Tafsiri ya Sizonje - Wimbo wa Mrisho Mpoto

[Slim5]

Msiba wa jirani ukijitokeza pekeako kutoa pole, lazima mfiwa akusifie na kuhakikishia kuwa wewe ndiye jirani ulietukuka na kwamba hata wanao ni watoto wema, tena akikumbuka uliwahi kumsaidia wakati wa kiangazi!

 

[multikasuku]

Sizonjeee.......(tafsiri yangu)

Karibu sana sizonje....

Huu hapa ni ua, lile pale ni shimo la taka na kile pale ni choo

"Kinachotutisha na kutuogopesha zaidi, wanaoishi humu ndani hawajawahi kutupa taka wala kwenda chooni"

Kumbe ulimaanisha watu hao hawali!

Maana usipokula maana yake haupiki (hautatumia shimo la taka) na hautatumia choo (maana hakutakuwa na taka mwili za kutoa kama hauli).

Ila wenyeji bado tupo tu ndani ya nyumba!!

Sasa kama hamtupi taka shimo hili mlichimba la nini??

...ninavyosikia ila sina uhakika, waliambiwa kihistoria nyumba hii ni ya kwao,
na wana haki ya kutupa taka na kukitumia choo hiki.....

Sizonje...

Ukiona tembo wanaringa ujue mvua imekaribia

 

[multikasuku]

....na kamwe mtoto hawezi kuungua kwa kiazi kilichokuwa kwenye kiganja cha mama yake mzazi

Njoo huku uone Sizonje

 

[Benjamini Netanyahu]

Hivi ndiyo viwanda vya CCM

 

[multikasuku]

Mazafantaz Moderators..... kwa nini mmeleta uzi wangu wa "Ingia uyaone maajabu wa nyumba yetu" kwenye entertainment! Mimi niliuanzisha sikuwa na maana ya entertainment! Nilikuwa nashangaa "maajabu ya nyumba yetu" yaliyotokea leo! Nilikuwa namshangaa sizonje alikaribishwa vizuri akaoneshwa milango na madirisha ya nyumba yetu....cha ajabu na yeye leo ameruka dirishani!!

Kwa yanayoendelea sasa ni dhahiri kuna mtoto mmoja hawezi kuungua kwa kiazi cha moto kilicho kiganjani kwa baba yake!

Nadhani ni kweli ni ngumu akili ndogo ya moderator kuwaza akili kubwa iliwaza nini!

 

[Interest]

Ingia uyaone.. Maajabu ya nyumba yetu..

 

[Paschal_psc]

Jamani huu wimbo nimeukubali sana ila mwenye kuuelewa vizuri Naomba kujua nn anamaanisha coz nimeupenda bila kuulewa

 

[G.Man]

Hivi huyo Mpoto ametoa wimbo mpya ama unasemea uleule wa kitambo!?

 

[Mwanawaadamu]

Sizonje sio mjomba wa sasa lakini ni kionyeshi cha huyo mjomba....

 

[Interest]

When Mpoto was finalizing to be Mpoto..

 

[Greatest Of All Time]

Naaam

 

[thespotter]

SIZONJE ndio jina la wimbo wake mpya Mrisho Mpoto alieyeshirikiana na Banana Zoro. Nimeusikiliza kwa makini lakini bado sijajua maana halisi ya huu wimbo.

Maana Ya "Sizonje", Wimbo-Shairi Kutoka kwa Mrisho Mpoto​

Sizonje hii ndio nyumba yetu =Sizonje, hii ni Tanzania nchi yetu. Hapa, sizonje ni wewe mtanzania wa kawaida. Wewe sizonje uko nje. Umetengwa.Mrisho Mpoto anakuimbia wewe.

Milango ipo wanapita madirishani = Njia mwafaka zipo lakini [viongozi] wanapenda za mkato

Sizonje ndio nyumba yetu = Sizonje, hii ni Tanzania nchi yetu
Milango ipo wanapita madirishani = Njia mwafaka zipo lakini wanapenda za mkato

Ingia uyaone maajabu ya nyumba yetu = Hayo ndio maajabu ya nchi yetu, fungua macho.

