The HELL RUN!

Lole Gwakisa · 2011-03-22T21:37:48+00:00

Si watu wengi wanajua ugumu wa utumiaji wa barabara hii ya Mbeya-Dar es salaam. Katika miaka baada ya uhuru wakti wa kusafirisha bidhaa kwenda Zambia hasa baada ya mgogoro wa kisiasa kati ya Afrika na Rhodesia wakati huo, kamba ya uhai kwa nchi ya Zambia ilikuwa hii baarabara ya DSM hadi Lusaka- Zambia. Wakati huo ikihulikana kama "The Hell Run". Hadi leo hii barabara hii inabidi kila anyeitumia aiheshimu sana sana kwani inaendelea kutafuna watu wengi mno. Kwa masikitiko makubwa natoa rambi rambi kwa familia za wale wote waliopoteza maisha katika ajali ya hivi karibuni kwa wanamuziki wa 5 Star. Kosa la wazi linalojionyesha ni uzembe wa dereva wa coaster iliyowabeba marehemu na wanamuziki wengine. Nasikitika sana kwa vifo vilivyotokea , na pengine kutokana na uzembe wa dereva na kutojua matumizi mazuri ya barabara hii. Ni wiki moja tu nimesafiri toka Mbeya hado Dsm kwa hii barabara na nina weza kutoa dondoo kadhaa kwa wana JF juu ya hii njia: Ni barabara pekee ambayo mwenye gari zuri na imara unaweza endesha hadi 200km/hr, nimeshuhudia mabasi yakienda hadi 160km/hr Ni barabara vilevile yenye sehemu ambazo dereva huthubutu kwenda zaidi ya 20km/hr Hii ni barabara yenye malori ya mizigo mizito mengi sana, na magari haya ndio wafalme wa barabara, ignore them at your own risk.Usilipite lori BILA kupata kibali chake na akikuruhusu unapiga kihoni kifupi cha kushukuru! Barabara hii inabeba mizigo kwenda Zambia ,Malawi Congo,Burundi, Rwanda na hata Zimbabwe hivyo basi magari madogo au mini buses, pick up nk ni akina bwana mdogo katika njia hii. Unashauriwa sana kuyaogopa mabasi ya abiria kwa vile hawa vile vile wanakwenda kwa mwendo ambao unakaribia kichaa! Safari yako unashauriwa uianze mapema sana(saa 11 hadi saa 12) kama utasafiri kwa siku moja kutoka Mbeya(Kyela,Tunduma) hadi Dar es salaam, mwendo huu ni karibu 900km ambazo si rahisi kuona ukubwa wa Tatizo hadi umeendesha kwa kilometa 300-400 na ukaanza kusikia usingizi!! Usithubutu kunywa pombe usiku wa kuanzia safari au uwapo safarini, ukinywa utajisikia vizuri na kusinzia hatimaye kuangusha gari!! Endesha kwa mwendo wa kawaida , hata kasi inapobidi, lakini uangalifu ni muhimu sana sana ukizingatia magari mengi yaliyomo barabarani. Kwa kuzingatia dondoo hizo nimeshangaa kuwa ajali ya coaster ilitokea kukiwa na giza , kitu kinacho ashiria gari lilikuwa likisafiri usiku, kitu cha hatari sana kwa mgeni wa barabara hii. Kwa kawaida ukiondoka mapema sehemu za Mbeya unaingia Dar kabla jua halijazama, hivyo kuweza kuona yote yanayojiri baerabarani. Narudia pole na rambirambi zangu kwa ndugu za wale waliopoteza maisha. Mungu awarehemu, Amen

Thread starter Lole Gwakisa
Start date Mar 23, 2011

Lole Gwakisa

JF-Expert Member

Mar 23, 2011

Congo

JF-Expert Member

Mar 23, 2011

Mwalimu

JF-Expert Member

Mar 23, 2011

Mzalendoo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts