu." Eliza alibaki kwenye kiti bila kujisumbua kuinuka. Ingawa ilimbidi kuinua kichwa chake kumtazama Cindy, bado alionyesha sura kali. “Angalau nilipata nafasi katika tasnia ya burudani kutokana na uigizaji wangu. Na wewe je? Kama mwimbaji, uliiga kazi za rafiki yako bora wa zamani. Kama mwigizaji, ungeweza kushinda tuzo kama Chester asingefanya michongo? Kuwa mkweli, kwa nini unataka kuwa mwigizaji? Kazana tu kumhudumia Chester vizuri kitandani. Labda ataweza kukununulia tena tuzo ya mwigizaji bora mwaka ujao.”
Loida alitetemeka mwili mzima huku akitazama hali ya baridi ya Eliza. Jinsi Eliza alivyokuwa na uthubutu kuwa na ugomvi na Cindy, ilimtia hofu sana.
“Umefanya vizuri, Eliza. Nitakumbuka kila neno ulilosema na kumjulisha Chester kulihusu. Kwa hilo, kazi yako ya uigizaji itaishia hapa.” Cindy aligeuka huku akitetemeka. Baada ya kujizoeza kuwa mtulivu na mwenye busara kwa miaka, hakumshambulia Eliza mwishowe.
Alipiga teke tu mlango wa sebule kwa nguvu wakati anatoka. Mara wale waliokuwa wakiangalia tamthilia hiyo pale mlangoni walipoona sura ya Cindy ya hasira, walimkwepa kwa kuhofia kwamba wangeteseka.
Kwa wasiwasi, Loida akaelekeza macho yake kwa Eliza. “Bi Robbins, najua unamchukia Cindy, lakini ulimfanya aonekane mbaya sana. Baada ya yote, yeye ni mchumba wa Bwana Choka. Hata mkurugenzi Mutui inabidi aongee naye kwa heshima.”
“Ni sawa. Nikishindwa kuwa mwigizaji, unaweza kuungana nami kuanzisha biashara siku zijazo,” Eliza alisema kwa njia nyepesi, “Ujuzi wangu wa ujasiriamali ni bora kuliko ustadi wangu wa kuigiza.”
Loida alikosa la kusema. “Naomba usinidanganye. Umewahi kuanzisha biashara lini? Zaidi ya hayo, ni rahisi sana kwa familia ya Choka kumwangamiza mtu yeyote.”
“Najua.” Eliza alicheka huku sauti yake ikiwa na kejeli.
Hakuna mtu aliyeijua vizuri zaidi yake kwa sababu yeye ndiye alikuwa ameharibiwa hapo awali.
Baadaye, Director Kalulu alifanya mkutano wa dharura. "Kwa kuwa Cindy anaolewa mwishoni mwa mwaka huu, anaweza kukosa wakati wa kutosha wa kushoot filamu. Baada ya kujadiliana na kampuni yake, tumeamua kumbadilisha na Eliza. Sasa Eliza atakuwa kiongozi kinara wa kike. Mwigizaji msaidizi wa kwanza atajiunga na waigizaji siku inayofuata kesho, ili kila mtu apumzike kwa siku mbili zijazo. Eliza, unaweza kuanza kupitia script ya kiongozi kinara wa kike kwa sasa."
“Sawa.” Eliza alichukua script chini ya mshangao wa kila mtu.
Hakuna aliyeamini kwamba Cindy aliondolewa ghafla hivyo kwa sababu ya harusi yake.
Labda ni kwa sababu uigizaji wa Eliza ulikuwa mzuri sana. Ikiwa Cindy angeendelea kuwa kiongozi wa kike, angepigwa chini na asingeonekana kama nyota wa filamu hiyo. Kwa hivyo, hakukuwa na chaguo ila kumfanya Cindy kuachia nafasi hiyo kwa Eliza. Hiyo ndiyo sababu pia Eliza na Cindy walikuwa na ugomvi mchana huo. Lakini, kila mtu alikuwa mwerevu vya kutosha kunyamaza.

Sura ya: 732
Click to expand...
Chubbylady we are waiting
 
You must log in or register to reply here.

Our Community

Regional Communities

Back
Top Bottom
Menu
Forums
New posts
Log in
Register