SI KWELI Tiketi za Simba day ziliuzwa kwa mafungu na ulanguzi ili ziishe mapema

Simba Sports Club ni klabu ya soka yenye makazi yake katika kata ya Kariakoo katika Wilaya ya Ilala Mkoa wa Dar es Salaam nchini Tanzania.

Simba Ilianzishwa mwaka wa 1936, Jina la utani ni Wekundu wa Msimbazi (Wekundu wa Msimbazi), ni kumbukumbu ya watani wao wote wenye wekundu hao na Mtaa wa Msimbazi uliopo Kariakoo yalipo makao makuu yao.Simba ni moja ya klabu yenye Wingi wa mashabiki na moja kati ya klabu kubwa nchini Tanzania.

Simba imemaliza kuweka kambi nchini Misri ambako ilikuwa ikijiandaa na msimu mpya wa Mashindano 2024/2025 ambapo imerejea nchini Julai 31, 2025.

Katika siku hiyo hiyo ya Julai 31 2024 Simba SC iliweka chapisho katika mtandao wa X kuwa uuzwaji wa Tiketi za kwenda kwenye tamasha la Simba Day limefika tamati kwani tiketi zote 60000 za uwanja wa Benjamini Mkapa zimekwisha kununuliwa zote.

Baada ya chapisho hilo zilizuka hoja kuwa Simba imetoa taarifa isiyo ya kweli kwani mfumo bado unaruhusu kununua tiketi ivyo taarifa yao ya kuuzwa kwa tiketi zote si ya kweli.
Je, ukweli ni upi?
Baada ya kuibuka hoja hizo mdau wa Jamiicheck ametaka kufahamu ukweli kuhusu jambo hili, JamiiCheck imefuatilia madai hayo. JamiiCheck imewasiliana na Meneja wa Oparesheni wa Kituo cha Taifa cha Kuhifadhi Data (NIDC), Nasra Mugheri ambaye amesema kuwa Tiketi za Tamasha la Simba zimeisha siku ya Julai 31, 2024 sawa sawa na tarehe ambayo Simba walitangaza Sold out na mfumo wao hauruhusu kununua tiketi kimafungu kama inavyodaiwa.

Aidha, Ncard wamebainisha kuwa mfumo wao umeshafunga zoezi la kununua tiketi za Tamasha la Simba sababu zimeshaisha, maneno na hoja zinazoendelea ni maneno ya kishabiki.

Hivyo, kutokana na kanusho la N-card juu ya madai ya tiketi kununuliwa kimafungu na mfumo wa N-card kuendelea kuuza tiketi Jamiicheck imejiridhisha kuwa Madai ya Haji Manara na wengine ni ya uzushi.