Tanzania inahitaji Rais mwenye nguvu au taasisi zenye nguvu?

[BIOTOXINS]

Kuna jambo ambalo nimekuwa nikilitafakari kuhusu mfumo wetu wa uongozi.

Katika nchi yoyote, rais ni kiongozi mkuu wa nchi. Lakini je, maendeleo ya nchi yanapaswa kutegemea uwezo na utashi wa mtu mmoja au uimara wa taasisi za nchi?

Tuchukulie mfano: Rais akiamua jambo fulani, je, taasisi husika zinapaswa kutekeleza bila kuhoji, au zinapaswa kuwa na uwezo wa kutoa ushauri, kukosoa na kusimamia sheria?

Tunaweza kuwa na rais mzuri leo, lakini je, tutahakikisha tunapata mfumo mzuri hata kesho atakapoondoka?
HOJA ZA KUJADILI:

Je, rais anapaswa kuwa na mamlaka makubwa kiasi gani?

Je, Bunge lina uhuru wa kutosha kuisimamia serikali?

Je, mahakama zinapaswa kuwa huru kiasi gani?

Je, watumishi wa umma wanapaswa kuwa na uhuru wa kutoa ushauri unaopingana na maamuzi ya viongozi?

Ni kipi muhimu zaidi: kiongozi bora au taasisi imara?

Ningependa kusikia mitazamo tofauti. Tusibishane kwa majina ya watu, tubishane kwa hoja, mifano na ushahidi.

TANZANIA INAHITAJI NINi HASA?

 

[mcTobby]

TAASISI imara isiyoendeshwa kwa mihemko na mipasho...
Na ikumbukwe TAASISI imara inajengwa na ecosystem ya wasomi na wataalamu ambao hawayatumikii matumbo yao katika kufanya maamuzi yenye maslahi mapana ya watu wote na sio genge la watu wachache

 

[Bemendazole]

Huku kwenye serikali tumegawana.
Kuna watendaji na sisi wana siasa.
Sisi wana siasa kazi yetu ni leadership. Kutoa uelekeo na kuwaambia watendaji nini kifanyike baada ya kuwasikiliza wananchi.
Watendaji kazi yao ni kutekeleza maelekezo na hoja za wanasiasa.
Pia sisi wana siasa tumegawana majukumu. Kuna wana siasa ambao wanakihudumia chama, na sisi wengine tunaihudumia serikali.
Ni mgawanyo tu ili kuhakikisha kila mtu ana shughuli ya kufanya na kuleta ufanisi.

 

[BIOTOXINS]

TAASISI imara isiyoendeshwa kwa mihemko na mipasho...
Na ikumbukwe TAASISI imara inajengwa na ecosystem ya wasomi na wataalamu ambao hawayatumikii matumbo yao katika kufanya maamuzi yenye maslahi mapana ya watu wote na sio genge la watu wachache

"Hoja yako ina uzito. Lakini swali langu ni hili: taasisi zinawezaje kuwa imara ikiwa viongozi wake wanategemea uteuzi na maamuzi ya mamlaka kuu? Hapo ndipo tunahitaji kuangalia mfumo mzima."

 

[BIOTOXINS]

Huku kwenye serikali tumegawana.
Kuna watendaji na sisi wana siasa.
Sisi wana siasa kazi yetu ni leadership. Kutoa uelekeo na kuwaambia watendaji nini kifanyike baada ya kuwasikiliza wananchi.
Watendaji kazi yao ni kutekeleza maelekezo na hoja za wanasiasa.
Pia sisi wana siasa tumegawana majukumu. Kuna wana siasa ambao wanakihudumia chama, na sisi wengine tunaihudumia serikali.
Ni mgawanyo tu ili kuhakikisha kila mtu ana shughuli ya kufanya na kuleta ufanisi.

Hoja yako nimeielewa. Ni kweli katika mfumo wa uongozi kuna nafasi tofauti za kisiasa na kiutendaji. Hata hivyo, swali langu ni hili: tunahakikishaje kwamba majukumu ya kisiasa ya chama hayaingiliani na wajibu wa watumishi wa serikali katika kusimamia maslahi ya umma? Je, mtumishi wa serikali anapaswa kuwajibika kwa sheria na wananchi au kwa maelekezo ya kisiasa? Nadhani hapa ndipo tunahitaji mjadala