Tatizo la Tanzania ni Uongozi na Siasa

Sir robby · 2023-03-03T08:08:13+00:00

Hatimaye yametimia Rais Samia amekiri kuwa kuna tatizo kubwa la viongozi. Wananchi tuliowengi tulilisemea hili lakini watawala wakatupuuza. Hayati Baba wa Taifa aliwahi kusema ili nchi yeyote iendelee lazima iwe na; 1. Watu 2. Ardhi 3. Siasa safi 4. Uongozi Bora Tanzania ina watu mil. 60, ardhi yenye milima na mabonde mito maziwa na bahari, lakini inakwama kuendelea kwa sababu ya mambo 2 nayo ni uongozi na siasa safi. Suala la uongozi limekuwa tatizo sugu, kwani upatikanaji wa viongozi wetu ni kwa teuzi tu. Kiongozi anateuliwa kisiasa bila kujali ana sifa na ujuzi gani na anakabidhiwa taasisi kubwa kuiongoza kama vile Halmashauri n.k. Pili kuna viongozi wengi sana ambao Rais ndio anawateua, kwa mujibu wa Katiba iliyopo anateua kuanzia Waziri Mkuu mpaka DAS kule wilayani na wote hawa sifa kuu ni chama anachotoka ambacho ni CCM. Ushauri Kwanza tupate Katiba Mpya iweke utaratibu wa kuwapata viongozi, ikiwa ni pamoja na nafasi zote zitangazwe kila Mtanzania mwenye sifa aombe, na baada ya mchujo orodha ipelekwe kwa Rais kwa teuzi ila sio nje ya hao waliochujwa. Pia kuwe na viongozi waliochujwa ambao sio lazima Rais awateua, bali waajiriwe moja kwa moja na mamlaka husika. Yote haya yatawezekana endapo tu tutakuwa na Katiba Mpya na tuache kuteua viongozi kwa milengo ya chama; yaani CCM. Tanzania ni yetu sote na maendeleo ya nchi hayataki chama, kwani kila mwananchi ana haki ya kushiriki shughuli za kimaendeleo kwa nchi yake kama anavyolipa kodi bila kujali chama atokacho.

Thread starter Sir robby
Start date Mar 3, 2023
Tags

tanzania tatizo uongozi na siasa

Sir robby

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Tatizo la Tanzania ni Uongozi na Siasa

Sir robby

JF-Expert Member

Our Community

Regional Communities