Taasisi za Umma Wekeni Wataalamu Kwenye Mabanda ya Maonesho, hawa wengi Mnaotuwekea uwezo mdogo

N'yadikwa

JF-Expert Member
Joined
Aug 10, 2014
Posts
8,308
Reaction score
12,812
Taasisi za Serikali, mnapoweka mabanda kwenye maonesho kama Sabasaba na NaneNane, tafadhali hakikisheni mnaweka pia watu wanaoelewa vizuri taasisi na sekta mnayoonesha.

Hivi juzi nimepata fursa ya kutembelea maonesho ya Sabasaba na NaneNane, Dodoma na Dar es Salaam, kwa nyakati tofauti.

Nimetembelea mabanda ya taasisi kadhaa za Serikali takribani manne lakini changamoto niliyokutana nayo ni kwamba wakati mwingine unamkuta mhudumu ambaye ni mrembo au handsome na mwenye ustaarabu, lakini ukianza kumuuliza maswali ya msingi kuhusu taasisi yake, huduma, majukumu au sekta husika, majibu yanakuwa hafifu sana, hawazijui vema taasisi zao!

Hapo ndipo unajiuliza: hawaa?! Wameweka mtu kwa ajili ya kulipamba banda au kwa ajili ya kuiwakilisha taasisi na kuwapa wananchi huduma?

Hakuna tatizo kuwa na maafisa wa mapokezi, mawasiliano au PR kwenye mabanda.

Lakini ni muhimu waambatane na wataalamu wa sekta husika ambao wanaweza kueleza kwa usahihi sera, huduma, miradi, takwimu, changamoto na fursa zinazohusiana na taasisi.

Maonesho ni fursa kubwa ya kuelimisha umma, kujenga uelewa na kuonyesha thamani ya taasisi kwa wananchi.

Usipokuwa na mtu mwenye maarifa ya kutosha, unakuwa umepoteza sehemu kubwa ya fursa hiyo.

Taasisi za Serikali, wekeni watu wenye uelewa wa taasisi kwenye mabanda yenu.

Muonekano ni muhimu, lakini maarifa ndiyo yanayomfanya mgeni aondoke akiwa ameelewa kitu.

Wekeni watu wanaoijua taasisi husika vema.
 
🔹Watu huchukulia maonyesho kama dili la kupatia per diem

🔹 Lichawa linangania lisafiri na bosi, na bosi kwa kuwa ndio msiri wa ndani wake anabeba machawa hayo.

🔹Wakifika bosi anakuwepo dakika chache siku ya uzinduzi anaondoka kwenda kula bata hotelini anabaki chawa kichwa maji na nguo nzuri na nembo ya ofisi

🔹 Wananchi wa kawaida wao hupita kwenye mabanda kuchukua vipeperushivyenye picha na rangi nzuri na kula pipi na korosho ulizoweka mezani.

🔹 Ukiona mtu anaingia kwenye Banda lako haulizi kipeperushi ujue. ni msomi mbobevu wa hayo mambo, ama ni kiongozi mkubwa mwenye uelewa mkubwa wa masuala hayo, ama ni mtafiti au mshindani wa huduma kama yako. Hapo Sasa unakutana na mtu yupo kienyeji ila anachokuuliza na majibu yako anajua kilaza huyu 😃
 
Motivational Speakers siku hizi husema kazi haiangalii elimu / ujuzi bali network pia. Wengi wenye maarifa ya kawaida wanapata connection lkn ktk ujuzi muhimu wanakuwa wa kawaida tu. Kuna Mtumishi wa taasisi flani alikuwa anabishana na Mteja wakati anachukua taarifa za mteja kuwa hakuna Wilaya inayoitwa Kigamboni. Hiyo ni mwaka juzi, 2024. Nilishangaa.
 
Hiyo pointi namba 3 nimecheka sanaa
 
Mtu unamuuliza mkondo wa chini wa sijui ndo nishati ile hajui vizuri au 6G itakuja lini na yapi madhara yake anabung'aa tu
 
Hapo wanalogana anataka kila event asafiri yeye apate hio perdiem na saa nyingine waandamiz unakuta wanaona sio ishu nenda ukapate wewe hio laki 6.
 
Mkuu imeleta hoja nzuri sana,
Kwa kifupi hapo unaweza Kuta Kuna mambo kama haya.
✓ Mapenzi ndani ya ofisi, demu mzuri analiwa na mkuu wa idara Fulani, lazima apewe Mchongo ili nae akale perdiem

✓Uchawa, unakuta hao ndio machawa wa DED, CEO, DG, au Mkuu wa Kanda

✓ Ujuaji, wakiwa Ofisi wanajifanya wajuani sana kumbe ni vilaza tu

✓ Uchawi, Kuna watumishi wengi kazi ni kuwaloga wenzao wasionekane ili waonekane wao tu

✓ Unafiki, kusagia kunguni wenzao ili wao waonekane bora

✓ Bahati tu zinawabeba ukichagiwa na mionekano yao lakini kichwani hamna kitu
 
Cookies are required to use this site. You must accept them to continue using the site. Learn more…