Swali hili wameulizwa wakristu na waislamu

[Bongotunacheza]

Kama Mungu anajua kila kitu tangu mwanzo mpaka mwisho (anajua nani ataenda mbinguni/peponi na nani ataenda motoni kabla hata hawajazaliwa), je, kweli binadamu ana uhuru kamili wa kuchagua? Kama Mungu alishajua nitatenda dhambi fulani kesho na siwezi kubadilisha kile Mungu anachokijua tayari, uhuru wangu wa kuchagua uko wapi? Na kama sina uhuru kamili, kwa nini niadhibiwe kwa kufuata mpango ambao tayari ulishajulikana?

2. Kama Mungu ni mweza yote na pia ni mwingi wa upendo na rehema isiyo na mipaka, kwa nini anaruhusu watoto wadogo wasio na hatia wazaliwe na magonjwa na kutesa au kufa kwa njaa au vita?
Kama anataka kuzuia uovu huu lakini hawezi, basi yeye si mweza yote.
Kama anaweza kuzuia lakini hataki, basi upendo na rehema zake ziko wawapi?

3.Ikiwa mtu alizaliwa katika kisiwa kilichojitenga sana miaka 1,000 iliyopita, na akafa bila kuwahi kusikia kuhusu Yesu au Mtume Muhammad au vitabu vitakatifu, lakini aliishi maisha ya upendo na wema kwa wenzake. Je, ni haki kwa Mungu kumtupa motoni kwa kutofuata dini au kumuamini mtume ambaye hakuwahi kumjua wala kufundishwa habari zake? Kama anaenda mbinguni bila kufuata dini, basi umuhimu wa dini ni nini?

4.Dini zote zinafundisha kanuni ya kimantiki kwamba "kila kitu kilichoumbwa au kilichopo lazima kiwe na muumba au chanzo." Ikiwa tunaifuata kanuni hii ya kimantiki kuwa hakuna kinachotokea bila chanzo, je, Mungu alitoka wapi? Ikiwa jibu ni "Mungu hana mwanzo wala mwisho," kwa nini kanuni ya uhitaji wa Muumba inatumika kwa ulimwengu pekee lakini inavunjwa inapomfikia Mungu?

5.Binadamu anapata maana ya maisha, furaha, na malengo kwa sababu anajua muda wake ni mfupi na ana changamoto za kutatua. Je, kuishi maisha ya raha yasiyo na mwisho au ukomo wowote (trilioni na trilioni za miaka mbinguni au peponi), bila changamoto yoyote, hakutafanya maisha yakose maana au kuchosha?

 

[Bongotunacheza]

Credit : Facebook Group la. Wakristu na Waislamu

 

[Mwangazza]

Ngoja tuone mwisho wakke

 

[Funny boe]

Ngoja hao makafiri na kobazi waje kutapatapa hapa kwenye huu uzi na bla bla zao

 

[Bongotunacheza]

Kwa upande usio wa dini majibu Yangu ni haya

Hakuna kitu kama "Utashi Huru" uliokamilika. Maamuzi yote ya binadamu yanatokana na mambo mawili: vinasaba vyake (genetics) na mazingira aliyokulia.
Ubongo wako unafanya maamuzi milliseconds chache kabla wewe mwenyewe hujajua kuwa umefanya maamuzi hayo. Kwa hiyo, hakuna mtu anayepaswa kuhukumiwa kwenda motoni au mbinguni kwa sababu matendo yetu ni matokeo ya jinsi ubongo wetu ulivyoundwa na mazingira yanayotuzunguka, siyo nguvu za kiroho.

2. Jibu: "Mungu mwenye upendo."
Jibu: Ulimwengu hauna hisia Ulimwengu hauna wema wala ubaya wa kiungu. Magonjwa, matetemeko ya ardhi, na njaa ni matokeo ya sheria za asili na biolojia, sio adhabu au majaribu.
Watoto wadogo wanaumia kwa sababu virusi na bakteria havina macho ya kuchagua nani mwenye dhambi na nani asiye na dhambi; vinalenga tu kuishi. Uovu unaofanywa na binadamu (kama vita) unatokana na saikolojia ya ubinafsi na uroho wa madaraka, siyo shetani.

3.Jibu: Hili ni thibitisho tosha kuwa dini zote zimeundwa na binadamu (Human Inventions) kulingana na jiografia na utamaduni wa mahali husika.
Mtu wa kisiwani hakujua kuhusu dini hizo kwa sababu jiografia ilimzuia, kama vile tu watu wa kale wa Amerika wasivyojua kuhusu magari kabla hayajagunduliwa. Maadili na wema (morality) ni silaha ya kibiolojia ambayo binadamu aliiendeleza ili aweze kuishi kwa amani na jamii yake ili wasitoweke, haitoki kwenye vitabu vya dini.

4. Jibu: Hatujui kila kitu bado, na "kutokujua" ni jibu halali kisayansi ambalo linasukuma mbele ugunduzi, badala ya kukimbilia kusema "ni Mungu."
Sayansi inaonyesha ulimwengu ulianza kwa mlipuko wa Big Bang miaka bilioni 13.8 iliyopita. Kuhusu nini kilikuwepo kabla ya hapo, wanasayansi wanasema kabla ya Big Bang hata "muda" (time) ulikuwa haujaanza kuwepo. Kama hakukuwa na "muda," neno "kabla" linapoteza maana. Hivyo basi, kama tunaweza kukubali kuwa Mungu anaweza kuwepo bila kuwa na chanzo, ni rahisi zaidi na kimantiki kukubali kuwa nishati na ulimwengu wenyewe ndivyo vyenye asili ya kuwepo daima bila kuhitaji kutengeneza "Mungu" katikati.

Muuliza swali alitoa majibu yake 👆

 

[Jack Daniel]

Simama kwenye Imani yako,

Uwe Mkristo,Muislam, Myahudi,au Buddha,na unaruhusiwa kuwa dhehebu lolote lile.

Lengo la hizi dini ni kuunganisha wanadamu wawe kitu kimoja,wapendane,wahurumiane na wawe na mioyo ya kujali.

Kuna Raha sana ukiwa mchamungu kuna Raha sana kustick kwenye Imani.

Punguza kupekuapekua vitu,utachizika bure,Acha kuuhangaisha ubongo wako

Ishi kistaarabu