THRDC: Kukamatwa kwa viongozi, wafuasi wa Chadema kuna lenga kuwazuia kufanya shughuli ya maadhimisho ya vijana duniani

[Nyakijooga]

Mtandao wa Watetezi wa Haki za Binadamu Nchini Tanzania(THRDC) umelaani vitendo vya kukamatwa kwa baadhi ya viongozi wa CHADEMA, akiwemo Makamu Mwenyekiti wa Chama hicho bara, Tundu Lissu, Katibu Mkuu John Myika,Mwenyekiti wa CHADEMA, Kanda ya Nyasa, Joseph Mbilinyi, Wakili Deogratias Mahinyila, baadhi ya viongozi wa BAVICHA, pamoja na Wanahabari.

Kufuatia kukamatwa kwa viongozi pamoja na watu hao katika maeneo tofauti, Mtandao umetoa wito kwa Mkuu wa Jeshi la Polisi Nchini kuwaachilia huru watu wote waliokamatwa bila masharti ili waweze kuadhimisha siku ya vijana duniani ambayo ilipangwa kufanyika leo.

Soma Pia:

• Jeshi la Polisi lapiga marufuku mkutano wa BAVICHA siku ya vijana duniani
• Lissu, Mnyika na Sugu wakamatwa na Polisi usiku huu. Baadhi ya Waandishi wa habari pia wakamatwa

"Ibara ya 18 na 20(1) ya Katiba ya Jamhuri ya Muungano wa Tanzania zinatoa haki na uhuru wa watu kujumuika, kufanya mikutano, maadhimisho na kueleza mawazo yao. Haki hizi hazipo kwenye Katiba peke yake bali zipo kwenye Mikataba mbalimbali ya Kimataifa na
Kikanda ambayo Tanzania imeridhia." imeelezwa katika tamko hilo

 

[The useful idiot]

Wewe ukiona kama haki haijatendeka nenda ikulu pale njia ipo wazi

 

[Kichakoro]

Yaliyotokea Kenya yalianza na kadhia ndogondogo kama hizi. Hasira ikiwajaa wanaingia barabarani na hapo ndio nguvu ya Umma huonekana.

Polisi wetu hawajawahi kuingia majaribuni ya maandamani makubwa naona kama wanawashawishi watu kuingia barabarani.