Itapendeza sana ikiwa TCRA wataondoa leseni, Nchi zote Duniani hadi zilizoendelea hawajawawekea masharti ya kulipia leseni kwa gharama kubwa watu wao, wanamiliki blogs na youtube channel kwa UHURU MKUBWA, Kuna Kijana mmoja wa Kimarekani ana Blog zaidi ya 10 na yupo huru kuongeza. Serikali zao wanawaacha ili watumie fursa ya mtandao kukuza uchumi.
Kwa sababu wanaamini kodi wanayolipa inatosha. Naomba na serikali yetu ilione hili kwani kuna vikwazo vikubwa kwa vijana wanaotaka kujiajiri.
Mfano mtu una wazo zuri unataka kulifanyia kazi kwa kufungua Youtube Channel lakini unakutana na kikwazo cha Leseni Tsh Milioni 1. Pesa hiyo kwa makampuni na wanahabari wakubwa inaweza kuwa ni ya kawaida ila kwa kijana ambaye anamiliki simu tu au laptop milioni moja ni pesa nyingi sana.
Kama itakuwa wanaona haiwezekani kuondoa leseni basi waweke gharama nafuu ambazo hata mtu wa kipato cha chini aweze kumudu. Kwa mfano wakisema Leseni Tsh 100,000 au 200,000 angalau mtu anaweza kujitutumua na kuipata, ila milioni ni kubwa kwa kweli, Tunaomba serikali yetu iliangalie hili ili vijana waweze kujikwamua kiuchumi kupitia fursa mbalimbali zinazopatikana mtandaoni.
Mimi nina wazo la kuanzisha YOUTUBE CHANNEL lakini huu mwaka wa pili bado sijafanikiwa kupata hiyo ada ya leseni, naona kabisa hata idea yenyewe inaenda kuishia hewani.