Ingia uyaone maajabu ya nyumba yetu = Hayo ndio maajabu ya nchi yetu, fungua macho

Tulikaa barazani tukasikia kelele: Sisi kama watu wa kawaida, kupitia kwa vyo vya habari, tunasikia yanayofanyika serikalini.
Kelele toka ndani mtu anaruka dirishani: Ya kwamba baadhi ya watu wanapitia njia za mkato (corruption)
Sizonje karibu nyumbani kwetu: Sizonje, njoo na hebu tuicheke Tanzania yetu.
Uone maajabu ya nyumba yetu : Njoo uone jinsi tulivyokosa maadili.

Karibu sana Sizonje hii ndo nyumba yetu: Karibu Sizonje, hii ndio nchi yetu
Tulipoficha mundu za kupondea wezi: Tulipotupilia mbali uwezo wetu wa kupiga kura inavyostahiki
Kwani makaburi yaliofukuliwa lazima yazikwe upya: Mbona shida za zamani lazima ziwe za kila siku
Nyumba hii Sizonje ina vyumba vinne: Nchi hii ya Tanzania ina vigao vinne.
Vitatu havifunguki: Vigao vitatu — legislature, executive and judiciary — ni vigumu kuingia (ndiposa [viongozi] wanapitia dirishani).

kimoja hakina mlango: hiki kigao cha nne ni kile cha wale wageni kutoka nchi za nje, wale watu kutoka ugenini wenye wana uwezo wa kuinfluence uongozi wa Tanzania.

Japo kuwa kina watu ndani na hawaongei Kiswahili: Hiki kikundi kina watu wasio watanzania halisi.
Wenyeji wanalala sebleni na walishazoea: Watanzania wameshawekwa kando na imekuwa kawaida sasa.
Sizonje kule tulipotoka panaitwa jikoni: Sizonje tulitoka huko kwa uchaguzi, kwa kupiga kura.
Huna haja ya kwenda kule kumejaa mafundi wa kupika: Hakuna haja ya kufikiria kura; zina waongo, watapeli wa kukudanganya na siasa.
Sasa hivi wanakupikia wewe ili ule ulale: Sasa hivi wanapiga tu siasa hawa viongozi. Watakuhadaa tu.
Ukiamka muongee nini hasa ujio na dhima ya safari yako: ukijashajanjaruka watajaribu kuuliza shida iko wapi.
Wanashangaa mbona ghafla: [Wanasiasa] Wanashangaa kwa nini huwezi kuwa watu wenye subira.
Samahani sana mgeni: ukiwakaza sana, wanakuwa watu wa kuomba msamaha wa uongo
Wapishi wameniomba kwamba: Halafu, kwa kejeli, wanasema Eti serikali kuu[wanasiasa wakuu] wetu wameomba ...
Nikuulize tena kwa kukuomba kwamba: Tuwaulize manataka nini, yaani wanjifanya hawajui matakwa ya wananchi.
Eti unapenda vya mafuta au vya nazi: Haya ni maneno mazuri wanasiasa wanawaambia wananchi ili kuwahadaa wanyamaze.
Wanataka kukuonyesha madoido katika mapishi yao Sizonje: Wanaonyesha ya kwamba hao ni viongozi kamili watakaoshughulia matakwa yao.
Sizonje chumba hiki naomba usiingie: Sizonje, hii njia ya siasa za ungo usifwate.
Ukimaliza nitakwambia kwanini: Ukishadanganywa na wanasiasa ndiposa utajua.
Kuna sauti inajirudia mara kwa mara: Hao hupiga siasa kila mara.
Na hapa mlangoni kulikuwa na picha mbili kubwa: Na katika siaza zao kuna Chama tawala na chama pinzani.
Moja picha nyingine mchoro wa picha wa kwanza: Nyama vyote na viongozi wa pande zote wanafanana tu kitabia.

Ninachokumbuka iliwahi kuandikwa ‘Usiyemtaka Kaja’: Ya kwamba Kuna uhuru wa kupiga kura na uchangua kiongozi umtakaye
Hatukuwahi kuelewa maana yake :Ila huu uhuru wa kupiga kura huenda haupo
Labda kwa sababu ya ujio wako unaweza kutusaidia :Labda ufikiri zaidi indio ujue maana ya siasa hizi bandia.

