TMA: Mvua kubwa Lindi, Mtwara, Tanga, Dar na Pwani kuanzia Aprili 8-10

[Richer]

ANGALIZO la mvua kubwa limetolewa kwa maeneo machache ya mikoa ya Lindi, Mtwara, Tanga, Dar es Salaam, Pwani (ikijumuisha visiwa vya Mafia) pamoja na visiwa vya Unguja na Pemba kuanzia tarehe 08-04-2026 hadi 10-04-2026.
Wakazi wa maeneo husika mnapaswa kuzingatia na kuchukua hatua stahiki.

 

[kawombe]

Na nyie msije kua kama tume ya uchaguzi semeni ukweli sw.
Kazi ni kipimo cha utu

 

[Kennedy]

Sawa

 

[mrangi]

Na nyie msije kua kama tume y uchaguzi semeni ukweli sw.
Kazi ni kipimo cha utu

Ndiyo mshaambiwa
Msije mkasema hamjaambiwa

Ova

 

[Smiley98]

Wacha inyeshe tu,tujue panapo vuja

 

[Smart911]

Ahsante kwa taarifa...


Cc: Mahondaw

 

[McLaren]

Mamlaka ya Hali ya Hewa Tanzania (TMA) imetoa angalizo kwa umma kuhusu matarajio ya kunyesha kwa mvua kubwa kwa muda wa siku tatu mfululizo, kuanzia Jumatano, tarehe 8 Aprili hadi Ijumaa, tarehe 10 Aprili 2026.

Kwa mujibu wa taarifa rasmi iliyotolewa na TMA, mvua hizo zinatarajiwa kunyesha katika baadhi ya maeneo machache ya mikoa iliyopo ukanda wa pwani na visiwani. Mikoa itakayoathiriwa ni pamoja na:

• Dar es Salaam
• Tanga
• Pwani (ikijumuisha kisiwa cha Mafia)
• Lindi
• Mtwara
• Visiwa vya Unguja na Pemba

Kiwango cha Athari na Madhara Yanayotarajiwa

Taarifa hiyo inaeleza kuwa uwezekano wa kutokea kwa mvua hizi ni wa kiwango cha wastani, na athari zake pia zinatarajiwa kuwa za wastani. Hata hivyo, TMA imeonya kuwa kuna uwezekano wa baadhi ya makazi kuzungukwa na maji kutokana na mvua hizo.

Wito kwa Wananchi

Kufuatia hali hiyo, Mamlaka ya Hali ya Hewa imewataka wakazi wote wa maeneo yaliyotajwa kuchukua tahadhari kubwa. Wananchi wanashauriwa kuzingatia taarifa hii, kujiandaa mapema, na kuchukua hatua stahiki ili kulinda usalama wa maisha yao na mali zao dhidi ya madhara yanayoweza kusababishwa na maji kutuama au mafuriko madogo.

 

[Half american]

Ishaanza kutunyea haswa

 

[Tanganian]

Nachukia sana mvua ,ikanyeshe huko mashambani.

 

[ShesRise_1]

Mvua tokea jana usiku mpaka sasa

 

[ShesRise_1]

Nachukia sana mvua ,ikanyeshe huko mashambani.

Pole we ni machinga😆

 

[Tanganian]

Pole we ni machinga😆

🤣🤣Hapana ,hii mvua inaharibu siku yangu kabisa.

 

[ShesRise_1]

🤣🤣Hapana ,hii mvua inaharibu siku yangu kabisa.

Mi napenda inyeshe kama hivi nipo home muhimu umeme usikatike
Nijifunike gubi gubi😊

 

[nakwede97]

Kwakweli tumeiona basi imetosha Kwa leo