TANESCO mnachofanya Arumeru-Arusha ni dharau kwa serikali ya Rais Samia

[Preciousvision]

Ni ukweli ulio wazi sasa hivi wakuu wa taasisi za serikali ikiwemo TANESCO wanamdharau huyu Rais ndiyo maana wanamhujumu, wanamchonganisha kwa wananchi aonekane ameshindwa kuongoza.

TANESCO mlitukatia umeme tangia asubuhi saa 3, mmerudisha sa 12 jioni, ajabu mmeukata tena, ni nini mmeshindwa kurekebisha tangia asubuhi? Km ni hivyo mna haja gani ya kuendelea kuwa ofisini? Tunaomba serikali kupitia aidha mkurugenzi mkuu wa TANESCO au waziri wa nishati aondoe hawa viongozi wa TANESCO mkoa wa Arusha na wilaya ya Arumeru.

Umeme ni maisha ya watu, wao wana mishahara na marupurupu wanacheza na maisha yetu hawajali. Uzembe huu wa viongozi unafanyika hasa kipindi hiki cha Samia km Rais, kwanza hawakutoa hata taarifa kabla kuwa kuna katizo la umeme. Nchi sahivi ni km haina uongozi, ukienda LATRA wananchi wananyanyaswa na wamiliki wa vyombo vya usafiri, wamejiongezea nauli wanavyotaka hakuna wa kuwadhibiti, nchi imeoza tukimbilie wapi?

 

[hp4510]

Ni ukweli ulio wazi sasa hivi wakuu wa taasisi za serikali ikiwemo TANESCO wanamdharau huyu Rais ndiyo maana wanamhujumu, wanamchonganisha kwa wananchi aonekane ameshindwa kuongoza. TANESCO mlitukatia umeme tangia asubuhi saa 3, mmerudisha sa 12 jioni, ajabu mmeukata tena, ni nini mmeshindwa kurekebisha tangia asubuhi? Km ni hivyo mna haja gani ya kuendelea kuwa ofisini? Tunaomba serikali kupitia aidha mkurugenzi mkuu wa TANESCO au waziri wa nishati aondoe hawa viongozi wa TANESCO mkoa wa Arusha na wilaya ya Arumeru. Umeme ni maisha ya watu, wao wana mishahara na marupurupu wanacheza na maisha yetu hawajali. Uzembe huu wa viongozi unafanyika hasa kipindi hiki cha Samia km Rais, kwanza hawakutoa hata taarifa kabla kuwa kuna katizo la umeme. Nchi sahivi ni km haina uongozi, ukienda LATRA wananchi wananyanyaswa na wamiliki wa vyombo vya usafiri, wamejiongezea nauli wanavyotaka hakuna wa kuwadhibiti, nchi imeoza tukimbilie wapi?

Unatuumiza macho, weka hata space,
Maandishi yanakuwa kama sisimizi wanakula bwana

 

[City Of Lies]

Aisee!

 

[Fbn]

sema serekali haramu na raisi haramU

 

[comrade_kipepe]

Ulivyoandila tuu unaonekana chawa wa mama, nenda kawasemee kwa mama huku hatasikia

 

[Smart911]

Poleni sana... Ngoja waje...


Cc: Mahondaw

 

[TANESCO]

Habari, Ndugu Wateja Wetu.

Kwanza, tunaomba radhi kwa kuchelewa kujibu ujumbe wenu kupitia Jamii Forums. Tulipata changamoto ya muda kwenye akaunti yetu, lakini kwa sasa huduma imerejea katika hali ya kawaida.

Pole sana kwa changamoto mlizozipata kutokana na kukosekana kwa huduma ya umeme. Tafadhali fahamu kuwa kila tunapolazimika kusitisha huduma ya umeme kwa ajili ya matengenezo yaliyopangwa au kutokana na hitilafu za dharura, tunatoa taarifa mapema kadiri inavyowezekana, pamoja na maelezo ya sababu za usitishaji wa huduma. Lengo letu ni kuwajulisha wateja wetu mapema ili waweze kujipanga na kufahamu kinachoendelea katika maeneo yao.

Taarifa hizi hutolewa kupitia njia mbalimbali za mawasiliano, ikiwemo ujumbe mfupi wa simu (SMS) na makundi yetu rasmi ya WhatsApp yaliyopangwa kulingana na mikoa, wilaya na maeneo mbalimbali.

Iwapo hukupokea taarifa hizo kwa wakati, tunaomba radhi kwa usumbufu uliotokea.

Ikiwa ungependa kuendelea kupokea taarifa zetu kwa wakati, tafadhali tutumie namba yako ya WhatsApp kupitia inbox pamoja na jina la mkoa na wilaya unakoishi. Tutakusaidia kukuunganisha kwenye kundi husika la WhatsApp na pia kuhakikisha namba yako inaingizwa kwenye mfumo wetu wa kupokea taarifa kupitia ujumbe mfupi wa simu (Bulk SMS).

Asante sana kwa uvumilivu, ushirikiano na kuendelea kutumia huduma zetu. Tunathamini maoni yenu na tutaendelea kujitahidi kuboresha huduma zetu. ^GK