TBS: Kuanzia 01 Machi 2021, utaratibu wa kukagua magari kutoka nje ya nchi, utafanyikia hapa nchini

[Ze Heby]

Shirika la Viwango Tanzania (TBS) linawataarifu waagizaji na wauzaji wa magari kutoka nje ya nchi kuwa kuanzia tarehe 01 mwezi Machi, 2021, utaratibu wa kukagua magarikutoka nje ya nchi utafanyika baada ya kuwasili hapa nchini (Destination Inspection). Hivyo,magari yote yatakayosafirishwa kuanzia tarehe tajwa hapo juu yatakaguliwa katika bandari yaDar-es-Salaam.

Kwa sasa TBS inakagua magari kutoka nje ya nchi kupitia mawakala watatu(3) kutoka Japan na mmoja(1) kutoka Dubai ambao mikataba yao itakoma hivi karibuni.

Hivyo vyeti vya ukaguzi vitakavyotolewa na mawakala tajwa kwa magari yatakayosafirishwa kuanzia tarehe 01 mwezi Machi, 2021 havitatambulika na TBS.

Aidha,magari yatakayopimwa bandarini na kutokidhi matakwa ya kiwango yatahitaji kufanyiwa matengenezo nje ya bandari na kisha kuletwa na kupimwa tena kwenye yadi ya UDA mkabala na Bandari ya Dar es salaam.

Shirika litaendelea kuhakikisha kuwa magari yote yaliyotumika nakuingizwa nchini yanakidhi matakwa ya kiwango cha magari yaliyotumika.

Kwa taarifa zaidi kuhusu utaratibu huu mpyausisite kuwasiliana na:-

Mkurugenzi Mkuu,

Shirika la Viwango Tanzania (TBS),

SLP 9524,

Dar es Salaam.

 

[Ty_Vigilante]

Kazi inaendelea

 

[Mad Max]

Nina mwanangu aliagiza gari hakukagua huko JP. Hatari na nusu.

Gari ikafika wakaenda kukagua NIT gharama knm. Hafu ukirudishwa ni gharama zako kutengeneza. Unaweza kuta ukatumia Million kimasihara hivi hivi.

 

[Logikos]

Panga Pangua, Anzisha, Bomoa, kila siku ni kubadilisha badilisha

 

[Halaiser]

Na wale watakaopitishia Bandari ya Mombasa kupitia mipaka ya Horohoro, Holili, Namanga na Sirari yatakaguliwa wapi?? Au watalazimika kuyapeleka Dar kwa ukaguzi??

 

[Alexander The Great]

TBS wamesajiliwa rasmi kuwa tawi la TRA, kama walivyo Trafic/Mahakama/Mgambo Wa Halmashauri na DPP. Hongereni kwa kuzindua njia mpya ya kukusanya mapato.

Siku wakikosa mapato, hata kama gari umeagiza ni jipya, utaambiwa sio rafiki kwa matumizi ya binaadamu. Unapigwa fine.

 

[stephot]

Sijajua nini faida ya hili jambo...

 

[JituMirabaMinne]

TBS wamesajiliwa rasmi kuwa tawi la TRA, kama walivyo Trafic/Mahakama/Mgambo Wa Halmashauri na DPP. Hongereni kwa kuzindua njia mpya ya kukusanya mapato....

Umeona mbali sana.

 

[renamaizo]

Hii nch watu kila wakikaa mezan wanawaza wapi tukapige hela hakunaanaewaza wsp tumkomboe mtanzania

 

[Kim Jong Jr]

Hadi tukome

 

[Zero Hours]

Mirija ya kupiga pesa tu.

 

[Red Giant]

Kama halikidhi vigezo na limeshafika nchini?

 

[mama D]

Bandiko linajisheleza, vigezo na masharti kuzingatiwa

Pesa inangia hapa

 

[Mwamuzi wa Tanzania]

Inspection charge itakuwa juu ya nani?
Huu sasa ni uhuni

 

[Ndalilo]

Wanakagua nini kwa kuanzia?

Mengi yameshakuwa nje ya specs tayari ndo maana yanauzwa kwetu maskini.

Au wanapanua goli ili kupiga pesa.

 

[HIMARS]

Dawa ni kununua hapa hapa

Sent from my TECNO W2 using JamiiForums mobile app

 

[Dezoizo52]

Hakuna watu siwaamini kama Tbs kwani kuna vitu bingo fake nchini na tbs wapo wapo tuu.Mfanobati za msauzi pale buguruni ni fake na zinauzwa ukinunua baada ya miezi kadhaa zimepauka zote.kiufupi hapo hamna kitu now tutakuwa taifa la kuingiziwa bidhaa dhaifu.

 

[RRONDO]

Sio NIT tena?! Hawa wanataka kuwaongezea watu stress. Wale walioagiza magari kutoka Singapore nafikiri wanajua ugumu (isomeke ukiritimba) wa kukagua gari hapa Tz.

 

[Bavaria]

Hapa naona vitu vifuatavyo;

1. Hata kama gari itakuja nzima, utaambiwa ni mbovu. Linatakiwa likatengenezwe. Kuna vifaa vitachomolewa halafu utavikuta kwenye garage zao uuziwe mara ya pili.

2. Watalazimisha wapeleke garage zao. Bei zitakuja za ajabu. Usishangae ukaambiwa ulipe 500K kwa kitu ambacho ungetengeneza kwa 200K.

3. Ukaguzi utachelewa vibaya sana. Gari limefika tar 1 ila litasubiri ukaguzi wa ndani kwa mwezi mzima. Ndo mtambiwa, mkaguzi amesafiri kwenda dodoma. Subirini mpaka week ijayo. Au umeme hakuna, nendeni mrudi baadae.

 

[tutafikatu]

Sio NIT tena?! Hawa wanataka kuwaongezea watu stress. Wale walioagiza magari kutoka Singapore nafikiri wanajua ugumu (isomeke ukiritimba) wa kukagua gari hapa Tz.

Jamaa wa NIT waliharibu rim ya jamaa yangu hivi hivi. Walipitisha kwenye reli yao ndogo hadi zikachanwa.