Spiro Tanzania - Kielelezo cha Faida Itakayokuja na Teknolojia ya EV

[Amba Samedi]

Habari wanajamvi,
Ni jumatano nyingine tena, na nina siku nyingi kweli sijaandika humu.

Katika pitapita zangu, niligundua kuwa wenzetu (Kenya, Uganda na Rwanda) wamepiga hatua kwenye adoption ya vyombo vya moto vinavyotumia umeme: gari, bajaji na pikipiki.

Leo tutazungumzia pikipiki.

Mwezi wa 5, kampuni ya Spiro Tanzania walizindua pikipiki za umeme kwa matumizi hapa nchini. Nilikuwa napitia video yao hapa, nikapata point chache ambazo ningependa kushare na hadhira hii:


View: https://www.youtube.com/embed/vt4w6ulzs6Y?si=zs91YEFdLLTEcgdl

Faida za kutumia pikipiki za umeme (E-Bikes) :

• Kuaga Gharama za Mafuta ⛽
  Badala ya kulipa elfu kadhaa kwa petroli kila siku, unabadili betri kwenye kituo cha karibu. Chaji moja inakupeleka umbali wa kilomita 100 hadi 120. Na thamani ya chaji moja ni Tshs 4500.
  
  
• Ubadilishaji betri ni dakika chache tu 🔋
  Kituo cha kubadilishia betri (swapping station) kinakuwa karibu na eneo lako la kazi. Hauna haja ya kusubiri foleni ya petroli, au kuwaza gharama za juu. (Spiro wanatumia Swapping technology, ambayo inapunguza gharama ya chombo)
  
  
  
  Dashboard ya pikipiki ya Spiro. Unaona mwendo, na kiasi cha chaji.
  
  
• Matengenezo ni rahisi na ya bei nafuu 🔧
  Hakuna gia ngumu au injini za ICE zinazohitaji service kila wakati. Utasahau matengenezo ya kabureta, kubadilisha oil, na mambo yote yanayohusiana na engine ya mafuta.
  
  
• Kimya barabarani – hakuna moshi wala sauti 🚫🌫️
  Hakuna hewa chafu au kelele. Wateja wako wanapanda kwa raha, na mazingira yanabaki safi.
  
  
• Usalama umeboreshwa 📡
  Pikipiki zote zina teknolojia ya IoT – Spiro inajua pikipiki yako iko wapi muda wote, na usalama unakuwa wa hali ya juu. Hamna hofu ya kuibiwa. Inatumua software katika uendeshaji, ukilingalisha na pikipiki za kawaida (watu wengi huwa hawawazi usalama wanaponunua pikipiki hizi)
  
  
• Gharama za kila mwezi zinapungua sana 💵
  Nilikuwa naongea na bodaboda mmoja leo, hapa mji kasoro bahari. Akaniambia kuwa kwa siku anatumia lita 3 hadi 5 za mafuta (kama 10,000 hadi 15,000 hivi). Umbali wa kama 70 had 100 km. Na bado hujapigia hesabu za matengenezo, na kubadilisha oil.
  
  Endapo angekuwa na pikipiki ya umeme kama Spiro, angetumia Tshs 3000 tu, na chenji ikabaki.
  
  Hii ina manufaa sana hasa kwa bodaboda. Utasevu sana kwenye gharama za uendeshaji. Mahesabu tu na kukadiria safari zako. Nilikuwa napiga hesabu ruti kama Morogoro hadi Mzumbe/Mlali. Kwa pikipiki ya mafuta, bila 15,000 hadi 20,000 haendi. Ya umeme je? Nipe 3,000 tupige safari.
  
  
• Tayari imeshafanya kazi Afrika 🌍
  Spiro imeshaendesha pikipiki hizi Benin, Togo, Kenya, Uganda, Rwanda na sasa Tanzania. Mwamko hapa nchini bado ni mdogo kwa sababu watu hawajauelewa. Ila zikishasambaa mtaani, utumiaji utashika kasi.

