Siogopi kuchongewe kwa rais-DC

kilimasera · 2010-12-14T06:54:09+00:00

MKUU wa Wilaya ya Korogwe, Bw. Erasto Sima amesema pamoja na Rais Jakaya Kikwete kutembea na majina 'mkononi' ya Ma-DC wapya anaotarajia kuwatangaza wakati wowote, hataogopa kutimiza wajibu wake kwa kuhofia kutemwa kwenye nafasi hiyo. Akizungumza jana kwenye Baraza la Mamlaka ya Mji Mdogo wa Mombo, alisema mambo yanayofanyika kwenye jamii, na ambayo yanakwenda kinyume cha utaratibu lazima ayakemee bila kujali wananchi kumchongea kwa rais. "Najua sasa hivi rais anatembea na majina mkononi ya Ma- DC atakaowateua, huku akiandika wapya watakaofaa, lakini sitaogopa kufanya kazi kwa kudhani wananchi wanampigia simu rais na kusema yule kijana hafai," alisema Bw. Sima. Pia alisema 'stendi' ya sasa ya mabasi yaendayo Lushoto sio salama, hivyo kuagiza ihamishwe kwa kuwa inaweza kusababisha ajali."Kama kuna watu watakiuka maagizo yangu nitaleta askari pamoja na greda, tutavunja vibanda na kuwakusanya na kuwapeleka Kwamngumi, gereza maarufu kwa kilimo cha mpunga, lakini halina watu wa kufanya kazi hiyo," alisema Bw. Sima. Mwenyekiti wa Mamlaka ya Mji wa Mombo, Bw. Richard Rwizile alisema kabla ya kuwahamisha waliojenga kinyume cha utaratibu, au kuhamisha vijana wa bodaboda tutawashirikisha ili kuzuia vurugu zisitokee.

Thread starter kilimasera
Start date Dec 14, 2010

kilimasera

JF-Expert Member

Dec 14, 2010

Kigogo

JF-Expert Member

Dec 14, 2010

Gad ONEYA

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts