DogoWaNjombe
JF-Expert Member
- Feb 7, 2022
- 3,284
- 7,708
Aidha, amesema Ilani ya Uchaguzi ya CCM 2025-2030, imejikita kusimamia uchumi na kuhakikisha unawagusa wananchi katika kila sekta.
Wasira ameeleza hayo leo, Septemba 3, 2025, Simanjiro Mkoani Manyara akiwa katika ziara ya kuitafutia ushindi wa kishindo CCM kupitia Dk. Samia, wagombea ubunge na udiwani.
Amesema wananchi wa Tanzania wanajua jitihada zilizofanywa na Chama, akitolea mfano Simanjiro alieleza kuwa kumekuwa na matatizo makubwa ya maji, lakini yanashughulikiwa kwa kiasi kikubwa.
“Ilani katika siku zinazokuja tunataka kusimamia uchumi wa watu wa Tanzania, kama ni wafugaji tunataka kuwasaidia wafugaji ili ufugaji wao uwalipe, kama ni wakulima tunataka kuwasaidia wakulima tuwape zana, tulete miradi ya umwagiliaji maji walime waondokane na umaskini, kama ni wavuvi tutawapa vifaa vya kuvua na tunaka kuanzisha viwanda kulingana na malighafi inayopatikana.
“Hapa Simanjiro malighafi yake ni mifugo, kwa hiyo ukitaka kuanzisha viwanda utaanzisha vya nyama,” alieleza.
Alisema kila wilaya itakuwa na viwanda vyake kutokana na mazao yanayozalishwa eneo husika, na kwamba hivyo ndivyo Ilani ya Uchaguzi ya CCM inavyosema shabaha ikiwa kuleta maendeleo kwa wote.
Alisisitiza kuwa, serikali inatumia fedha na gharama kubwa kwa wananchi wakiwemo wa vijijini kuhakikisha maisha yao yanazidi kuwa bora.
“Hivi hapa Simanjiro ambapo vijiji vyenu vipo kilometa 70 kutoka mjini nani alijua umeme utaenea mpaka ufike kijijini, lakini umefika vimebaki labda vitongoji tu. Vijiji vyote vya Tanzania vina umeme, tutaendelea kujenga vitu hivi kujenga uchumi lakini shabaha kubwa ni kusaidia uchumi wa mtu mmoja mmoja.
“Ndugu zangu nilitaka niyaseme hayo lakini kubwa kuliko yote ni kwamba lazima tushinde uchaguzi,” ameeleza.