Tra mbeya lawamani

Njowepo · 2011-11-27T11:47:04+00:00

Maaskofu waitupia lawama TRA kwa kodi kubwa Na Thobias Mwanakatwe 27th November 2011 Mkuu wa Mkoa wa Mbeya, Abbas Kandoro Maaskofu, Wachungaji na wanataaluma mkoani hapa wameishitaki kwa Mkuu wa Mkoa wa Mbeya, Abbas Kandoro, Mamlaka ya Mapato Tanzania (TRA) Mbeya kwa kuwakimbiza wafanyabiashara kuwekeza katika mkoa huo kutokana na kuwatoza kodi kubwa na kusababisha wakimbilie mikoa mingine. Walisema hayo juzi wakati wa kongamano la kujenga mkakati wa maendeleo ya mkoa wa Mbeya waliloliandaa na kuwashirikisha viongozi wa dini na wananchi ambalo Mkuu wa Mkoa wa Mbeya, Kandoro alikuwa kama mgeni rasmi. Askofu Mkuu wa Kanisa la Kiinjili la Kilutheli Dayosisi ya Konde, Dk.Israel Mwakyolile, akisoma maazimio ya maaskofu na wachungaji katika kongamano hilo, alisema TRA mkoa wa Mbeya amekuwa kikwazo kikubwa kwa wafanyabiashara. Dk. Mwakyolile alisema watu wanajitahidi sana kufanya biashara katika mkoa wa Mbeya lakini wanakatishwa tamaa na TRA ambayo inawatoza kodi kubwa hali ambayo inawafanya wafanyabiashara kukimbilia katika mikoa ya Kilimanjaro, Arusha na Dar es Salaam ambako kodi inakuwa ya kawaida ukilinganisha na Mbeya ambako ipo juu. Dk. Mwakyolile alisema TRA Mbeya lazima watambue kuwa biashara ni chanzo kikuu cha ajira kwa vijana hivyo wafanyabiashara wakubwa wanapoanza kuukimbia mkoa vijana nao watakosa ajira na matokeo yake watajiingiza katika makundi yasiyofaa na kusababisha mkoa kutokuwa na amani. Mkuu wa Mkoa wa Mbeya Kandoro akijibu hoja hiyo aliwaahidi maaskofu hao kwamba atakaa na Maofisa wa Mamlaka ya Mapato Tanzania Mbeya kujadiliana suala hilo. Kwa muda mrefu TRA Mbeya imekuwa ikilalamikiwa na wafanyabiashara wa mkoa huu ambao walishatoa tishio la kuacha kupitisha mkoani hapa bidhaa zao yakiwemo magari wanayoyanunua toka nje kutokana na Mamlaka ya Mapato Mkoani Mbeya (TRA) kuwatoza kodi kubwa ambayo wakati mwingine inazidi thamani ya bei waliyonunulia vitu hivyo toka nje. Walisema maofisa wa TRA waliopo kitengo cha forodha wamekuwa wakiwatozwa kodi kubwa kila wanapoingiza bidhaa hususani magari kutoka nchi za Malawi, Zambia na Afrika Kusini hali ambayo inawafanya wapate hasara katika biashara zao. Mmoja wa wafanyabiashara hao Protence Mpora alitoa mfano kuwa mwezi Januari mwaka huu aliingiza magari mawili yaliyotumika kutoka Malawi lakini kiwango cha kodi alichoambiwa atoe ni kikubwa sana ukilinganisha na bei aliyonunulia. Mpora alisema tangu Januari amekuwa akifuatilia kuomba apunguziwe kodi hiyo lakini maafisa wa TRA wameshilia msimamo wa kutaka kiwango cha kodi walichomkadilia akitoe na kumtishia kuwa asipolipa watayataifisha magari hayo. Meneja wa kanda wa TIC, Daudi Riganda akizungumza wakati wa semina ilitoandaliwa na TIC kuwatambulisha wafanyabiashara utendaji kazi wa kituo hicho ambayo ilifanyika mjini Vwawa wilayani Mbozi alisema tangu afike mkoani Mbeya amekuwa akipokea malalamiko kutoka kwa wafanyabiashara juu ya utendaji wa baadhi ya maafisa wa TRA ambao wamekuwa wakiwaona wafanyabiashara kama adui zao. CHANZO: NIPASHE JUMAPILI

Thread starter Njowepo
Start date Nov 27, 2011

Njowepo

JF-Expert Member

Nov 27, 2011

Jayfour_King

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Tra mbeya lawamani

Njowepo

JF-Expert Member

Jayfour_King

JF-Expert Member

Our Community

Regional Communities