"Sizonje hii ndio nyumba yetu" =Sizonje, hii ni Tanzania nchi yetu

Milango ipo wanapita madirishani = Njia mwafaka zipo lakini wanapenda za mkato

Sizonje ndio nyumba yetu = Sizonje, hii ni Tanzania nchi yetu
Milango ipo wanapita madirishani = Njia mwafaka zipo lakini wanapenda za mkato

Ingia uyaone maajabu ya nyumba yetu = Hayo ndio maajabu ya nchi yetu, Tanzania
Ingia uyaone maajabu ya nyumba yetu = Hayo ndio maajabu ya nchi yetu, Tanzania

Najua wimbo mbaya haufai kubembelezea mtoto: najua nazungumza ukweli ambao wananchi, ambao wanadanganya kama watoto,hawatopenda kusikiza.
Na kamwe mtoto hawezi kuungua Kwa kiazi kilichokuwa kwenye kiganja cha mama yake mzazi: Wengi wanaamini kwamba mwananchi hawezi kuumia akiwa Tanzania (Nchi ndio mama hapa).

Njoo huku uone Sizonje: Lakini sasa fungua macho wewe.
Si unajua harufu ya uzazi haiishi mpaka mtoto akue: Lazima kuwe na mabadiliko, enyi watanzania.

Sawa Sizonje huu hapa ni ua, Lile pale ni shimo la taka Na kile pale ni choo
Kinachotutisha na kutuogopesha zaidi, Wanaoishi humu ndani hawajawahi kutupa taka
Wala kwenda chooni = Hawa viongozi wamejenga vitu vya kifahari ambavyo hata hawavitumii.





Kama ukiwa makini Kwa nje utasikia sauti za makundi ya watu: Wananchi wanalalama.
Wengi ni vijana wana bahasha za khaki mikononi: Vijana wanaotafuta kazi.
Kama hamtupi taka shimo hili mlichimba la nini: Wanauliza mbona viongozi wanaharibu mali ya umma kwa vitu visvyofaa?

Lakini pia kwenye sauti zao Sizonje Kuna watoto wazee na kina mama: Hawa ni wananchi wa kawaida wakiwemo wamama na watoto, hata wazee na vijana.
Ukiunganisha sauti zao ndio unapata hizo kelele: Wote, kwa ujumla, wanalalamikia uongozi mbaya.
Ninavyosikia ila sina uhakika Waliambiwa kihistoria nyumba hii ni ya kwao: Waliambiwa Tanzania ni ya watanzania, lakini kumbe ni ya wachache.
Na wana haki ya kutupa taka na kutumia choo hiki: na kwamba wana uhuru wa kufanya kile watakacho
Sasa njoo nikuonyeshe huku uchochoroni: Sasa tena kuna shida yningine ya ungozi
Uone maajabu mengine ya nyumba hii: wewe kama sizonje, mwananchi wa kawaida uliyetengwa, fungua macho.
Sizonje ukiona tembo anaringa :ukiwaona wanasiasa wanapiga siasa zao tena
Ujue mvua zinakaribia: ujue msimu wa uchaguzi mkuu umekaribia tena, na watafanya hivyo jinsi wanfanyavyo, waipitie dirishani, warudi bungeni.

"Sizonje hii ndio nyumba yetu" =Sizonje, hii ni Tanzania nchi yetu

Milango ipo wanapita madirishani = Njia mwafaka zipo lakini wanapenda za mkato

Sizonje ndio nyumba yetu = Sizonje, hii ni Tanzania nchi yetu
Milango ipo wanapita madirishani = Njia mwafaka zipo lakini wanapenda za mkato

Ingia uyaone maajabu ya nyumba yetu = Hayo ndio maajabu ya nchi yetu, Tanzania
Ingia uyaone maajabu ya nyumba yetu = Hayo ndio maajabu ya nchi yetu, Tanzania



Interpretation by Ezekiel Micah Mukhwana Mukwambo Sitati

Nairobi, Kenya.