Kazi Kwako: Je, ungetaka kufahamu zaidi kuhusu pikipiki za umeme na faida zao? Una maswali? Nirushie hapa kisa ntayajibu. Asante.

 

[std7]

Mkuu kama unauza pikipiki za umeme wewe taja faida zake na changamoto zake tuachie sisi
Pili, nimeshamiliki pikipiki za petrol tofauti tofauti lakini sijawahi kutumia Lita tatu kwa km 70
Lita tatu kwa boxes au tvs cc 150 hiyo unatembea mpaka km km 140-150
Boxer na tvs cc 125 hiyo unatembea km 165-180
Pikipiki za umeme ni nzuri lakini zina changamoto zake
Zinapopata changamoto za kiufundi mafundi ni wachache
Na si tu Tanzania duniani bado pikipiki za umeme zina changamoto zake
Ona pikipiki Kali kama Verge TS lakini bado ni changamoto.

 

[Amba Samedi]

Mkuu kama unauza pikipiki za umeme wewe taja faida zake na changamoto zake tuachie sisi
Pili, nimeshamiliki pikipiki za petrol tofauti tofauti lakini sijawahi kutumia Lita tatu kwa km 70
Lita tatu kwa boxes au tvs cc 150 hiyo unatembea mpaka km km 140-150
Boxer na tvs cc 125 hiyo unatembea km 165-180
Pikipiki za umeme ni nzuri lakini zina changamoto zake
Zinapopata changamoto za kiufundi mafundi ni wachache
Na si tu Tanzania duniani bado pikipiki za umeme zina changamoto zake
Ona pikipiki Kali kama Verge TS lakini bado ni changamoto.

Hello kaka,
Asante kwa maoni mazuri. Tukubali kuwa faida kubwa ya pikipiki za umeme ni gharama ndogo. Lita tatu kilomita 150 inategemea efficiency ya pikipiki. Hata hivyo, litre ni 3000, na inaenda umbali wa 50km. 100km ni thamani ya 6000. Bado matengenezo madogo madogo kama kubadilisha oil.

Nna pikipiki ya Haojue old model, na most of pikipiki hapa morogoro ni either Haojue kavu, au Haojue Express kwa sasa. Sidhani kama litre 3 inavuka Km 130 kwa hizi pikipiki za zamani hasa.

Pikipiki ya Spiro iliyotajwa hapo juu ni much simpler ukilinganisha na Verge TS.

Hii nyingine 4100 inakupeleka hizo km 100, na warranty ikiwepo utapata wigo mzuri wa kuifahamu na kujua jinsi ya kuhandle. Tunaweza kujifunza kwenye mass adoption ya hizi pikipiki kule Rwanda, Uganda na Kenya, na changamoto zao. Nimeongea na mafundi wengi katika nchi hizo na kusikiliza interviews. Changamoto zisitufunge macho tushindwe kuona fursa.

Na pia, kama ni issue ya ufundi, tunaweza kuwafundisha fundi wetu jinsi ya kuzitengeneza na kuzimudu. Hii ni fursa ya Africa, na changamoto zote tunazoziona ziwe fursa. EV technology is here to stay. Tuichangamkie mapema.

 

[std7]

Na je zinauzwa au zinakodishwa tu
Maana Arusha zipo za umeme za kukodisha na ukitaka za kununua zipo lakini zina muundo wa scooter.

 

[Amba Samedi]

Na je zinauzwa au zinakodishwa tu
Maana Arusha zipo za umeme za kukodisha na ukitaka za kununua zipo lakini zina muundo wa scooter.

Zinauzwa. 2,950,000 kwa kila pikipiki. Battery ndo inakodishwa. 4100 kwa swap ya km 100-120.
Hiyo ya battery inaitwa Battery as a service (naamini Roam pia watakuja. Wale wanakupa kila kitu plus charger. Lakini bei ni kama 4.5m). BaaS imewezesha bei kushuka na faida kuwepo.

Kenya wana mfumo wa kukodisha, sema mtu analipia kiasi kwa siku na anamiliki pikipiki baada ya kama miaka 2 au 3.